Apocalipsis 12:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qam aso 'aalo qoỹaanema saua dos late'el laua' na ho'ic, qaiyi ishit ỹo, taỹa yi chi loma' quiyi 'laua qaica qom, ca qoỹoqo'ta so 'ec nanaic. Ca' yí hua'ñi, ca chi qaiqui'ỹaxantac quesaua tres ñaxari chaqai so lavinñi so liỹa ñaaxa.

Apocalipsis 12:14 Iomraidhean Croise

Éxodo 19:4

“Qamiri huañichigui dá'maq shine'tegue na'le so Egipto laseripi, chaqai dá'maq shine'teguelo qamiri na' ñauegalo qamiri ná'maq senta'ñi, 'ec quiyim ñiitalgoto caua laua' ca o'ic.

Isaías 40:31

qam ná'maq pi'ỹa'a ñi qara'gaxala' se neme da lquesaxanaxa chaqai ishit ỹo 'ec ca chirálo; ishit ne'guenta, qam se nco'teuec, chaqai 'xoic da louoxoc, qam se isot.

Daniel 7:25

So'maxare queu'a ma'le ñi qota'olec qaica nqai 'nejem, chi ỹovireta'a ma'le quiyim ỹa'llaxat na lalamaxareteripi ñi'maxare; ỹahotaque ỹadalaxat ma'le da lelaataxanaxac ñi qota'olec chaqai naua lemaqachico quiyim qaimaqachin ñi'maxare, chaqai ná'maq lalamaxareteripi ñi qota'olec qoỹoiquentac ma'le queso'maxare quesaua tres ñaxari chaqai seis shiriguiri.

Apocalipsis 12:6

Ca' asó'maq 'aalo 'eet, quepegue' yi 'laua qaica qom, yí'maq hua'ño' ca loma' qaỹa'maxatetañi quiñi qota'a. Ca' chi qaiqui'ỹaxantac quecaua mil doscientos sesenta na'xata'.

Apocalipsis 17:3

Ca na' ñaq sa'ajantac só'maq iuanaxanegue nqai'en aỹim so Espíritu Santo, ca' so nelaatec piguim le'ec yauega yi 'laua sqaica qom. Ca' quiyi, ca' seuana aso 'aalo neetalec so isecỹac lodegaxat, toc, naneretalec ná'ogue na loshicmaxa na nenqateripi se nqo'ta ñi qota'a. So'maxare siete saua lqahigo', chaqai diez aso lasote.