Apocalipsis 12:3 - La'qaatqa ñi qota'olec Qota'olec & Qota'olec Novita Na Qomyipi

³ Na' ime, ca' lotqai re'oq so liỹa netanec quena piguim, 'neetasa': 'Ue so chalego lecaic isecỹac, da no'ueenataxac 'ec na naanoc, toc, siete saua lqahigo', diez aso lasote. Chaqai quiñi 'óna quesaua lqahigo' neetagui ana nashi nado'o.

Apocalipsis 12:3 Iomraidhean Croise

Daniel 7:20

Chaqai qai'neeta sahotaque paguec sa'deenta cá'maq 'neete' saua diez lasote chaqai cá'maq 'neeta aso lasote paguec cocho'lli', só'maq 'vii naua nqote' chaqai 'ue lap, chaqai chalego lquesaxanqa' naua la'qaatqa, ca vire'ta 'ec paguec lecaic queso liỹa lasotellipi, chaqai saua tres lasotel qanaqate' quiyim qaỹa'ue loma'.

Daniel 7:24

Saua diez lasote, saua'maxare diez nashillipi ro'ueenataxane' ma'le quiyim qoỹoiquentac ná'ogue nanchaqaina. Ma' ime'uegue da lo'ueenataxanaxague' saua'maxare, ca lotqai 'ue ca liỹa renojshiguim quiyim nashi, ca da lo'ueenataxanaxac ỹoqa'a ma'le quesaua 'auaxaqa, ca so'maxare ỹamaxarec saua liỹa' tres nashil.

Apocalipsis 12:1

Na'le, ca' lotqai re'oq so chalego lecaic netanec hueeto'ot na piguim, 'neetasa': 'Ue aso 'aalo 'ec neloxoqui añi ra'aasa lepatetagui, chaqai co'ueetalec ñi shiraigo. Chaqai aso'maxare ỹantañi aso nashi nado'o neesagui saua doce huaqajñi ana roto.

Apocalipsis 12:13

Ca co'na' so isecỹac 'ec naanoc ỹa'den quiyim qanenaxañi quena 'laua, ca' ỹocanac asó'maq 'aalo 'uo' so llaalec.

Apocalipsis 12:17

Ca' queda na'le, ca' so isecỹac ỹaatqajam ro'ỹa aso 'aalo. Ca so'maxare quepegue' nco'ỹa'e' ná'maq llaalqaipi no'ueenañi aso 'aalo, quená'maq na'xaỹaxane'talo naua lelaataxanaxaco ñi qota'a, chaqai ỹaatqajam quejlgoto nauá'maq ỹaatqajam lliquete' na'qaatqa ỹa'xate' na'le so Jesucristo.

Apocalipsis 12:4

Ỹahote'e so lqai'it, ca' ỹauogolenta ana huaqajñi quena piguim, ca' najñi nqai'en añi 'óna quecaua tres, taalec nqai'en na 'laua. Ca' sojo isecỹac nachajñi, reloqoto'ot aso 'aalo sham co'o, ma' ỹahotaque quiyim ma' ne'qaañi so noctoqui', ca' chaqa'ma' ỹa'ic.

Apocalipsis 12:7

Ca na' ime, ca' 'ue so chalego lecaic neloquiaxac queda piguim, ma' so la'gaxala' na nelaatqaipi piguim laseripi, leenaxat Miguel, chaqai ná'ogue na lelaatqaipi reloquita'pegue' so isecỹac 'ec naanoc. Ca' so isecỹac chaqai so lelaatqaipi qai'neeta reloquitac,

Apocalipsis 12:9

Ca' chaqaida dá'maq 'neeto' na'le na' qaỹo'daauec so isecỹac chalego lecaic. Ca so'maxare chaqaiso' só'maq ñaauapec 'ec nanaic leenaxat Satanás chaqai na'ỹaapec, só'maq ỹayintaco' quen ná'ogue na ỹoreta'oguit qomyipi hueetalec ana 'laua. Ca so na'ỹaapec chaqai so lelaatqaipi qaỹo'daauec, taalec nqohin na 'laua.

Apocalipsis 13:1

Ime, ca' ñachajñi seueto'ot na lqodoc aso huaaxai. Ca seuañi'chiguit so isecỹac lodegaxat, chicqochiguiñigui aso huaaxai. Qam so'maxare siete saua lqahigo', chaqai diez aso lasote. Cañi 'óna lasote ỹantagui añi nashi nado'o, chaqai quiñi 'óna lqahic 'ue so neenaxat hueetalec ỹaatqajam npa'guente'e' ñi qota'a.

Apocalipsis 13:2

Sojo isecỹac seuane'ta na'le 'ec na regat. Qam naua lapiaate' 'ec ana layoraxai late'e, chaqai na lap 'ec na sauaxaic leta'a lap. Ca' so isecỹac 'ec naanoc ỹaanem da lquesaxanaxa chaqai yi nqa'xanqa' quiyim nashi, chaqai ỹaanem da chalego lecaic lelaataxanaxac.

Apocalipsis 13:4

Ca' qaimaqachin so isecỹac 'ec naanoc, ma' ỹaanem quiyim relaataxan so isecỹac lodegaxat. Chaqai qaimaqachin qai'neeta so isecỹac, qohinac: —¡Ỹaatqajam qaica nqai 'nejem ñijo isecỹac! chaqai ¿nega'ỹo' ca ishit relogui'e' ñi'maxare?

Apocalipsis 15:1

Ca seuane'ta quena piguim aso liỹa chalego lecaic netana ỹo'uet da ne'laxa: Siete saua nelaatqa piguim lase' i'xatete' saua siete pa'aaterec nqa'viico. Ca' quesaua, ca' ỹovita ca lqodoc ca lonogoxonaxac ñi qota'a.

Apocalipsis 16:13

Ca na'le, ca seuane'ta quena lap so isecỹac 'ec naanoc, chaqai quena lap so isecỹac lodegaxat, chaqai quena lap só'maq 'neetapega letaxaỹaxanqajnec ñi qota'a chicqauguilo saua tres nase' lecmaxaqa 'nejme' ana piyiloxoloxo.

Apocalipsis 17:12

Sauá'maq huañitalo diez lasote, saua'maxare diez nashillipi, qam saqa' taañi relaataxan. Qam ỹaconchiguit quiyim nashil, relaataxane' ma'le caso 'óna hora, chaqai qai'neeta relaataxan so isecỹac lodegaxat.

Apocalipsis 17:16

Ca' saua huañitalo diez lasote so isecỹac lodegaxat se nqo'ta ma'le aso nedequenaxai. Ca' ỹaatqajam qaỹalat, chaqai neetauec nqohin, ca' qaỹa'ic na la'at, chaqai qaỹalataq ma'le queca norec.

Apocalipsis 17:7

Na'le, ca' so nelaatec 'naac caỹim: —¿Chi'negue ma' 'ue da re'laxa'e'? Ỹim sa'deenaxanaxanegue qami' dá'maq leloxoỹaxac se re'xogui aso 'aalo chaqai só'maq isecỹac lodegaxat neetalec, yí'maq siete naua lqahigo' chaqai diez ana lasote.

Apocalipsis 19:12

Saua nqote' ỹaatqajam ỹaviquetauguilo, 'ec na norec lauaq. Chaqai ỹantañi aso 'xoic nashi nado'ollipi. Chaqai 'ue so neenaxat hueetalec, qam qaisoota so'maxare ỹa'den.

Apocalipsis 20:2

Ca' sojo nelaatec ỹaconlec so isecỹac 'ec naanoc, só'maq ñauapeco' quen nanaic lodegaxat, ca' chaqaiso' só'maq na'ỹaapec chaqai Satanás, ca' coñirari' quesaua mil ñaxari.