Apocalipsis 12:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca na'le, ca' sa'xaỹaque so chalego lelamaxa na'qaatec 'maqot na piguim, 'naacsa': —Mashic novi' da nca'laxa, chaqai da nquesaxanaxa quiyim ỹoiquentac ná'ogue najo ñi qota'olec, chaqai da lelaataxanaxac só'maq nela' nashi nca'laxaqui. Ma' mashic qaỹo'da'oguiyi só'maq inaqateguelec na lasauaxaset na qarqaỹaripi, só'maq naua'que naua na'xata' chaqai naua piri reloqoto'ot ñi qota'olec.

Apocalipsis 12:10 Iomraidhean Croise

Job 1:11

Qam quiyim huootaxañira'gue ná'ogue ná'maq hueeto'ot, ca ma'le, ca 'yiiñi' quiyim se no'uen ca ỹa'xat caqami'.

Job 1:9

Qam so na'ỹaapec 'naaco': —Se nodaachiguiñi quiyim ỹaatqajam ỹaqamqata quiyim ro'ueenataxantacot qami'.

Job 2:5

Qam quiyim qaiqueuocau'a na loshicmaxa, ca huañita ma'le quiyim loqoisa'guit, qam se no'uen ca ỹa'xat caqami'.

Salmos 22:28

Ma' ñi qara'gaxala' chaqaiñi ñí'maq nashi, ñi'maxare ỹoiquentac ná'ogue na ỹoreta'oguit qomyipi.

Salmos 45:6

Qami' qota'olec, quiyim 'viiquiñi'sac najo sqaica lqodoc, qaica ca liỹa taỹa'gue, qaidaata da ỹa'maqachiguiñi.

Mateo 26:64

Ca' so Jesús 'naaco': —Ajá'a, chaqaỹim, chaqaida dá'maq 'ñirac. Chaqai qai'neeta shinac caqamiri huañiỹa ma'le najo ỹale llaalec nqa'xanta'gue da loic ñi qota'olec ñí'maq sqaica qalanac, chaqai naquetaugui ma'le na naueguelec quena piguim.

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Mateo 6:10

Naiquena nqai'ñi' ca ro'ueenataxanaxaqui' quiyim 'viiquiñi'sac ná'ogue najo, qaiyi qaỹo'uet cá'maq vi'saque quená'maq hueetalec na 'laua, 'nejem dá'maq qohine'tegue queda piguim.

Lucas 11:2

Ca' so Jesús 'naaco': —Ma' nqouagaxaiñii, ca 'ñiỹaco': Qami' qota'olec ñiiso'ot na piguim, qaỹapacqajnauec qaimaqachin da qadeenaxachi'. Ñaq nelachiriño' ma'le ca ro'ueenataxanaxaqui', qaiyi qaỹo'uet quena 'laua cá'maq vi'saque, 'nejem dá'maq qaỹo'ueetetac quena piguim.

Lucas 22:31

Qai'neeta 'naaco' so qara'gaxala': —Qami' Shimoñi', ñaqa 'ajñi' so na'ỹaapec lashiilaxanqate' qamiri, ma' ỹahotaque ri'guiñii quiyim ỹochigoxoi' qamiri, 'nejem nqai'en ca trigo;

1 Corintios 5:4

Lapoiỹata' quet queda leenaxat so qara'gaxala' Jesucristo, chaq aỹim 'ec salequetauguilo qamiri, chaqai da lquesaxanaxa so qara'gaxala' Jesús qai'neeta hueetauguilo qamiri.

2 Corintios 12:9

Qam so qara'gaxala' 'naac caỹim: “Da i'xorenataxanaxa mashic viisaxauot, ca' qaica quet cá'maq liỹa viñisaque. Ma' dá'maq iquesaxanaxa re'oq quena' cá'maq qom qaica ca lquesaxanaxa.” Ca' vichiguiño' ñitoon ma' ỹim sqaica ca iquesaxanaxa, qaiyi re'oq caỹim da lquesaxanaxa so Cristo.

Tito 2:3

Qai'neeta 'ñirapega ná'maq 'aalo qo'xoi quiyim ỹaatqajam ỹaỹajanta da llicyaxac quiyim queeta'pegue' ñi qota'a. Chaqai se la'axaqa lo'o', chaqai se ne'taaxai. Ta'ta'a quiyim ỹachaxan da no'uen 'ueenataxac

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 2:26

Qam cá'maq rauegaxan, chaqai quiyim queetalec ỹo'ueetetac dá'maq sahotaque quiyim qaỹo'uet, ỹoviraqteta'a ca lqodoc, ca' ca'maxare saanem da lquesaxanaxa quiyim ila' ná'ogue na ỹoreta'oguit qomyipi.

Apocalipsis 7:10

Sá'ogue netenegue da laualaxac, 'naacsa': Da qarca'laxa chicqo'ot ñi qota'olec, ñí'maq nqa'xantañigui añi nashi nqa'xanaxaqui, chaqai ñi qagreta llaalec.