Apocalipsis 15:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' añi no'ueenaxanaxaqui ỹaatqajam no'xogui quena nesalaxaripi chicqaugui da lecaic chaqai da lquesaxanaxa ñi qota'a. Ca' quiyi, ca' sqaica ca ishit inoxono quiyi'maxare, toco' ma' imero saua siete nqa'viico i'xatesac saua siete nelaatqa piguim lase'.

Apocalipsis 15:8 Iomraidhean Croise

Éxodo 19:18

Ca' nichiitapeguec ada qa' ladocai leenaxat Sinaí, ma' ñi qara'gaxala' hueetalec aso'maxare, hueetaugui so lavinñi so norec. 'Ec nqatelaxanaxaqui, ca chicqotapougui so nesalaxaripi. Ca sá'ogue asó'maq qa' ladocai ỹaatqajam i'loxoltac.

Isaías 6:4

Ca' queda lelamaxa da lavillaxague', ca' naua lasomi' ñi no'ueenaxanaxaqui lodegaxat redaỹa'pe, chaqai ñí'maq no'ueenaxanaxaqui no'qaachigui quena nesalaxaripi.

Levítico 16:2

Ca' ñi qara'gaxala' 'naaco' queso Moisés: —'Ñirapega ma'le ñi rqaỹa'e' Aarón quiyim se inoxona'a yi co'teeta ñqa'xanqa' quecanchaqaica na'xa'a yí'maq pootalec queso napoxonaxat, chaqai yi pa'aata'guit añi lapooquete añi lahi' na ilaataxanaxaquipi, qaiyi se ileu. Ma' ỹim ñoviriñi ma'le, seuetaugui so naueguelec, seuetalec añi lapooquete añi lahi' na ilaataxanaxaquipi.

Romanos 11:33

¡Ỹaatqajam chalego lecaic da lqouagaxa ñi qota'olec, chaqai da la'deenaxanaxa, chaqai qaỹaataq ca ỹa'den! Chaqai se sa'deenaq quiyim sa'xataxe' naua na'deenaxaco, chaqai vire'ta se sa'deenaxe' naua nayicyaxaco.

2 Tesalonicenses 1:9

Na'maxare ỹaatqajam chalego lecaic da nouaxanaxaset chaqai sqaica lqodoc. Qaỹo'daauec ỹaatqajam qoỹoqote'oga nqohin, qaiyi se iuana ca lauaq chaqai da lquesaxanaxa so qara'gaxala',

Apocalipsis 15:1

Ca seuane'ta quena piguim aso liỹa chalego lecaic netana ỹo'uet da ne'laxa: Siete saua nelaatqa piguim lase' i'xatete' saua siete pa'aaterec nqa'viico. Ca' quesaua, ca' ỹovita ca lqodoc ca lonogoxonaxac ñi qota'a.

Apocalipsis 21:11

Sojo na'a' hueetaugui da lauaq ñi qota'a, ca' da lqashilegaxa 'ec ná'maq no'uen qa' leenaxat jaspe, richaauec da lqashilegaxa.