Apocalipsis 13:7 - La'qaatqa ñi qota'olec Qota'olec & Qota'olec Novita Na Qomyipi

⁷ Chaqai qai'neeta qoỹaanem so isecỹac quiyim nalauate'e' ná'maq lalamaxareteripi ñi qota'a, vire'ta quiyim loxonqaipi; chaqai qoỹaanem quiyim ila', ỹoiquentac ná'ogue na qomyipi ỹoreta'oguit na la'qaatec.

Apocalipsis 13:7 Iomraidhean Croise

Éxodo 9:16

Qam ñca'laxachisauec, qaiyi huañita da iquesaxanaxa, ma' sahotaque qaỹa'den quená'ogue na 'laua.

Daniel 7:21

Ca na'le, ca' seuane'ta só'maq lasote cocho'lli' reloquita'pegue' na lalamaxaret ñi qota'olec, ca loxonec quen,

Daniel 7:25

So'maxare queu'a ma'le ñi qota'olec qaica nqai 'nejem, chi ỹovireta'a ma'le quiyim ỹa'llaxat na lalamaxareteripi ñi'maxare; ỹahotaque ỹadalaxat ma'le da lelaataxanaxac ñi qota'olec chaqai naua lemaqachico quiyim qaimaqachin ñi'maxare, chaqai ná'maq lalamaxareteripi ñi qota'olec qoỹoiquentac ma'le queso'maxare quesaua tres ñaxari chaqai seis shiriguiri.

Lucas 4:6

Ca' so na'ỹaapec 'naaco': —Saanem qami' ma'le dá'ogue dajo na'ñaxac chaqai da lecaic naua'que nauajo 'lauari, ma' mashic qanañaañim dá'ogue da'maxare. Ca' vichiguiño' aỹim seshit saanem canchaqaica.

Juan 19:11

Ca' so Jesús 'naaco': —Qami' qaica quet cá'maq rquesaxanaxa'e' quiyim sqai ỹaañiraxarom ñi qota'olec, quiyim shichi' 'ue ca 'ñiisa'gue aỹim. Qam cá'maq yayaano caqami', ca'maxare ỹaatqajam paguec ca lasauaxaset, sqai 'nejem qami'.

Apocalipsis 10:11

Ca na' ime, ca' lotqai qohinapiguiỹa': —Qami' lotqai liỹa pilliralec 'xachi' dá'maq 'naac ñi qota'a taỹaugui na ỹoreta'oguit qomyipi ỹoreta'oguit na la'qaatec, chaqai ná'ogue na ỹoreta'oguit nashillipi.

Apocalipsis 11:18

Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.

Apocalipsis 11:7

Ca noma' ỹomate' dá'maq ỹo'ueetesac, ca' nenoxonshiguim so isecỹac lodegaxat chicqa'ña yi lapooqo' na lqui'i na leuaxaiquipi. Ca reloquia'to saua dos, ca loxonqa ma'le, ca' ỹalauate'.

Apocalipsis 12:17

Ca' queda na'le, ca' so isecỹac ỹaatqajam ro'ỹa aso 'aalo. Ca so'maxare quepegue' nco'ỹa'e' ná'maq llaalqaipi no'ueenañi aso 'aalo, quená'maq na'xaỹaxane'talo naua lelaataxanaxaco ñi qota'a, chaqai ỹaatqajam quejlgoto nauá'maq ỹaatqajam lliquete' na'qaatqa ỹa'xate' na'le so Jesucristo.

Apocalipsis 17:15

Qai'neeta 'naac caỹim so nelaatec piguim le'ec: —Só'maq huañita huaaxaipi só'maq nqa'xantalec aso nedequenaxai, na'maxare chaqaina ná'ogue na qomyipi ỹoreta'oguit na la'qaatec.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.