Apocalipsis 16:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca na'le, ca seuane'ta quena lap so isecỹac 'ec naanoc, chaqai quena lap so isecỹac lodegaxat, chaqai quena lap só'maq 'neetapega letaxaỹaxanqajnec ñi qota'a chicqauguilo saua tres nase' lecmaxaqa 'nejme' ana piyiloxoloxo.

Apocalipsis 16:13 Iomraidhean Croise

Mateo 7:15

Rovichii'a na 'maatqaiquipi ná'maq 'naac quiyim letaxaỹaxanqajnec ñi qota'a. Najo naata'alo qamiri ỹantañi na qagreta loshicmaxa, qam da pa'aataho no'ueenataxac 'ec na isecỹac toxonaxai.

Apocalipsis 16:14

Ca' sauajo sauá'maq lelaatqa so na'ỹaapec sauá'maq ỹo'ueetesac ná'maq chalego lecaic netanqaipi. Chaqai que', lapoondeta' ná'ogue na nashillipi quena 'laua, ỹa'maxatetañi queca chalego lecaic na'xa'a quiyim nalauate'e' ñí'maq qota'a sqaica lqalanec.

Apocalipsis 18:2

Ca' ỹaatqajam nelamaxaren ỹaualqatac, 'naacsa': —Mashic huaañi, noxona aso chalego lecaic na'a' leenaxat Babilonia. Ca' nagui, ca loma' na se no'uen lelaatqaipi so na'ỹaapec, chaqai nqañoqotqa' ná'ogue ná'maq se re'xogui lecmaxaiquipi, chaqai lco'vichaqa' ná'ogue ná'maq isecỹac ỹo, napio'o chaqai qanaqaica'a.

Apocalipsis 19:20

Ca' so isecỹac lodegaxat qaicoñi', liỹaatau'e' só'maq 'naaco' quen letaxaỹaxaqui ñi qota'a, só'maq qaiuanchiquio' quen nqai'en quena' ỹo'uet na netanqaipi se qaiuanapega. Ca' quedajo netanqaipi chicqochigui quiyim ỹayin ná'maq nañaañiguit so isecỹac lodegaxat quiyim ỹa'ue ca letanec so'maxare chaqai quiyim imaqachin so nadenqatec lqui'i. Ca só'maq isecỹac lodegaxat chaqai só'maq 'naaco' quen letaxaỹaxaqui ñi qota'a, saua'que nca'leesauec qainaxariñigui ca norec lavigaxat na quiquiaxaic.

Apocalipsis 20:10

Ca só'maq na'ỹaapec rayinaxantaco' quen queso'maxare, ca' qainaxañigui so norec lodegaxat lavigaxat na quiquiaxaic, yí'maq qainaxanquio' na'le so isecỹac lodegaxat chaqai só'maq chaqai 'naaco' quen letaxaỹaxaqui ñi qota'a. Ca' hua'ñi, ca' 'ue da le'xoric sqaica lqodoc quenaua'que naua na'xata' chaqai naua piri.