Apocalipsis 14:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' chicqotougui añi no'ueenaxanaxaqui so liỹa nelaatec piguim le'ec, ca ỹaualaxau'ga, netenegue da laualaxac, quesó'maq nqa'xantalec so naueguelec: —'Ueenataxañita na richaqsoxonaxachi'. Ca naqachi' ana la' ma' mashic ỹovita yi laloqo' quiyim qanaqat ana la na nanecsec hueetalec na 'laua, ma' mashic ỹiita.

Apocalipsis 14:15 Iomraidhean Croise

Génesis 15:6

Ca' so Abram huelec ñi qara'gaxala', ca vichiguiño' ñi'maxare ỹamata'gue no'uen ỹale.

Isaías 62:1

Paguec da i'xorenataxanaxa caqami', qami' Sión, qaỹamata'gue Jerusalén, vichiguiño' se yi'maqata qaica ca shinac chaqai se ñco'matec, vire'to' ma' re'oq ca qadoxonaxanaxaqui', 'ec quiyim re'xolecna, chaqai da rca'laxa'e' ma' 'ec aca ncoỹeraxanaxaqui ỹaviquetaugui.

Mateo 13:30

Ca 'maxaraic quiyim 'xañiỹac naquetashi'mta', toco' ma' ỹovita qanaqat na trigo. Ca' selarelec ma'le na ilaatqaipi quiyim 'au no'tec aná'maq peue, ỹahota'ahi ncoñiita. Ca qaicopata'a ma'le, ca ma' ime, ca' ỹa'maxat ná'maq trigo quiñí'maq ỹo'xac.”

Mateo 13:39

Ca só'maq pa'guenaxaua só'maq ỹanñi aca peue se no'uen, chaqaiso só'maq na'ỹaapec. Chaqai so naqataxanaxac taỹaugui ma' ime na 'laua. Ca só'maq naqataxanaripi chaqaiso so nelaatqaipi piguim laseripi.

Mateo 23:32

Ca ¡'maxaraic quiyim qamiri 'xañiñi dá'maq ỹo'ueeto' na'le so 'auaxaic qataa'illipi!

Marcos 4:29

Ca quena' ỹi ana ala, ca qoyicpegue', ca' qanaqat, ma' mashic ỹovita yi laloqo'.

1 Tesalonicenses 2:16

Ma' quena' sahoqotaque quiyim sa'xataq da la'qaatec ñi qota'a quená'maq sqai judioipi, qaiyi ỹovira'oga da nca'laxa qai'neeta, ca lotqai se ỹa'maxaren quiyim sa'xataq da'maxare. Ca' quedajo, ca paguec noquigaxatec na lasauaxaset. Qam nagui, ca' ỹovita quiyim taalec dá'maq chalego lecaic nouaxanaxaset chicqo'ot ñi qota'a.

Apocalipsis 11:19

Ca na'le, ca qaỹauatougui ñi lo'ueenaxanaxaqui ñi qota'a neeta'gue da piguim. Ca' ỹaatqajam re'qoota aso lahite' saua diez laqataxaco ñi qota'a. Ca' 'ue so nqai'legaxa, nalataxa, soxonaxallipi, so le'loxolaxa na 'laua, chaqai aso late'ogue' qalachi.

Apocalipsis 13:12

Chaqai hueeto'ot da lelaataxanaxac só'maq 'auaxaic isecỹac, ca ỹa'ajantac nqai'en so'maxare. Ca' quiyi, ca na 'laua chaqai ná'ogue ná'maq hueetalec ana'maxare imaqachintac só'maq 'auaxaic isecỹac, só'maq qaileuapeguem so lcoñiraxa, qam imeuec.

Apocalipsis 14:14

Ca na'le, ca lotqai ñamatashiguim, ca seuane'ta so naueguelec lalagaxaic. Ca' so naueguelec nqa'xantalec so 'ec ca ỹale llaalec ỹantañi aso nashi nado'o 'oro quena lqahic, chaqai lo'qoota'a so nichaqsoxonaxat ỹaatqajam ỹaxaraic.

Apocalipsis 14:16

Na'le, ca' só'maq nqa'xantalec so naueguelec quelec nqai'en na 'laua so lichaqsoxonaxat, ca' naqat na la na nanecsec quena 'laua.

Apocalipsis 14:17

Ca na'le lotqai nenoxonec so liỹa nelaatec piguim le'ec chicqotougui ñi no'ueenaxanaxaqui queda piguim. So'maxare qai'neeta lo'qoota'a so lichaqsoxonaxat ỹaxaraic.

Apocalipsis 14:18

Ca' nenoxonec so liỹa nelaatec piguim le'ec chicqojlec ada ncopatoxonaxalate, hueeto'ot quiyim ilarac so norec. Ca' netenegue da loỹaxanaxac na' roỹaxana só'maq lo'qoota'a so lichaqsoxonaxat, 'naacsa': —'Ueenataxañita na richaqsoxonaxachi' ỹaxaraic, ca lapooñi' ana laxale ana 'uva mashic ỹiita hueetalec ana 'laua.

Apocalipsis 15:6

Ca' casojo no'ueenaxanaxaqui chicqoraugui saua siete nelaatqa piguim lase' sauá'maq i'xatete' saua siete nqa'viico. Ca saua'maxare chicqaugui na lino saua loho ỹaatqajam qashilgue', chaqai 'vii naua nosaataxaqui' 'oro queeterelec ana lotogue.

Apocalipsis 16:17

Ca' eec só'maq pa'aatec quesaua siete nelaatqa piguim lase', ca ỹocorelec na nonot, ca quiñí'maq no'ueenaxanaxaqui queda piguim chicqotougui so ỹaatqajam lam na'qaatec, 'naacsa': —Ca mashic ime.

Apocalipsis 6:10

Na'maxare ỹaatqajam nelamaxaren quena' 'naac: —Qami' qara'gaxala', ỹaatqajam qami' co'teeta chaqai quiyim pacqajñichirigui ná'maq chaxañi'sac, ¿tegue' chaqai laquio' ỹovita ca laloqo' nqai'ñi' quiyim michi' ca nasauaxaset, ca vite ca nouaxanaxaset ná'maq ỹo'uet na'le da qarelauaxa quená'maq hueetalec ana 'laua?