Apocalipsis 16:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ “Ajñii, ỹim ñovi' ma' sqaica ca qaỹahotaque, shintari' ca cuataxai. Chalego loyac ma'le quecá'maq nelootauec chaqai cá'maq netela'alo caua loho, qaiyi mesqai neetauec, ma' no'me' na qomyipi iuana ma'le ná'ogue na loshicmaxa.”

Apocalipsis 16:15 Iomraidhean Croise

Éxodo 32:25

Ca co'na' so Moisés iuana so qomyipi quiyim qaica ca nollaañi, chaqai 'ue da lichic quiyim chi ne'naxat quena npa'guenaxauaripi, ma' so Aarón tot ishit quepaxat.

Ezequiel 16:37

Vichiguiño' ỹim llapoonta' ná'ogue ná'maq qami' lqo'itqate ná'maq netoonta'pegue qami', ná'ogue ná'maq rqo'chita chaqai ná'ogue ná'maq se rqo'chita; llapoonta' lapoỹau'a nqaishin aqami', ca ma' sá'ogue lapoỹaho, ca' ñosoxonaxañiriñi, qaiyi ỹa'ajanta qami' ma' ỹaatqajam ñi'sauec.

Mateo 25:13

Co'na'le, ca' so Jesús 'naapegalo' saua'maxare: —Ỹaatqajam nelohitauec, ma' sqa 'yiiñii ca na'xa'a chaqai ca laloqo' quiyim novi' najo ỹale llaalec.

Mateo 26:41

Nelohitauec qamiri, chaqai nqouagaxaiñii, qaiyi se novitalo qamiri ca ne'guenaxaguii. 'Nesa ma' llic rasapchita qamiri, qam na roshicmaxahi se nasapet.

Marcos 14:38

Ỹaatqajam nelohitauec chaqai nqouagaxaiñii, qaiyi sqo viriu'a ca ne'guenaxaguii. Ma' ca qom quiyí'maq hueetagui añi le'taxanata ỹaatqajam nasapteta, qam ná'maq loshicmaxa neual.

Lucas 21:36

Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.

Hechos 20:31

Vichiguiño' ỹaatqajam rovichiỹari'o'; no'viñita'gue quecaua tres ñaxari, quiyi na'xa'a chaqai yi pe, qaica lqodoc quiyim sapaxaguinta'pe qamiri, saqatetapegalo qamiri, ñoỹentalec quiñi 'óna caqamiri.

2 Corintios 5:3

ca ỹapolgoto qomi' 'nejem ca nooỹac quena' qoỹanñi, qaiyi sqai senqatauec.

1 Tesalonicenses 5:4

Qam qamiri ỹaqaỹa', totqai viitaugui na 'ec napalaxa quiyim i'laxate' qamiri cajo na'xa'a loviraxaqui so qara'gaxala', 'nejem ca cuataxai.

1 Tesalonicenses 5:6

Ca' vichiguiño' nagui se ỹa'maxañi quiyim 'ec selaxasqotegueñi, shinqata ná'maq saqa' icoñiguit da na'qaatec. Ta'ta'a quiyim ñiloqotec chaqai sa'maxatqa'tegue da qoyicyaxac.

1 Pedro 4:7

Ca tot qoỹoqaque ca lqodoc ná'ogue nanchaqaina. Ca vichiguiño' sqai qamiri que'guenataxanaxaiqa. Ta'ta'a quiyim ỹaatqajam coñiỹa da nqouagaxainaxaguii.

2 Pedro 3:10

Qam ca loviraxaqui ma'le so qara'gaxala' ỹovita ma' sqaica ca qaỹahotaque, 'nejem ca cuataxai queetagui yi pe. Ca' ỹaatqajam qaica 'nejem ma'le ca lelamaxa na piguim ma' sogui, chaqai ná'maq hueeto'ot na piguim ỹavic ma'le queca norec, chaqai na 'laua qai'neeta ỹavic chaqai ná'ogue ná'maq hueetalec ana'maxare.

Apocalipsis 22:7

—¡Sqaỹaloq ñanac! ¡Ca' chalego loyac quecá'maq na'xaỹaxane'ta da la'qaatec ñi qota'a qoỹeretañi canajo lere!

Apocalipsis 3:11

Sqaỹaloq ñovi'. Lo'qo'ichiriñi ná'maq mashic hueeto'ot aqami', qaiyi qaica ca rouootaxana'gue ma'le ca raviguiqui'.

Apocalipsis 3:18

Ca vichiguiño' 'ue da ỹaqataxac nagui caqami', quiyim chigoxochiro'ot aỹim ma'le cá'maq shiujnaxañita cá'maq ỹaatqajam 'oro nqatelecsec, qaiyi ỹaatqajam qami' nesallaxanec, chaqai quiyim chigoxochiro'ot aỹim quiyim shiujnaxañiraque ca qatooỹaqui' lalagaxaic, ca ñi'riñi, ca po'irelec ná'maq ỹo'ueetetac na nayiloxo quiyim ñi'sauec, chaqai shiujnaxañiraque ca latate' naua nqochichi', qaiyi neuañiriñi.