Apocalipsis 14:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca na' ime, ca' lotqai liỹa ñidaanashiguim, ca' seuane'ta so 'ec qagreta llaalec co'ueetalec aso qa' ladocai leenaxat Sión, lapoota'guita saua ciento cuarenta y cuatro mil qomyipi. Ca sá'ogue qoỹeretalec na latap da leenaxat so 'ec qagreta llaalec chaqai ñi qota'olec.

Apocalipsis 14:1 Iomraidhean Croise

Salmos 2:6

Mashic shi'gue sano quiyim nashi quiyi Sión añí'maq ñaqa' co'teeta.

Isaías 49:14

Ca' yi na'a' Sión 'naac: Ñi qara'gaxala' qota'olec yalat, chaqai coua'e aỹim.

Jeremías 1:11

Ca' ñi qara'gaxala' ỹalamaxachichigui aỹim, ca 'naac: Jeremías, ¿negue' ná'maq 'ajñisac? Ca' shinac: Sedaanta'a añi lasote ana qo'paq qaỹamata'gue neloxoỹaq.

Ezequiel 1:4

Ca' seuana na'le quiyim 'ue so nonot quesaxanaxaic chicqa'gue da rapiguim, chaqai so naueguelec lodegaxat chicqotapougui so norec 'ec nqai'legaxaripi, ca' quenaua lahil 'ue so quesaxan lauaq. Ca' quena lavinñi so norec 'ue so qashilqueta'a 'ec lecat lahi qaisaullaxateta.

Ezequiel 2:9

Ca na'le, ca seuane'ta so nqai'laxat 'ue so nañaanto'ot aỹim, ca so'maxare 'ue so nerec lepatetalec.

Ezequiel 8:7

Ime, ca' yauega yi ñigo quiyi nasoxoc. Ca' quiyi napoxonaxat re'qoota 'ue ñi lauago.

Ezequiel 9:4

Ca 'naapega: Quirougui na na'a' lodegaxat Jerusalén, ca' vite ca retanqui' quena latap cá'maq 'ue ca lachicoxo chaqai da nqui'ic quená'ogue ná'maq qanaqaica'a qaỹo'ueetetac quiyi'maxare.

Joel 2:32

Qam ná'ogue ná'maq pi'ỹa'a chaqai ỹashiila ñi qara'gaxala', quiichigui nqai'en da leenaxat, ca' nca'leuec ma'le, qohit queca nelauaxa, ma' cada qa' ladocai Sión quiyi Jerusalén hueeta'ñi ma'le da nca'laxa, ma' chaqaida dá'maq 'naac na'le ñí'maq qara'gaxala'. Ná'maq lca'acseripi na'le ñi'maxare, ca nca'leuec ma'le. (3.1-21 Ñi qota'olec ỹa'ue da nouaxanaxaset na ỹoreta'oguit qomyipi. Ñi'maxare nqouaguegue ma'le so lalamaxareteripi.)

Amós 8:2

Ca ñi qara'gaxala' yinat: —Amós, ¿negue' ná'maq 'ajñisac? Ca shinac: —Nanecse ala ỹiita hueetañigui añi lahi'. Ca 'naac ñi qara'gaxala': —Na Israel mashic ỹovita yi lqodoc, ca' tot qaica ma' liỹa quet yqouaguegue.

Zacarías 4:2

¿Negue' ná'maq rauanachiqui'? Ca' ỹim shinac: Seuane'ta ñi ncoỹeraxanaxat imaañi 'oro, ca 'ue añi hueetagui na aceite pa'aatashiguim. Ca pa'aasashiguim ñaua siete lcoỹeraxanaxaqui', ca' ñaua'maxare ỹovirau'alo saua siete lligro na aceite.

Lucas 12:8

Ca' aỹim shinac quecá'ogue cá'maq ra'qaataxanem na qomyipi quiyim queeta'pegue' aỹim, ca' qai'neeta najo ỹale llaalec ichoxot quiyim lalamaxat na'maxare ma' hueetaugui na piguim le'ec lelaatqaipi ñi qota'a.

Romanos 9:33

só'maq qaỹa'xatetac quenaua naneresañi la'qaatqa ñi qota'a, ma' 'nerac: Aỹim sanañigui na lavinñi yi Sión ñi ỹale quiyim 'ec ca qa' nepoxolaxanaxala' chaqai qa' quiyim 'ue ca huaañi nqai'en; qam cá'maq huelec ñi'maxare, ca se nayiloxontac nqai'en.

Apocalipsis 14:14

Ca na'le, ca lotqai ñamatashiguim, ca seuane'ta so naueguelec lalagaxaic. Ca' so naueguelec nqa'xantalec so 'ec ca ỹale llaalec ỹantañi aso nashi nado'o 'oro quena lqahic, chaqai lo'qoota'a so nichaqsoxonaxat ỹaatqajam ỹaxaraic.

Apocalipsis 14:3

Ca' ro'ueenaxantac, ỹo'ueentac da dalaxaic no'ueenec reloqotau'a yi nqa'xanqa' ñi qota'a, chaqai saua cuatro ise' nca'leesauec, chaqai queso qo'xoiquipi. Qaica ca ishit ỹa'den so no'ueenec, qaisoota só'maq ciento cuarenta y cuatro mil só'maq ỹovirau'a da nca'laxa quena 'laua.

Apocalipsis 15:5

Ca na' ime dajo, ca' ñidaanashiguim. Ca seuane'ta qaỹauachigui aso no'ueenaxanaxaqui neeta'gue da piguim, só'maq hueetauguilo saua qari sauá'maq naneretalgoto saua laqataxaco ñi qota'a.

Apocalipsis 22:4

Ca' ỹaatqajam neuane'e' ñi'maxare, chaqai ná'ogue qoỹeretalec na latap na leenaxat.

Apocalipsis 3:12

Ca cá'maq rauegaxan, ca' ỹim 'ec nqaishin aca nenojnaxa quiyim nolliitañi ñi lauo' ñi qota'olec, ca' totqa nac quiyi'maxare. Ca' quecaua'maxare serelgoto ma'le da leenaxat ñi qota'olec chaqai da leenaxat yi la'a' ñi'maxare, yí'maq dalaxaic Jerusalén chicqa'gue da piguim, chicqo'ot ñi qota'olec. Qai'neeta serelgoto ma'le caua'maxare ca dalaxaic ỹeenaxat.

Apocalipsis 4:1

Ca' ỹim Juan, ca na' ime dajo, ca' ñidaanashiguim, ca' seuane'ta so lasom nauatetagui queda piguim. Qam sojo nivillaxac 'ec aca npe'te só'maq 'au netaxaỹa'ña aỹim, ca 'naapiguiỹa': —Nochirishiguim quenajo. Ca' sachaxañiraxarom dá'maq 'neeta ma'le najo.

Apocalipsis 6:8

Ca na' ya'ỹa'a, ca seuane'ta so shipgaq qoñooxoic. Ca só'maq neetalec so'maxare leenaxat nelauaxa. Ca' so coỹaretaho queso'maxare chaqaiso só'maq lqui'i cá'maq lapooqo' na leuaxaiquipi. Ca' qoỹaanem da lquesaxanaxa quiyim ỹalauat quiñi 'óna quenaua cuatro qomyipi quená'maq hueetalec ana 'laua, ỹahote'e na lauataq, chaqai na nqopaaxa, chaqai na nalolaxa, chaqai ná'maq retoxonac quena 'laua.