Apocalipsis 13:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qai'neeta ỹo'ueete' naua chalego lecaigue' netanqa, vire'ta quiyim chicqo'ot nqai'en na piguim ca norec, ca' taalec ana 'laua. Iuanchigui nqai'en ná'ogue na qomyipi.

Apocalipsis 13:13 Iomraidhean Croise

1 Reyes 18:38

Ca queco'na'le, ca' noviriñi so norec chicqo'ot ñi qara'gaxala', ca' ỹavigaxat so nachitaxanataxanaxat chaqai so qo'paripi, vire'ta so qaripi chaqai so namoxoỹaxa, chaqai ncollishiguim so huaxaỹaq hueeta'ñigui so ni'ỹac.

Éxodo 7:22

Qam so 'viiquiaxairipi quiyi Egipto qai'neeta ro'ueenataxana da lo'viiquiaxac, ỹadenaxat so'maxare. Ca' vichiguiño' so Faraón paguec se na'xaỹaxanalo saua Moisés chaqai Aarón. Ca chaqaido' dá'maq qohinapegalo quiñi qara'gaxala'.

Éxodo 8:7

Qam so 'viiquiaxairipi qai'neeta 'ne'tegue dajo queda lo'viiquiaxac. Ca no'xalec yi 'laua Egipto cana piyiloxoloxo.

Éxodo 9:11

Ca' so 'viiquiaxairipi se ishit reloqoto'ot so Moisés, ma' saua'maxare chaqai sá'ogue so Egipto laseripi quenaq na loshicmaxa.

Mateo 16:1

So fariseoipi chaqai so saduceoipi eec ra'ajnaxana so Jesús chaqai quiyim sha'apiguito' 'ue ca chicqochigui nqai'en ca lasauaxaset. Ca' qaỹashiila so'maxare quiyim ỹo'uet ca netanec se qaiuanapega chicqo'ot nqai'en na piguim.

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Marcos 13:22

Ma' 'xoic ná'maq anac ma'le 'maatqaiquipi, 'naac ma'le chaqaina ná'maq nashi nca'laxaqui loqo'm 'ec letaxaỹaxanqajnec ñi qota'a. Ma' na'maxare ishit ỹo'uet na netanqaipi chaqai ná'maq se qaiuanapega, sha'apiguito' quiyim ỹayin ná'maq shi'gue lca'acseripi ñi qota'olec.

2 Timoteo 3:8

'Nejme' saua 'viiquiaxaiqa Janes chaqai so Jambres npa'guenda'e' so Moisés. Ca' qai'neeta ma'le na qomyipi ỹaatqajam npa'guena'e' dá'maq ỹaatqajam lliqueta leloxoỹaxac. Na'maxare tot ỹalamaq da la'deenataxanaxac chaqai ỹit dá'maq llicyaxac da npi'ỹaxac.

Apocalipsis 11:5

Ca no'm 'ue cá'maq sham 'ue ca 'ne'tegue se no'uen, ca na'maxare chicqaugui na lap nqai'en na norec. Ca' ỹavicañi nqai'en ca npa'guenaxaua. Ca' chaqaida 'neeta nqohin ca lelauaxa cá'maq sham se no'uen cá'maq 'ne'tegue na'maxare.

Apocalipsis 16:14

Ca' sauajo sauá'maq lelaatqa so na'ỹaapec sauá'maq ỹo'ueetesac ná'maq chalego lecaic netanqaipi. Chaqai que', lapoondeta' ná'ogue na nashillipi quena 'laua, ỹa'maxatetañi queca chalego lecaic na'xa'a quiyim nalauate'e' ñí'maq qota'a sqaica lqalanec.

Apocalipsis 19:20

Ca' so isecỹac lodegaxat qaicoñi', liỹaatau'e' só'maq 'naaco' quen letaxaỹaxaqui ñi qota'a, só'maq qaiuanchiquio' quen nqai'en quena' ỹo'uet na netanqaipi se qaiuanapega. Ca' quedajo netanqaipi chicqochigui quiyim ỹayin ná'maq nañaañiguit so isecỹac lodegaxat quiyim ỹa'ue ca letanec so'maxare chaqai quiyim imaqachin so nadenqatec lqui'i. Ca só'maq isecỹac lodegaxat chaqai só'maq 'naaco' quen letaxaỹaxaqui ñi qota'a, saua'que nca'leesauec qainaxariñigui ca norec lavigaxat na quiquiaxaic.

Apocalipsis 20:9

Ca' quiyi, ca' quelec ná'ogue na 'laua, ca nahiquinchiguiñi cá'maq hueeta'ñi na lalamaxareteripi ñi qota'a chaqai yí'maq na'a' lodegaxat nqo'ta ñi'maxare. Qam ñi qota'a nela' so norec chicqo'ot na piguim, ca' sá'ogue ỹavigaxat.