Apocalipsis 16:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' so liỹa nelaatec piguim le'ec co'taxachigui aso lo'qoota'a 'taxaqui, ỹocorelec so huaxaỹaq caso lachiugue late'ogue' Eufrates. Ca' so huaxaỹaq caso lachiugue quiguiñi, ca rashivigui. Ca' ỹo'uet llicta so nashillipi chicqa'gue da lqodoigue.

Apocalipsis 16:12 Iomraidhean Croise

Isaías 44:27

Ỹim seshit shinapega aso huaaxai quiyim rashivigui chaqai quiyim na lachiuguellipi co'chigui qaica ca huaxaỹaq.

Isaías 8:7

ca ñi qara'gaxala' i'paxanlec nqai'en quena lo'paxa chicqa'oga aso lachiugue Eufrates (qam da leloxoỹaxac 'neetasa': quiyim ñi nashi quiyi Asiria ỹomatalec najo ma'le da lquesaxanaxa). Ca que'ueguelo ma'le naua lasote, ca ỹovirete'ueguelo naua'que naua lahil,

Apocalipsis 11:14

Ca' ỹoxogue na'le so co'uaataxanaxaic ne'xoric, qam qaỹaloq novi' ca liỹa.

Apocalipsis 17:15

Qai'neeta 'naac caỹim so nelaatec piguim le'ec: —Só'maq huañita huaaxaipi só'maq nqa'xantalec aso nedequenaxai, na'maxare chaqaina ná'ogue na qomyipi ỹoreta'oguit na la'qaatec.

Apocalipsis 7:2

Qai'neeta seuane'ta so piguim le'ec chicqa'gue da lqodoigue, lo'qoota'a aso letanaxanqate ñi qota'a ñí'maq nca'leetauec. Ca' sojo piguim le'ec ỹaualaq, qam ỹaatqajam netenegue da laualaxac quesaua cuatro nelaatqa piguim lase' sauá'maq iconchiguito' na'le da lquesaxanqa' quiyim na'axat na 'laua chaqai ana huaaxai. 'Naacsa':

Apocalipsis 9:14

Ca' so na'qaatec 'naac quesó'maq nelaatec piguim le'ec só'maq pe'teetapigui aso lpe'te, 'naacsa': —So'irec ñaua cuatro nelaatqa piguim lase' qaicoñiretasa'lo neeso'ot na lahi aso lachiugue late'ogue' Eufrates.