Apocalipsis 14:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' 'ue so sa'xaỹaque na'qaatec 'maqot na piguim, ca 'naapiguiỹa': —'Chiriñi dajo: “Ma' quenagui chicqochi'ñi quiyim chalego la'maxa quená'maq mashic ileu, queeta'ñi' quiyim huelec so qara'gaxala'.” Ajá'a, 'naac so Espíritu Santo, quiyim nco'mategue'sopa naua lo'ueenatqa, qam naua lo'ueenataxanaxaco se qaicoua'ahi.

Apocalipsis 14:13 Iomraidhean Croise

Salmos 19:11

Chaqai qai'neeta naqataxaco quenajo relaachiqui' ca ma' na'xaỹaxanalo, ca' 'ue da la'maxa.

Isaías 35:10

ná'maq ñi qara'gaxala' mashic naqatec quiyim na'ac; ro'ueenaxanta'pegue' ma' inoxono quiyi Sión queda netoonaxac, chaqai queda nachaalataxac se neme da laỹaac. Ỹanata da la'maxa chaqai da loyac chaqai palac ma'le da ỹenaxac chaqai da nqui'ic. (36.1—39.8 Qanaqajñi yi Judá queso lashi yi Siria, leenaxat Senaquerib. Ñi qota'olec ro'ootaxanlec yi Jerusalén, ca ỹo'uet da ne'laxa quedá'maq 'ne'tegue. Na' ralola chaqai na' qanataren so nashi Ezequías.)

Mateo 3:17

Co'na'le, ca' qara'xaỹaco' so na'qaatec, 'maqot na piguim, 'naac: —Najo ná'maq ỹoqo'itaxat ỹaalec, na'maxare ỹaatqajam ñitoonta'pegue.

Lucas 16:25

Qam so Abraham 'naapego' so'maxare: “Qami' ỹaalec, no'viñitegue quiyim caqami', ma' ỹaatqajam qaica ca viñire'e na' llaq rca'lli'sauec, qam ñi Lázaro se no'uen na'le. Ca' nagui ñi'maxare 'xoic da nqouagaxa quenajo neeta'ñi, qam qami' 'xoic da re'xoriqui'.

Lucas 16:9

Ca' vichiguiño' saqachiỹaxaua' qamiri quiyim 'ueenataxañiỹa dá'maq lesallaxa ná'maq qomyipi ỹo'ueeteta'pe naua se no'viiñi, qaiyi 'ue ca namigohi, qaiyi ma' ỹovita imeho da nesallaxa, ca' ishit quiyim 'ue ca ỹacoñiguita qamiri queca na'a' sqaica lqodoc queda piguim.

Romanos 14:8

Ma' no'm qarca'leetauec, ca da qanachaalataxac imaqachintac so qara'gaxala'. Chaqai no'm qareleu, qam qareleu'ot so qara'gaxala'. Ca vichiguiño' quiyim qarca'leetauec, loqo'm quiyim qareleu, qaiyiita qomi' lalamaxarete' so qara'gaxala'.

1 Corintios 15:18

Chaqai no'm chaqaida, ca ná'maq mashic ileu quená'maq mashic huelec so Cristo, ca ná'ogue na'laañi.

1 Corintios 15:20

Qam dá'maq ỹaatqajam llic quiyim so Cristo na' ileu, qam liỹa nca'leuec nqohin quiñi qota'a. Ca' chaqaiso só'maq la'auaxanec quiyim qanca'laxatec quena leuaxaiquipi quená'maq tai'a quiyim qanca'laxatec qai'neeta.

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

2 Corintios 5:8

Ca' ỹaatqajam 'ue da qanaquitaxac. Ca' sahoqotaque quiyim yi le'en quiyim sqauaqategueri' quena qaroshicmaxa, qaiyi qolaqpegue' so qara'gaxala', ca' qouora.

Filipenses 2:17

'Eno'm 'ec saantaho da ñachaalataxac quiyim qaỹavigaxat, qaiyi qaỹalecqajnougui ca rachitaxanataxanqachii 'ỹaañitacot ñi qota'a queda rpi'ỹaxaguii, ca' 'ue da ñitoonaxac. Salecqajanto da ñitoonaxac caqamiá'ogue.

1 Tesalonicenses 4:14

Ma' quiyim qomi' seuaqlec quiyim so Jesús ileu qam liỹa nca'leuec, ca' qai'neeta seuaqlec quiyim ñi qota'a liỹa nca'laxatec ma'le ná'maq queeta'ñi' quiyim huelec so Jesús, qaiyi liỹaatac so'maxare.

1 Tesalonicenses 4:16

Ma' chaqaiso só'maq qara'gaxala' Jesús ma'le renotec quena piguim, naquetagui da lquesaxanaxa da nelaataxac, chaqai naquetagui da loỹaxanaxac ca lashi na chicqashiguim qota'a lelaatqaipi, chaqai da lelamaxa aca npe'te, ma' qaipe'taxanlec nqai'en najo ñi qota'a. Ca' ná'maq queeta'ñi quiyim huelec so Cristo, ca' liỹa nca'leuec nqohin.

1 Tesalonicenses 5:10

Ma' so'maxare ileualgoto qomi', ma' ỹahotaque qarca'laxaua, 'eno'm ñaq qarca'leetauec loqo'm mashic qareleu.

1 Timoteo 5:24

Ma' mashic 'ue na re'oq na leualoxonqaishic quiyim saqa' ỹovita quiyim qaimit, qam 'ue ná'maq saqa' re'oq da leualoxonqaishic, toco' ma' ime qaimit.

1 Timoteo 5:25

Qaican ỹapaguec quená'maq ỹa'maqachiguiñi no'ueenataxanaxac chaqa'ma' re'qoota. Ca' 'eno'm 'ue na saqa' re'oq, qam se ishit quiyim chaqai 'neetari' se re'oq.

Apocalipsis 1:11

Ca 'naac caỹim: —Ỹim ná'maq ỹim 'auaxaic chaqai spa'aatec, shintam aca la'auaxana na nerqaipi, chaqai aca pa'aatec. 'Chirelec maca lere dá'maq huañita. Ime, ca' lachitalo naua siete 'lauari neetalec ná'maq mashic icoñiguit da na'qaatec quiyi 'laua Asia: neralec yi Efeso, Esmirna, Pérgamo, Tiatira, Sardis, Filadelfia, chaqai yi Laodicea.

Apocalipsis 10:4

Ca na' ime retaxahi' saua siete soxonaxal, ca' ỹim mashic sham shiriñi dá'maq 'nerac. Qam 'ue so na'qaatec sa'xaỹaque 'maxashiguim quena piguim, 'naacsa': —Totaxan 'chiriñi dá'maq 'nerac saua siete soxonaxal, qaiyi sqaica ca ỹa'den.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 11:19

Ca na'le, ca qaỹauatougui ñi lo'ueenaxanaxaqui ñi qota'a neeta'gue da piguim. Ca' ỹaatqajam re'qoota aso lahite' saua diez laqataxaco ñi qota'a. Ca' 'ue so nqai'legaxa, nalataxa, soxonaxallipi, so le'loxolaxa na 'laua, chaqai aso late'ogue' qalachi.

Apocalipsis 16:17

Ca' eec só'maq pa'aatec quesaua siete nelaatqa piguim lase', ca ỹocorelec na nonot, ca quiñí'maq no'ueenaxanaxaqui queda piguim chicqotougui so ỹaatqajam lam na'qaatec, 'naacsa': —Ca mashic ime.

Apocalipsis 19:9

Ca na'le, ca' so nelaatec piguim le'ec 'naac caỹim: —'Chiriñi: “Chalego loyac quená'maq nalecseripi queca lemaqachic so 'ec qagreta llaalec ma' shilo.” Ca 'naac caỹim: —Dauajo dauá'maq ỹaatqajam lliquete' la'qaatqa ñi qota'a.

Apocalipsis 2:1

'Chiriñi ma'le aca lere, ca' lachita ñi nelaatec reloqota'a yí'maq mashic icoñiguit da na'qaatec neeta'ñi yi Efeso. 'Ñiraco': “'Neetayi da la'qaatec ñí'maq lo'qoota'alo ñaua siete huaqajñi queda loic, ñí'maq ỹouoxonta'pe naua lavinñi' ñaua siete ncoỹeraxanaxaqui' ta'ta'a 'oro:

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 20:6

¡Chalego la'maxa quená'maq nouanau'a ma'le só'maq 'auaxaic nca'laqataxanaxac, chaqai lalamaxareteripi ñi qota'a! Ca tot qaỹovira'a quesó'maq co'uaataxanaxaic nelauaxa, ta'ta'a quiyim netaxaỹaxanqajanqaipi quena lalamqateripi ñi qota'a chaqai so Cristo. Ca' quiyi, ca' lotaua so'maxare quiyim nashillipi quecaua mil ñaxari.

Apocalipsis 21:5

Ca só'maq nqa'xantañigui aso nashi nqa'xanaxaqui 'naac: —'Ajñi', ỹim dalaxaic nqaishin ná'ogue nanchaqaina. Chaqai qai'neeta 'naac: —'Chiriñi, ma' nauajo na'qaatqa ỹaatqajam lliquete' chaqai ishit qaipi'ỹa'alo.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.

Apocalipsis 6:11

Ca na'le, ca' qoỹaanem na looỹac lalagaxaic. Ca' qohinapega quiyim cocho'qui' liỹa nco'matauec, toco' ma' nalogoñi ỹovita cá'maq naloqojnec quená'maq lqaỹaripi ro'ueenataxantacot so Cristo ná'maq taata'a quiyim qaỹalauat ma'le, 'nejme' saua'maxare.