Apocalipsis 14:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca nelamaxaren quena' retaqa, 'naacsa': —Ỹaatqajam 'ue nqai 'negue nqai'ñii ñi qota'a, 'ỹaañiỹot da remaqajnataxanaxahi, ma' mashic ỹovita yi laloqo' quiyim ñi'maxare imit na nasauaxaset. Maqachiñii ñí'maq lo'ueenatec na piguim chaqai na 'laua, ana huaaxai chaqai na ne'paxantashiguim na le'ec huaxaỹaq.

Apocalipsis 14:7 Iomraidhean Croise

Génesis 22:12

Ca' so nelaatec piguim le'ec 'naaco' queso'maxare: —Totaxan vite ca 'ñitetegue na noctoqui', ma' mashic sa'den quiyim 'ue da rqolonaxa'e' quiñi qota'olec, ma' qainaatam na qachaalqui', qam sqo lli'rapiguim.

Salmos 33:6

Na piguim chaqai ná'ogue na hueeto'ot lo'ueenatec ñi qara'gaxala', ỹahote'e da la'qaatec chaqai petelec quiñi lap.

Salmos 36:1

Na se no'uen ỹilentac na hualoxonaq dá'maq se re'xogui hueetagui añi le'taxanata. Ca'maxare sqai hueetapigui lauel quiyim qano'cha'a ñi qota'olec.

Salmos 95:5

Ana huaaxai lalamaxarete ma' chaqaiñi lo'ueenata; ¡ỹahota'ahi naua lqai'laqate' na' ỹo'uet na 'laua!

Éxodo 20:11

Ma' ỹim ra'gaxalari quecaua seis na'xata', ca so'uet na'le na piguim, na 'laua, ana huaaxai, chaqai ná'ogue nanchaqaina 'ue quena'maxare. Ca ñco'matec na' ime' saua seis na'xata'. Vichiguiño' lloyagaxat da ỹa'qaatec quesojo na'xa'a ñco'mataxaqui, ca soỹoote'oga quiyim sauaaque qayimaqachin quesojo na'xa'a.

Isaías 40:3

Qara'xaỹaque so naualaxac, 'naac: 'Maxachiñi ca nayic ñi qara'gaxala' quena 'laua qaica qom, lamaxachita ca llic ñi qota'olec coqomi' quiyi 'laua rashivijlec.

Isaías 40:6

Ca' 'ue so sa'xaỹaque 'naac: Raualqai', ca' ỹim senataxan: ¿Negue' quet cá'maq shinta'gue ca ỹaualaxac? Ca 'naac: Quiyim ná'ogue na qomyipi 'ec ana peue, ¡se ra'ñiiñi 'ec aca lenoỹaxai quena no'ueenaxa!

Isaías 40:9

Qami' Sión, quirishi'megue ana roto aca qa' ladocai, ỹaatqajam na'ñaxat nqai'ñi' da qavillaxaqui', ca 'qaataxañita queda no'uen na'xaỹaxac. Qami' Jerusalén, totaxan ro'chi'i', ỹaatqajam nichintegue ca ra'qaachiqui', vite la'xaỹaxague' naua na'aate' quiyi 'laua Judá, 'ñirac: ¡'Ena hueete'e ñí'maq qota'olec caqamiri!

Isaías 58:1

Ñi qara'gaxala' qota'olec 'naac caỹim: Se ro'chi'i', taxahi' nelamaxariñi', 'ec npe'te nqai'ñi' ca qavillaxaqui'; relaqaita na ỹalamaxareteripi llaalqaipi so Jacob quedá'maq se no'uen ỹo'ueetetac chaqai queda lasauaxaset.

Mateo 25:13

Co'na'le, ca' so Jesús 'naapegalo' saua'maxare: —Ỹaatqajam nelohitauec, ma' sqa 'yiiñii ca na'xa'a chaqai ca laloqo' quiyim novi' najo ỹale llaalec.

Lucas 17:18

Yijo chicqa'a ca liỹa 'laua, ¿chaqaiyiito' yi'maxare 'oonoqui' rapil ỹaanot da na'aachicyaxac ñi qota'olec?

Hechos 14:15

—¡Qamiri ỹalliripi! ¿Chi'neco' ma' 'viichitac dajo? Ma' qom qomi', shinqata maqamiri. Ma' chaqaida dá'maq 'em ñoviraq quiyim shinqapegalo qamiri quiyim 'xañiñi na se no'uen qaica ca 'negue, ca' quiilec ñi qota'olec nca'leetauec, ma' ñí ỹo'uet na piguim chaqai na 'laua chaqai ana huaaxai, chaqai ná'ogue ná'maq nanchaqaina.

1 Pedro 4:7

Ca tot qoỹoqaque ca lqodoc ná'ogue nanchaqaina. Ca vichiguiño' sqai qamiri que'guenataxanaxaiqa. Ta'ta'a quiyim ỹaatqajam coñiỹa da nqouagaxainaxaguii.

Apocalipsis 11:13

Ca na'le 'ue so ỹaatqajam quesaxanaxaic le'loxolaxa na 'laua, ca' quecaua diez 'imqa, 'óna ca 'guiñi quiyi 'imqaipi quiyá'ogue yi na'a'. Ca siete mil só'maq qom ileuo' na'le na' i'loxol na 'laua. Ca ná'maq no'ueenañi qom paguelec da lqolonaxa, ca imaqachintac ñi qota'a neetashiguim queda piguim.

Apocalipsis 11:18

Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.

Apocalipsis 15:4

¿Negue' queto' cá'maq se no'cha'a qami', qami' qara'gaxala'? ¿Negue' queto' cá'maq se imaqachin aqami'? Ma' chaqaqamite' qami' co'teeta, chaqai anac ná'ogue na ỹoreta'oguit qomyipi, ca' imaqachin aqami'. Ma' qaiuanchigui quiyim sqaica ca se ỹa'maxañi quená'ogue ná'maq 'viichi'.

Apocalipsis 16:9

Ca' ná'ogue ỹaatqajam ỹaviqueta nqai'en. Qam se netacocha, chaqai se imaqachin ñi qota'a. Ta'ta'a quiyim 'ue na ỹa'xat se no'uen npa'guente'e' ñi'maxare, ñí'maq 'ue da lquesaxanaxa quiyim ilate' naua nqa'viico.

Apocalipsis 18:10

Qoỹorete'ogalo ma'le saua'maxare, ma' no'chita ma'le da nouaxanaxac. Chaqai 'nerac: —¡'Agai! ¡'Xoraỹole qami', ma' qami' ná'maq chalego lecaic Babilonia, yí'maq chalego lquesaxanaxa na'a'! Ma' ne'laqataxanto da nouaxanaxaset.

Apocalipsis 18:17

Qam ¡ne'laqataxanto na'laañi cá'ogue ca chalego lecaic nesallaxa! Ca ná'ogue na nashillipi lo'o ana qom lahi' huaxaỹaqse, chaqai ná'maq li'ỹaac qomyipi, chaqai ná'maq huaxaỹaq lo'ollipi, chaqai ná'ogue ná'maq ro'ueenataxantac hueetañigui na huaxaỹaq, na'maxare qoỹoqote'oga.

Apocalipsis 18:19

Ca nemeetese'e naua lqahigo' quena 'laua, noỹentagui, rapooteseguelec, 'neracsa': —¡'Agai, ỹaatqajam chalego le'xoric yí'maq chalego lecaic na'a'! Ma' queda lesallaxa resalligui ná'ogue ná'maq 'ue ana looỹac qom lahi' huaxaỹaqse cana huaaxai. ¡Qam ne'laqataxanto quiyim ná'ogue na'laañi!

Apocalipsis 19:5

Ca' 'ue so sa'xaỹaque nivillaxac 'maqateguelec yi nashi nqa'xanqa', 'naacsa': Maqachiñii ñi qota'olec, qamiá'ogue qamiri ma' mashic 'ueenataxañitacot chaqai ná'maq huelec ñi'maxare, quená'maq collo'olqaipioqui' chaqai ná'maq mashic leta'allipi.

Apocalipsis 4:11

Qami' qara'gaxala' qota'olec, ỹaatqajam 'chichiguiñi quiyim coñichiguit da nauaq, da necaic, chaqai da nquesaxanaxa; ma' qami' ro'ueenachiqui' ná'ogue nanchaqaina, ma' chaqaida dá'maq vi'saque, ca' 'ue, ca' re'oq ná'ogue na'maxare.

Apocalipsis 4:9

Chaqai quena' sauajo ise' nca'leesauec imaqachine' da lecaic chaqai ỹaanot da na'aachicyaxac só'maq nqa'xantañigui aso qa'xanaxaqui só'maq sqaica lqodoc da nachaalataxac,

Apocalipsis 8:10

Ca' so liỹa nelaatec piguim le'ec pi'chigui aso lpe'te, ca' najñi aso chalego lecaic huaqajñi, chicqo'ot na piguim, ỹaviquetaugui 'ec ana ncoỹeraxanaxaqui. Ca' 'óna ca tajlec quecaua tres quená'ogue na lachiuguellipi chaqai ná'maq hua'ñi na ne'paxantashiguim huaxaỹaq.