Apocalipsis 13:2 - La'qaatqa ñi qota'olec Qota'olec & Qota'olec Novita Na Qomyipi

² Sojo isecỹac seuane'ta na'le 'ec na regat. Qam naua lapiaate' 'ec ana layoraxai late'e, chaqai na lap 'ec na sauaxaic leta'a lap. Ca' so isecỹac 'ec naanoc ỹaanem da lquesaxanaxa chaqai yi nqa'xanqa' quiyim nashi, chaqai ỹaanem da chalego lecaic lelaataxanaxac.

Apocalipsis 13:2 Iomraidhean Croise

Salmos 22:21

'ootaxañirelec aỹim, qaiyi se ya'ic najo sauaxaic leta'allipi, ¡quepaqataxañirelec aỹim cana lasote najo toorollipi!

Oseas 11:10

Yi'maxare quegue ma'le ñi qara'gaxala', chaqai ñi'maxare ronoqo 'ec ca sauaxaic leta'a. Ronoqo quená'maq lalamaxareteripi, ca na'maxare i'loxolta'guit, chicqa'gue da lauashiguim.

Amós 3:12

'Neetasa' da la'qaatec ñi qara'gaxala': Dá'maq 'neeta na neloxoỹaq quena' louootaxanqate' caua dos lapiaate' ca lalo qagreta loqo'm ca lo'lo aca lque'la, quena' sham qaiqo'oc queca sauaxaic leta'a, ca' chaqaida 'neeta quiyim nañit ma'le na llaalqaipi so Israel neeta'ñi na Samaria, ná'maq saqatalec ná'maq no'uen qa'xanaxala' ỹachigoxota'gue da Damasco. (3.13-15 Ñi qota'olec ỹa'xat quiyim nomachichiguiñi ná'ogue ma'le.)

2 Timoteo 4:17

Qalaxam ñi qara'gaxala' Jesús yotauan, ca ỹo'uet ca ỹa'ñaxac quiyim yipaquejlec quiyim sa'xat da na'qaatec chicqaugui da nca'laxa, qaiyi 'xaỹa dajo ná'ogue ná'maq sqai judioipi. Ca' chaqaida 'neeta quiyim so qara'gaxala' nca'laxatec aỹim quesó'maq toxonaxai.

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.

Apocalipsis 12:13

Ca co'na' so isecỹac 'ec naanoc ỹa'den quiyim qanenaxañi quena 'laua, ca' ỹocanac asó'maq 'aalo 'uo' so llaalec.

Apocalipsis 12:15

Ca' so 'ec nanaic nesal, nahougui nqai'en na lap so huaxaỹaq ỹo'uet lachiugue, qaiyi ỹaỹoxonaxat aso 'aalo.

Apocalipsis 12:9

Ca' chaqaida dá'maq 'neeto' na'le na' qaỹo'daauec so isecỹac chalego lecaic. Ca so'maxare chaqaiso' só'maq ñaauapec 'ec nanaic leenaxat Satanás chaqai na'ỹaapec, só'maq ỹayintaco' quen ná'ogue na ỹoreta'oguit qomyipi hueetalec ana 'laua. Ca so na'ỹaapec chaqai so lelaatqaipi qaỹo'daauec, taalec nqohin na 'laua.

Apocalipsis 13:12

Chaqai hueeto'ot da lelaataxanaxac só'maq 'auaxaic isecỹac, ca ỹa'ajantac nqai'en so'maxare. Ca' quiyi, ca na 'laua chaqai ná'ogue ná'maq hueetalec ana'maxare imaqachintac só'maq 'auaxaic isecỹac, só'maq qaileuapeguem so lcoñiraxa, qam imeuec.

Apocalipsis 13:4

Ca' qaimaqachin so isecỹac 'ec naanoc, ma' ỹaanem quiyim relaataxan so isecỹac lodegaxat. Chaqai qaimaqachin qai'neeta so isecỹac, qohinac: —¡Ỹaatqajam qaica nqai 'nejem ñijo isecỹac! chaqai ¿nega'ỹo' ca ishit relogui'e' ñi'maxare?

Apocalipsis 16:10

Ca' so liỹa nelaatec piguim le'ec co'taxachigui aso 'taxaqui, ỹocorelec yi nqa'xanqa' quiyim nashi so isecỹac lodegaxat, ca ná'maq loiquenatec so'maxare hueetaugui na napalaxa. Ca' na qomyipi chi ỹa'que'ta na laqa' quena nqui'ic.

Apocalipsis 17:12

Sauá'maq huañitalo diez lasote, saua'maxare diez nashillipi, qam saqa' taañi relaataxan. Qam ỹaconchiguit quiyim nashil, relaataxane' ma'le caso 'óna hora, chaqai qai'neeta relaataxan so isecỹac lodegaxat.

Apocalipsis 19:20

Ca' so isecỹac lodegaxat qaicoñi', liỹaatau'e' só'maq 'naaco' quen letaxaỹaxaqui ñi qota'a, só'maq qaiuanchiquio' quen nqai'en quena' ỹo'uet na netanqaipi se qaiuanapega. Ca' quedajo netanqaipi chicqochigui quiyim ỹayin ná'maq nañaañiguit so isecỹac lodegaxat quiyim ỹa'ue ca letanec so'maxare chaqai quiyim imaqachin so nadenqatec lqui'i. Ca só'maq isecỹac lodegaxat chaqai só'maq 'naaco' quen letaxaỹaxaqui ñi qota'a, saua'que nca'leesauec qainaxariñigui ca norec lavigaxat na quiquiaxaic.

Apocalipsis 2:13

Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.

Apocalipsis 20:2

Ca' sojo nelaatec ỹaconlec so isecỹac 'ec naanoc, só'maq ñauapeco' quen nanaic lodegaxat, ca' chaqaiso' só'maq na'ỹaapec chaqai Satanás, ca' coñirari' quesaua mil ñaxari.