Apocalipsis 12:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' chaqaida dá'maq 'neeto' na'le na' qaỹo'daauec so isecỹac chalego lecaic. Ca so'maxare chaqaiso' só'maq ñaauapec 'ec nanaic leenaxat Satanás chaqai na'ỹaapec, só'maq ỹayintaco' quen ná'ogue na ỹoreta'oguit qomyipi hueetalec ana 'laua. Ca so na'ỹaapec chaqai so lelaatqaipi qaỹo'daauec, taalec nqohin na 'laua.

Apocalipsis 12:9 Iomraidhean Croise

Génesis 3:1

Qam so nanaic paguec co'ỹaxaraic quená'ogue na liỹa iseripi neuec quená'maq lo'ueenatec ñi qara'gaxala' qota'olec. Ca inato' aso 'aalo: —¿Peeta'a llic quiyim ñi qota'olec se ỹasenema qamiri quiyim a'guii ana la ana qo'paq quena lanaxanqa'?

Génesis 3:13

Co'na'le, ca' ñi qara'gaxala' qota'olec inato' aso 'aalo: —¿Chi'neco' ma' 'viichi' dajo? Ca' aso'maxare 'naaco': —So nanaic só'maq yayin, ca' sa'ic aca la ada qo'paq.

Isaías 14:12

¡Nachiriño' quena piguim, qami' huaqajñi nete'ese! ¡Qanenaxaño' qami' quena 'laua, qami' qadoxonqui' quen ná'ogue na ỹoreta'oguit qomyipi!

Isaías 65:25

So isecỹac toxonaxai chaqai so qagreta llaalec que'eeta'pe, nouanta'ta', na sauaxaic leta'a ỹa'ic na 'uaqapi 'ec na ñii'lola, chaqai na nanaic ỹa'ic na 'laua. Chaqai caná'ogue ana ñaqa' ladocai Sión qaica cá'maq que'maqachit ca liỹa. Ñi qara'gaxala' ỹaatqajam i'taxajñi da la'qaatec. (66.1-24 Se qanqo'ta qareualaxaitalec da qouagaxainaxac. Huaxanaxaset chaqai da nca'laqataxanaxac.)

Mateo 13:39

Ca só'maq pa'guenaxaua só'maq ỹanñi aca peue se no'uen, chaqaiso só'maq na'ỹaapec. Chaqai so naqataxanaxac taỹaugui ma' ime na 'laua. Ca só'maq naqataxanaripi chaqaiso so nelaatqaipi piguim laseripi.

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Mateo 25:41

Ca ma'le ca nashi 'naaco' quecá'maq pa'aata'gue da nemaq: “Noỹoochiuec caỹim, qamiri mashic qaỹa'ue da nouaxanaxashichii. Quiipegue' yi norec sqaica lqodoc, shi'gue qaỹa'maxatetañi qaỹauaaque loma' so na'ỹaapec chaqai na lelaatqaipi.

Mateo 4:1

Ca co'na' ime, ca so Espíritu Santo ỹauega so Jesús yi 'laua qaica qom, qaiyi qai'guen queso na'ỹaapec.

Mateo 4:10

Co'na'le, ca' so Jesús 'naaco': —Mo'e', oquire'e aỹim, qami' Satanás, ma' naua 'auaxaqa naneresañi na'qaatqa 'neracsa': “Maqachiñi' ñi ra'gaxalachi' qota'a, ca' qaiñiita 'ueenataxañitot.”

Mateo 4:5

Co'na'le, ca' so na'ỹaapec ỹauega yi lalamaxaret ñi qota'a na'a' lodegaxat Jerusalén. Ca' ỹavicshi'megue da lelaq añi no'ueenaxanaxaqui late'ogue'.

Mateo 4:8

Ca' so na'ỹaapec lotqai liỹa ỹauega so Jesús ada quemaralec qa' ladocai. Ca' ỹachaxanalo naua'que naua na'aate' hueesalec ana 'laua chaqai ná'ogue na lemaqachic na'maxare.

Lucas 10:18

Ca' so Jesús 'naaco': —Ajá'a, ỹim seuanchi'ñigui na'le so na'ỹaapec na' najñi, chicqo'tot na piguim, 'ec na nqai'legaxa.

Lucas 13:16

Qam cadajo 'aalo ma' llaale so Abraham, ca' so na'ỹaapec coñiretari' ada'maxare quedajo nalolaxa nagui mashic ỹovi' dieciocho ñaxari, ca' ¿se ỹa'maxaño' quiyim qaỹosouec quedajo ralolaxa queca na'xa'a co'mataxaqui?

Lucas 22:3

Ca' so na'ỹaapec inoxonougui so Judas, da liỹa leenaxat Iscariote. So'maxare chaqaiso so 'óna quesaua doce lelaatqaipi so Jesús.

Lucas 22:31

Qai'neeta 'naaco' so qara'gaxala': —Qami' Shimoñi', ñaqa 'ajñi' so na'ỹaapec lashiilaxanqate' qamiri, ma' ỹahotaque ri'guiñii quiyim ỹochigoxoi' qamiri, 'nejem nqai'en ca trigo;

Lucas 8:12

Qam aso nanecse tajlec na lahi so nayic, 'nejem ca qom quiyim na'xaỹaxantac. Qam anac so na'ỹaapec, ca rouootaxana'gue so na'qaatec hueetagui añi le'taxanata, ca sqai huelec nqai'en, qaiyi se nca'leuec.

Juan 12:31

Ca' nagui, ca ỹovita yi laloqo' quiyim ñi qota'a ỹa'ue da lasauaxaset na hueetalec na 'laua; ca' nagui, ca ñi'maxare ỹo'daauec so na'ỹaapec só'maq relaataxantac quena 'laua.

Juan 14:30

Totqai queeta quiyim 'xoic ca itaxaỹaxac caqamiri, ma' naata'quena na na'ỹaapec ná'maq relaataxanac quena 'laua. Qam na'maxare qaica ca lquesaxanaxa caỹim.

Juan 16:11

chaqai retane' ma'le quiyim ñi qota'olec ỹa'ue ca nouaxanaxaset, ma' shi'gue qaỹa'ue da nouaxanaxaset so na'ỹaapec só'maq relaataxanac quena 'laua.

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Hechos 5:3

Qam so Pedro 'naaco': —Ananías, ¿chi'neco' ma' inoxono' so na'ỹaapec cañi re'taxanata'e' quiyim ỹo'uet quiyim na'majñitot so Espíritu Santo, ca sectaqchirigui aca laseuete so na'lauahi?

Romanos 16:18

Ma' cauajo qomi' se ro'ueenataxansacot so qara'gaxala' Jesucristo, qaidaata dá'maq chi lishoxo. Chaqai ỹayintac ana le'taxanata na qomyipi qaica ca ỹa'den, isotete' nqai'ne' naua la'qaatqa, chaqai lo'daxaraqa.

Romanos 16:20

Ca ñí'maq qota'olec chicqo'ot da na'maxa qaỹaloq pataxañi so na'ỹaapec, illo'oto naua qapiaachiri. Chaqai so qara'gaxala' Jesucristo no'ueenaxat ca qayicyaxaguii.

2 Corintios 11:14

Qam quedajo qaica ca qara'laaque, ma' so na'ỹaapec qai'neeta no'viichigui ca no'ueenataxac ca 'ec lelaatec ñi qota'a chicqashiguim, 'ue na lauaq.

2 Corintios 11:3

Qam quedá'maq 'ne'teco' na'le da lco'ỹaxaric so nanaic na' ỹachiguiñi aso Eva, ca 'eco' 'ue da ỹoqolonaxa ma' sqoue quiyim 'ue ca ỹachi'iñi qamiri qai'neeta. Ca ỹashaxanec da ra'deenataxanaxaguii, ca ỹoỹoote'ogalo qamiri quiyim sqai viilec so Cristo.

2 Corintios 12:7

Ỹaatqajam chalego lecaic dajo iuanaxanaxac. Qam qaiyi sqai paguec ca ñimaqajnaxac, ca' qaỹa'ue so iueetaxanaxa mashic 'ec aca le qaỹa'deho quena ỹoshicmaxa na' noviriua' so lo'ueenataxanaxat so na'ỹaapec, ma' ỹahotaque quiyim ya'axat.

2 Corintios 2:11

qaiyi so na'ỹaapec qaica ca lligo coqomi', ma' sa'deenqachiguilo naua'que naua lco'ỹaxarico.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

Efesios 4:14

Ca' totqai 'ec qomi' ñaalqolqai' quiyim chaqa'ma' ỹashaxanec ca la'deenataxanaxac, ca 'ec qaỹamaqata queca nonot quecanchaqai dalaxaic napaxaguinataxanaxac, vire'to' ma' qanaqajñi quená'maq 'ue da lco'ỹaxaric qomyipi ma' ỹahotaque so'maqac.

2 Tesalonicenses 2:3

Qam sqai 'xañiigue ca nayinaxaguii, ma' ma' saqa' ỹovita cajo na'xa'a, ca novi' ma'le ca npa'guenaxac ñi qota'a. Ma'le, ca' re'oq ca ỹale sauaqhuaic cá'maq tai'a quiyim ỹaatqajam ime nqohin.

1 Timoteo 2:14

Ca mesqai so Adán só'maq qaỹayin. Qasoota aso Eva qaỹayin. Ca co'na' qaỹayin, ca' 'uo' da lasauaxaset.

2 Timoteo 3:13

Qam na hualoxonyipi chaqai na 'maatqaiquipi taata'nquira, noquiiqueta'guit ná'ogue na se ỹa'maxañi. Na'maxare rayinaxantac, qam na'maxare qai'neeta qaỹayintac.

Hebreos 2:14

Na ñaalqaipi 'oonoqui' ca qaỹachigoxochichigui. Na'maxare dá'ogue da no'ueenataxac; ca' chaqaida 'neeta nqohin so Jesús 'ec chaqai qom, qaiyi ishit ileu. Ca' queda, ca ishit ỹopoxoỹaxachigui só'maq hueeto'ot da nquesaxanaxa quiyim ralauataxan. Ca so'maxare chaqaiso so na'ỹaapec.

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.

1 Juan 5:19

Sa'deenaq quiyim qomi' lalamaxarete' ñi qota'a, chaqai quiyim ná'ogue na qomyipi ná'maq hueetalec ana 'laua qoỹoiquentac queso na'ỹaapec.

Judas 1:9

Qam só'maq lashi na nelaatqaipi piguim laseripi, leenaxat Miguel, co'na' reloquita'pegue' so na'ỹaapec, ro'ootaxanteguelec so loshicmaxa so Moisés, se ishit quiyim inaxalec ca nouaxanaxaset ỹahota'ahi naua la'qaatqa. Ta'ta'a quiyim 'naac: “Ñí'maq qara'gaxala' nelaxa qami' ma'le.”

Apocalipsis 12:12

Vichiguiño' nagui netooñi' qami' piguim, chaqai ná'ogue ná'maq hueeto'ot. Qam ¡ỹaatqajam chalego le'xoric ma'le ná'maq hueetalec na 'laua chaqai ana huaaxai! Ma' so na'ỹaapec ta'ñalo qamiri ỹaatqajam 'ue da lonogoxonaxac, ma' ỹa'deentari' quiyim sqaỹaloq ỹovita ca lqodoc ca naloqojnec so'maxare.

Apocalipsis 12:3

Na' ime, ca' lotqai re'oq so liỹa netanec quena piguim, 'neetasa': 'Ue so chalego lecaic isecỹac, da no'ueenataxac 'ec na naanoc, toc, siete saua lqahigo', diez aso lasote. Chaqai quiñi 'óna quesaua lqahigo' neetagui ana nashi nado'o.

Apocalipsis 12:7

Ca na' ime, ca' 'ue so chalego lecaic neloquiaxac queda piguim, ma' so la'gaxala' na nelaatqaipi piguim laseripi, leenaxat Miguel, chaqai ná'ogue na lelaatqaipi reloquita'pegue' so isecỹac 'ec naanoc. Ca' so isecỹac chaqai so lelaatqaipi qai'neeta reloquitac,

Apocalipsis 12:8

qam so'maxare qaica lovi'. Ca so'maxare qaica ca loma' queda piguim.

Apocalipsis 13:14

Ca' chicqochigui na netanqaipi ỹo'uet da ne'laxa, ca' qaỹasene'tem quiyim ỹo'uet iuanchigui nqohin só'maq 'auaxaic isecỹac, ca' rayinaxana quená'ogue ná'maq hueetalec ana 'laua. Ca relaataxanlec quiyim qaỹo'uet so nadenqatec lqui'i so isecỹac, só'maq 'uo' na'le so lcoñiraxa lecat lliguiñi, qam qaiyiita nca'leuec.

Apocalipsis 16:14

Ca' sauajo sauá'maq lelaatqa so na'ỹaapec sauá'maq ỹo'ueetesac ná'maq chalego lecaic netanqaipi. Chaqai que', lapoondeta' ná'ogue na nashillipi quena 'laua, ỹa'maxatetañi queca chalego lecaic na'xa'a quiyim nalauate'e' ñí'maq qota'a sqaica lqalanec.

Apocalipsis 18:2

Ca' ỹaatqajam nelamaxaren ỹaualqatac, 'naacsa': —Mashic huaañi, noxona aso chalego lecaic na'a' leenaxat Babilonia. Ca' nagui, ca loma' na se no'uen lelaatqaipi so na'ỹaapec, chaqai nqañoqotqa' ná'ogue ná'maq se re'xogui lecmaxaiquipi, chaqai lco'vichaqa' ná'ogue ná'maq isecỹac ỹo, napio'o chaqai qanaqaica'a.

Apocalipsis 18:23

Chaqai tot qaiuana ca lauaq aca ncoỹeraxanaxaqui, chaqai tot qara'xaỹa quiyi na'a' ca laỹaac lemaqachic ca shilaq, 'eno'm nesallaxanqaipi quena 'laua ná'maq nemeenaxanyipi na'le, chaqai yiñi' ná'ogue ná'maq ỹoreta'oguit qomyipi queda qatoiquenataxanaxaqui'.

Apocalipsis 19:20

Ca' so isecỹac lodegaxat qaicoñi', liỹaatau'e' só'maq 'naaco' quen letaxaỹaxaqui ñi qota'a, só'maq qaiuanchiquio' quen nqai'en quena' ỹo'uet na netanqaipi se qaiuanapega. Ca' quedajo netanqaipi chicqochigui quiyim ỹayin ná'maq nañaañiguit so isecỹac lodegaxat quiyim ỹa'ue ca letanec so'maxare chaqai quiyim imaqachin so nadenqatec lqui'i. Ca só'maq isecỹac lodegaxat chaqai só'maq 'naaco' quen letaxaỹaxaqui ñi qota'a, saua'que nca'leesauec qainaxariñigui ca norec lavigaxat na quiquiaxaic.

Apocalipsis 2:13

Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.

Apocalipsis 2:24

Qam ná'maq liỹaripi neeta'ñi na Tiatira caqamiri quená'maq sqai que'uegue najo napaxaguinataxanaxaquipi chaqai se ỹa'den ná'maq qohinac se re'xogui lo'ueenataxanaxac so na'ỹaapec, ca' ỹim shinac caqamiri quiyim qaica quet cá'maq liỹa senaxalgoto qamiri.

Apocalipsis 2:9

Ỹim sa'den ná'ogue ná'maq 'viichisac. Seuana dá'maq ne'guenaxaqui' chaqai da re'xoriqui', 'eno'm ỹaatqajam llic qami' nesallaxanec. Chaqai sa'den ná'maq se no'uen na'qaatqaipi qohinac caqami' quená'maq 'naac judío laseripi, qam sqai llic. Ta'ta'a quiyim loiquenatqaipi so na'ỹaapec.

Apocalipsis 20:10

Ca só'maq na'ỹaapec rayinaxantaco' quen queso'maxare, ca' qainaxañigui so norec lodegaxat lavigaxat na quiquiaxaic, yí'maq qainaxanquio' na'le so isecỹac lodegaxat chaqai só'maq chaqai 'naaco' quen letaxaỹaxaqui ñi qota'a. Ca' hua'ñi, ca' 'ue da le'xoric sqaica lqodoc quenaua'que naua na'xata' chaqai naua piri.

Apocalipsis 20:8

Ca' lotqai liỹa eec ỹayin ná'ogue na ỹoreta'oguit qomyipi hueetalec ana 'laua. Ca' quepegue' ỹayin ñi Gog chaqai Magog. Ca lapoonta' quiyim nalliripi, ca' nalauat, ma' ỹaatqajam 'xoic yi'maxare 'nejem na lo'uaxanaxa hueeto'ot na lqodoc aso huaaxai.

Apocalipsis 3:9

Vichiguiño' ỹim ỹa'dooto nqaishine' aqami' naua le'cootal ná'maq queeta'pegue' so na'ỹaapec, ná'maq 'maatqaiquipi ná'maq 'naac judío laseripi qam sqai llic, qaiyi na'maxare ỹa'den ma'le quiyim se'xoriñi'.

Apocalipsis 9:1

Ca na' pi'chigui aso lpe'te so liỹa nelaatec piguim le'ec, ca seuane'ta aso huaqajñi shi'co' najñi, chicqo'ot na piguim, hueetalec na 'laua. Ca' asojo huaqajñi qoỹaanem aso lauaatqate aca tema lapooqo' na lqui'i na leuaxaiquipi.

Apocalipsis 9:20

Qam quená'maq no'ueenañi qomyipi se ileuapeguema saua nqa'viico, ñaqaina queetalec quiyim ỹo'ueetetac na se no'uen, chaqai sqai ỹaxanñi quiyim pe'eetapega na lelaatqaipi se re'xogui so na'ỹaapec, chaqai na nashiilec nqolac 'oro, plata, bronce, qa', chaqai na qo'paq, ná'maq se ishit reuanaxan, sqa 'qaa, chaqai se qaua.