Apocalipsis 15:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' so qomyipi ỹo'ueentac da lo'ueenec so Moisés só'maq lelaatec ñi qota'a chaqai da lo'ueenec so 'ec qagreta llaalec, 'neetasa': Ỹaatqajam chalego lecaic chaqai da loyac ná'ogue ná'maq ro'ueenachiqui', qami' qara'gaxala', qami' qota'olec qaica ca qalañirac. Ỹaatqajam ỹalamqate' chaqai lliquete' naua nayigohi', qami' lashi ná'ogue na ỹoreta'oguit qomyipi.

Apocalipsis 15:3 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Salmos 100:5

Ma' huagaxaraic ñi qara'gaxala'; se neme da le'xorenataxanaxa, chaqai qaica lqodoc quiyim ipaquichiguilo naua la'qaatqa.

Salmos 139:14

Semaqachiñi', ma' 'xoic da i'laxa, ma' chalego la'maxa dá'maq 'viichi'o' na'le. ¡Ca' quedajo, ca ỹaatqajam sa'yiinchigui!

Isaías 45:21

Taxahi, nodohiuo cá'maq huañichigui, taxahiỹata', no'm viitaque, ca' chaqaida nqai'ñii: ¿Negue' cá'maq ỹa'xato' dajo na' ñaqai 'avichiguiñi? ¿Nega'ỹo' cá'maq shi'co' ỹa'xat na'le? ¿Mesqaỹim sa'xat na'le, ỹim na'gaxala'? Chaqai qaica liỹa qota'olec ỹoqota'oga caỹim. Ỹoqota'oga caỹim qaica liỹa qota'olec huegaxanaxai chaqai ca'laqataxanaxai.

Daniel 6:20

Ca co'na' so nashi ipalataxaso'ma añi tema, ca 'ue da lachicoxo, roỹaxantaxaso'ma so Daniel, 'naaco': —Daniel, qami' lelaatec ñi nca'leetauec qota'olec, ¿ishit ñi'maxare nca'laxatec qami' quena sauaxaic leta'allipi, ma' qami' 'ỹaañisacot da no'ueenataxaqui' ñi'maxare?

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Juan 1:17

Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Deuteronomio 34:5

Ca' chaqaida dá'maq 'neeta na'le so Moisés só'maq lelaatec ñi qota'olec ileualec yi 'laua Moab, ma' chaqaida dá'maq 'naaco' na'le ñi qara'gaxala'.

1 Timoteo 1:17

Ca vichiguiño' se neme quiyim semaqachinaq ñi qota'olec ñí'maq qarashi qaica lqodoc, ñí'maq tot ileu, chaqai se qaiuana, chaqai qaica 'nejem, chaqai 'deenaxanqachaqaic. Ajá'a, ca' chaqaida 'neeta dajo.

Hebreos 3:5

Ca' chaqaida 'neeta so Moisés ỹaatqajam ỹaqamqata quená'ogue ná'maq ỹo'uet quiyi la'a' ñi qota'a; dá'maq lo'ueenatec qaidaata quiyim ỹa'xatetac dá'maq ỹa'xat ñi qota'a ma'le.

Apocalipsis 1:8

Ca' 'naac ñi qara'gaxala': “Chaqaỹim ná'maq ỹim 'auaxaic, chaqai spa'aatec”, 'naac ñi qara'gaxala' ñí'maq sqaica lqalanec, ñí'maq chaqai'en 'ue, chaqai ñí'maq chaqai'eno' quen, chaqai ñí'maq naata'quena ma'le.

Apocalipsis 11:17

'Neracsa': Saanqaem qami' da qana'aachic, qami' qara'gaxala' sqaica ca qalañirac, ma' chaqai'en 'ue qami', ñí'maq chaqai'eno' quen, chaqai ñí'maq naata'quena ma'le. Ma' mashic coñito' dá'maq chalego lecaic rquesaxanaxa'e' quiyim 'viiquiñi'sac ná'ogue najo.

Apocalipsis 14:3

Ca' ro'ueenaxantac, ỹo'ueentac da dalaxaic no'ueenec reloqotau'a yi nqa'xanqa' ñi qota'a, chaqai saua cuatro ise' nca'leesauec, chaqai queso qo'xoiquipi. Qaica ca ishit ỹa'den so no'ueenec, qaisoota só'maq ciento cuarenta y cuatro mil só'maq ỹovirau'a da nca'laxa quena 'laua.

Apocalipsis 14:8

Ca co'uaataxan so liỹa nelaatec, ca 'naac: —Mashic huaañi noxona yi chalego lecaic na'a' leenaxat Babilonia, ma' quiñiuguet nqai'en ná'ogue na qomyipi, quiñiuguichigui da nedequenaxac.

Apocalipsis 17:14

Ca' nco'uare'e' ma'le so 'ec qagreta llaalec, qam sqaica lovite', ma' so'maxare la'gaxala' na na'gaxalateripi chaqai lashi na nashillipi. Chaqai ná'maq lapoota'guit so'maxare noỹaxanqateripi chaqai nca'acseripi quiñi qota'a, chaqai ỹaqamaxatete' querelec.

Apocalipsis 19:16

Chaqai so'maxare qoỹeretalec so lapo' chaqai na loteleta' dajo neenaxat: “Lashi na nashillipi chaqai la'gaxala' na na'gaxalateripi.”

Apocalipsis 19:2

Ma' ñi'maxare quena' imit na nasauaxaset ỹaatqajam quiichiguilo nqai'ne' naua leloxoỹaxaco dá'maq lliqueta. Ma' ỹo'ueeto' na'le da nouaxanaxaset asó'maq ỹaatqajam nedequenaxai ma' na'axat ná'ogue na qomyipi quena 'laua queda nedequenaxac; ñi'maxare ỹa'ue lovi' caso'maxare da lelauaxa na lelaatqaipi ñi qota'a.

Apocalipsis 4:8

Ca' sauajo cuatro ise' nca'leesauec da'ta'a seis laua' quiñi 'óna. Chaqai no'qaachiguilo quenaua nqote' quena pa'aauec chaqai quena pa'aauo. Chaqai quiyi na'xa'a chaqai yi pe sqai ỹaxañiñi quiyim 'nerac: Qami' maq ỹaatqajam co'chiite', qami' qara'gaxala' qota'olec maq sqaica ca qalañirac, qami' ná'maq chaqai'en 'ue qami', chaqai 'ue qami' nagui, chaqai naata'quena ma'le.