Apocalipsis 16:21 - La'qaatqa ñi qota'olec Qota'olec & Qota'olec Novita Na Qomyipi

²¹ Qai'neeta nac aso qalachi late'ogue', chicqo'ot na piguim, taalec na qom. Ỹovi' cuarenta kilos que'óna. Ca na qomyipi 'ue na ỹa'xat se no'uen quiñi qota'a quesojo nqa'viic caso qalachi, ma' mashic chalego lecaic dá'maq nouaxanaxaset.

Apocalipsis 16:21 Iomraidhean Croise

Job 38:22

¿Mashic shi'co' vichitera'a yi ỹa'maqataxanqa' quena' sa'maxat ana loñi nacañi chaqai ana qalachi,

Job 38:23

ca sela' quena' ỹovitalo naua la'aaqa' naua na'xata' quecaua na'xata' lauataxaqui'?

Éxodo 9:18

Vichiguiño' ma' nete'e ma' 'nejem nagui, ca' anac nqaishin aca qalachi late'ogue' se ỹauanapega 'ue aca liỹa 'nejem taalec na Egipto quesá'ogue so 'au ñaxaripi.

Éxodo 9:22

Co'na'le, ca' ñi qara'gaxala' 'naaco' queso Moisés: —Chaxañirishiguim na rqai'laxachi' quena piguim, qaiyi nac ana qalachi, ca' taalec ná'ogue na qom chaqai na iseripi chaqai na nanecsec quena 'laua Egipto.

Josué 10:11

Ca' so amorreoipi co'na' mashic qui'ñigui so ca'megue quiyi Bet-horón co'na' 'eetapeguem so Israel llaalqaipi, ca' ñi qara'gaxala' ỹo'uet quiyim anac aso qalachi. Ca' ỹaatqajam 'xoic so ỹalauat nqai'en, paguelec so ỹalauat queso Israel llaalqaipi.

Apocalipsis 11:19

Ca na'le, ca qaỹauatougui ñi lo'ueenaxanaxaqui ñi qota'a neeta'gue da piguim. Ca' ỹaatqajam re'qoota aso lahite' saua diez laqataxaco ñi qota'a. Ca' 'ue so nqai'legaxa, nalataxa, soxonaxallipi, so le'loxolaxa na 'laua, chaqai aso late'ogue' qalachi.

Apocalipsis 16:11

Qam qaiyiita sqai ỹaxanñi dá'maq se no'uen ỹo'ueetetac. Ta'ta'a quiyim se no'uen na ỹa'xat npa'guente'e' ñi qota'a queda piguim, sauaxat ná'maq nqui'ic chaqai ana le'neete.

Apocalipsis 16:9

Ca' ná'ogue ỹaatqajam ỹaviqueta nqai'en. Qam se netacocha, chaqai se imaqachin ñi qota'a. Ta'ta'a quiyim 'ue na ỹa'xat se no'uen npa'guente'e' ñi'maxare, ñí'maq 'ue da lquesaxanaxa quiyim ilate' naua nqa'viico.

Apocalipsis 8:7

Ca na' pi'chigui aso lpe'te so 'auaxaic nelaatec piguim le'ec, ca' anac aso qalachi chaqai so norec ỹalequeta'guit na neuoripi, ca' qaỹocorelec ná'ogue na 'laua. Ca' ỹavic añi 'óna quecaua tres qo'pa', chaqai qai'neeta na 'laua 'vii naua lavicqate', chaqai na 'uaqapi ladala.