Apocalipsis 14:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ime na'le, ca' seuane'ta so liỹa nelaatec piguim le'ec, ỹoota quena lavinñi na piguim, i'xateta da na'qaatec sqaica lqodoc chicqaugui da nca'laxa, ỹahotaque ỹa'xatem ná'maq hueetalec ana 'laua, ná'ogue ná'maq ỹoreta'oguit na la'qaatec qomyipi.

Apocalipsis 14:6 Iomraidhean Croise

Génesis 1:6

Co'na' ime, ca 'naaco' ñi qota'olec: 'Uo' ma'le ca lquepaxaset quiyim ỹoỹoota'chi na huaxaỹaq, qaiyi naua'maxare ỹoreta'chi. Ca' chaqaida 'neeta.

2 Samuel 23:5

Ca' vichiguiño' chaqai 'neetari' ma'le na ỹaalqaipi sqai ca'e ñi qota'olec, ma' ñi'maxare ỹo'uet na'le da qana'maqataxac sqaica lqodoc, ca da'maxare ỹaatqajam ỹa'maqachiguiñi chaqai se qaỹadalaxat. Ca ñi'maxare ỹaatqajam nañaañim quiyim ỹaatqajam 'ue na ỹoxonec chaqai ipacqajanchigui ná'ogue ná'maq sahotaque.

Salmos 139:24

ya'ajñi' no'm shiqueta'gue ca se no'uen nayic, ca' yashaxañiri'ñigui ca nayic sqaica lqodoc.

Isaías 40:8

Ỹaso ana peue chaqai ana lenoỹaxai roỹapi, qam naua la'qaatqa ñi qota'olec coqomi' chaqaidaata 'neesari'.

Isaías 6:2

Ca' 'vii saua ỹaviquetauguilo pa'aasashiguim queso'maxare. Seis naua laua' quiñi 'óna, quesaua dos laua' ỹapoosagui na lashic, quesaua liỹa' dos ỹapoosalec na hua'nquira quena loshicmaxa, chaqai quesaua liỹa' dos, ca' ỹo'.

Ezequiel 1:14

Ca' saua ise' chalego na liyigue' ỹopilaxatesac yi'maxare, chaqai 'ec na nqai'legaxa.

Mateo 10:27

Dá'maq shinac caqamiri quena napalaxa, ca qamiri 'xachii quiyim viita'ñi ca re'qojlec; chaqai cá'maq ñimootaxantec quiyim sa'xatema qamiri, ỹaatqajam nichiñigue ma' na'xachiuec queca lelaq ca 'imec.

Marcos 16:15

Ca 'naaco' quesaua'maxare: —Mohi, oquii, quiipegue' na qomyipi neetalec ná'ogue na 'laua, ca 'xachim da na'qaatec chicqaugui da nca'laxa.

Romanos 16:25

Ca' nagui semaqachinqatac ñi qota'a ñí'maq ishit ỹa'ñaxat ca rpi'ỹaxaguii, nachiñi'chiguit nqai'en da na'qaatec chicqaugui da nca'laxa, dá'maq sa'xatetac quena' sapaxaguinataxanta'pegue queso qara'gaxala' Jesucristo. Ca' dajo nachiñi'chiguit dá'maq ỹahotaque ñi qota'a quiyim qara'deenaxanaxanegue dá'maq se re'xogui lo'ueenataxanaxac, dá'maq ỹa'maxat ỹoxotetañi na' saqa'leca na 'laua.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

2 Tesalonicenses 2:16

Ca' chaqaiñi ñí'maq qara'gaxala' Jesucristo chaqai ñi qota'olec, quedá'maq lqouagaxa, ca qare'xoren, ca' sqaica lqodoc nqai'en da la'maxa qouel chaqai da 'maxaraic qanaquitaxac,

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

1 Pedro 1:25

qam daua la'qaatqa ñi qara'gaxala' chaqaidaata 'neesari', se imero. Ca' nauajo na'qaatqa chicqoraugui da nca'laxa chaqaida dá'maq qaỹa'xatema qamiri.

Apocalipsis 10:11

Ca na' ime, ca' lotqai qohinapiguiỹa': —Qami' lotqai liỹa pilliralec 'xachi' dá'maq 'naac ñi qota'a taỹaugui na ỹoreta'oguit qomyipi ỹoreta'oguit na la'qaatec, chaqai ná'ogue na ỹoreta'oguit nashillipi.

Apocalipsis 10:7

Ca ma' ỹovita ca laloqo' quiyim pi'chigui aca lpe'te so co'uaataxanaxaic quesaua siete nelaatqa piguim lase', ca' ỹovita ca laloqo' quiyim imigui da se re'xogui lo'ueenataxanaxac ñi qota'a, dá'maq shi'gue ỹa'xatem na'le so lelaatqaipi letaxaỹaxanqajanqaipi.

Apocalipsis 13:7

Chaqai qai'neeta qoỹaanem so isecỹac quiyim nalauate'e' ná'maq lalamaxareteripi ñi qota'a, vire'ta quiyim loxonqaipi; chaqai qoỹaanem quiyim ila', ỹoiquentac ná'ogue na qomyipi ỹoreta'oguit na la'qaatec.

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.

Apocalipsis 8:13

Ca na' ime, ca' ñamatashiguim, ca' sa'xaỹaque so nelaatec piguim le'ec ỹootegueri' quena lavinñi na piguim, ỹaatqajam netenegue da la'qaatec, 'naacsa': —¡'Agai! ¡Ỹaatqajam chalego le'xoric ná'maq neetalec ana 'laua, ma' ilamiguilo daua npe'tel ma' qaipi'chiguilo quedaua liỹa' tres nelaatqa piguim lase'!