Apocalipsis 13:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ná'maq coñi' ca liỹa, ca na'maxare qai'neeta qaicoñi'. Chaqai ná'maq ralauataxana ca lecat, na'maxare qai'neeta qaỹalauat qaỹodoota'a ca lecat. Ca' vichiguiño' ná'maq lalamaxareteripi ñi qota'a ỹouen ca leualaxavic chaqai ca lpi'ỹaxac.

Apocalipsis 13:10 Iomraidhean Croise

Jeremías 43:11

Ma' novi', ca nopoxoỹaxajñi na Egipto. Ca ná'maq taỹa'a quiyim ileu, ca' ileu; chaqai ná'maq taỹa'a quiyim qai'xategue ca liỹa 'laua, ca' qai'xat; chaqai ná'maq taỹa'a quiyim ileuaugui ca lauataq, ca' ileu ma'le queca lauataq.

Mateo 26:52

Co'na'le, ca' so Jesús 'naaco' queso'maxare: —Shichirigui na lecachi' ca lahi', ma' ná'ogue ná'maq ỹahote'e na lecat quiyim nalauat, lo'o ma'le ca lecat ma' qaỹalauat.

Mateo 7:2

Ma' ñi qota'olec imite' qamiri, qam naloqojñi'chiguit cá'maq 'ñii'tegue ca rimiitaxanaxaguii queca riỹahi, ca cá'maq 'ñii'tegue quiyim naloqochiñii ca ỹopilaqtejelgoto qamiri.

Lucas 21:19

Qam cá'maq ishit ra'ñiigui lauel, ca' chaqaica ca laueguec ca nca'laxa sqaica lqodoc.

Colosenses 1:11

Chaqai sashiilqatac ñi'maxare quiyim ra'ñichiriñi nqai'ne' qamiri quedá'maq chalego lecaic lquesaxanaxa, qaiyi shichii na'ñaxachiguit ná'ogue quiyim 'xoic da reualaxaviguii chaqai da netoonaxaguii,

Hebreos 6:12

Se sahoqotaque quiyim reualliñi. Ta'ta'a quiyim quiitalec denaxachii só'maq chicqochigui nqai'en da lpi'ỹaxac chaqai da leualaxavic, ca' ỹaconta'piguit dá'maq lalamaxaret ỹachaxantac ñi qota'a.

Apocalipsis 1:9

Ỹim Juan, ỹim rqaỹahi, ỹim salequeta'guita quiyim i'xoyaxaua' qamiri, queda lo'ueenataxanaxac ñi qota'a chaqai queda qareualaxavic ỹaanema qomi' so Jesucristo. Ỹim ncoñiiteguesec na'le, senta'ñi ada delec leenaxat Patmos, sasougui quiyim sa'xatetac da la'qaatec ñi qota'a, dá'maq shi'co' i'taxajñi so Jesucristo.

Apocalipsis 11:18

Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.

Apocalipsis 14:12

Ca' vichiguiño' ỹouen quiyim 'ue ca leualaxavic ná'maq lalamaxareteripi ñi qota'a, chaqai na'xaỹaxana da laqataxaquipi, chaqai ỹaatqajam ỹaqamqata quiyim quelec so Jesús.

Apocalipsis 16:6

Ma' saua'maxare ỹocoraqta'pe saua leuo' sauá'maq lapoosapegueu'a qami' chaqai ná'maq ỹa'xatetac da ra'qaachiqui'. Ca' nagui, ca ne'taxañirigui na neuoripi; ma' chaqaida dá'maq ta'chiguit quiyim qohine'tegue.

Apocalipsis 17:11

Só'maq isecỹac lodegaxat só'maq nca'leetauco' quen nallaaqo', qam mashic tot qaica, chaqaiso só'maq pa'aatec nashi; 'eno'm so'maxare ỹalequetauguilo saua siete. Ca ma'le, ca' ỹaatqajam ileu.

Apocalipsis 17:8

Só'maq isecỹac lodegaxat huañita nca'leetauco' quen nallaaqo', qam mashic tot qaica. Qam qaiyiita liỹa nenoxonshiguim ma'le chicqa'ña yi lapooqo' na lqui'i na leuaxaiquipi, ma' saqa' ỹovita cá'maq ỹaatqajam lelauaxa. Ca cá'maq hueetalec ana 'laua quená'maq se qoỹeretañi ca leenaxat caso lere lomalate na ca'laxaiquipi na' ñaqai chita'gue qaỹo'uet na 'laua, ca' 'ue ma'le ca le'laxa ma' iuana so isecỹac lodegaxat só'maq nca'leetauco' quen nallaaqo', qam mashic tot qaica, qam lotqai liỹa rapil ma'le.

Apocalipsis 2:19

Ỹim sa'den ná'ogue ná'maq 'viichi'sac; sa'den da re'xorenataxanaxa'e', da rpi'ỹaxaqui', da ro'ueenataxanaxaqui', chaqai da reualaxaviqui'. Chaqai sa'den quiyim nagui paguec da ro'ueenataxanaxaqui' quecá'maq ñaqai 'avichiguiñi.

Apocalipsis 2:2

Ỹim sa'den ná'ogue ná'maq 'viichi'sac, chaqai seuana dá'maq na'ñaaqataxaqui', chaqai da reualaxaviqui'. Chaqai sa'den quiyim se ỹa'ñaxachigui qavilli' na loic na hualoxonyipi. Sa'den qai'neeta quiyim 'guiñi' ná'maq 'naac lelaatqaipi so Jesús, qam sqai llic, ca' 'yiiñi' quiyim na'maxare 'maatqaiquipi.

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.

Apocalipsis 3:3

No'viñira'gue dá'maq napaxaguinataxaqui' coñichiguit na'le. Ca' netogochigui nqai'ñi' na qavilli'. Qam no'm se nelo'irec, ca' shicpegue' qami', qam sqa ỹaataq ca ỹoviraqa', shintari' ca cuataxai.