Apocalipsis 11:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca ma' ileue', ca nichilnete', hueesa'ñigui nqohine' so nayic quiyí'maq lodegaxat na'a' Jerusalén, yí'maq hua'ño' na' qaipateno so qara'gaxala' Jesús, yí'maq chi qaỹamata'gue Sodoma, loqo'm Egipto.

Apocalipsis 11:8 Iomraidhean Croise

Génesis 13:13

yí'maq na'ñi ná'ogue na qom hualoxonyipi, chaqai ỹo'ueetetac ná'ogue na se no'uen quená'maq se nqo'ta ñi qara'gaxala'.

Génesis 19:24

Ca' ñi qara'gaxala' chicqo'ot nqai'en na piguim so norec chaqai na 'eco' quiquiaxaic, ca taalec nqai'en yi Sodoma chaqai yi Gomorra.

Éxodo 20:2

—Ỹim ná'maq ỹim ra'gaxalari qota'olec naqaterec qamiri na'le quiyi Egipto na' qamiri na'aqa.

Éxodo 3:7

Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Jeremías 26:23

Ca saua'maxare ne'xate' so Urías queda Egipto, ca' qoỹaanem so nashi Joacim, ca so'maxare relaataxanlec quiyim qaỹalauat, ca' so loshicmaxa qaillaañigui aso napal lahi', qaỹalecqajnougui na 'xoraiquipi.

Ezequiel 16:46

Da rapiguim pa'aata'gue asó'maq ỹi rqaỹa'e', yi na'a' lodegaxat Samaria, chaqai naua liỹa' na'aaterolqai'; ca' queda 'guiñi pa'aata'gue añi rqaỹa'e' paguec nogot, yi na'a' lodegaxat Sodoma, chaqai naua liỹa' na'aaterolqai'.

Ezequiel 16:49

Dajo dá'maq lasauaxaset aso rqaỹa'e' Sodoma chaqai saua liỹa' na'aaterolqai': ma' nemaqajnerari' ma' sqaica ca ỹouensac quena na'ic chaqai ỹa'maqachiriñi, qam se ỹauana quiyim ỹotauane' ca 'xoraic chaqai ca 'ue ca ỹouentac.

Ezequiel 37:11

Ca na'le, ca' ñi qara'gaxala' 'naac caỹim: Na qomyipi quena Israel 'nejem najo pi'naqaipi. Ma' na'maxare 'naiquen: Na qarpi'naqaipi rashivita; qaica ca ñaquitqataque, ỹaatqajam qara'laañi.

Amós 4:11

Ỹaatqajam chalego da re'xoriguii na' ñopoxoỹaxachiñi qamiri, 'nejem só'maq selata na'le yi Sodoma chaqai yi Gomorra; ỹaatqajam chaqai 'nejme' qamiri ana poqo quena' chita'gue qanaqajta queca norec, ¡qam qamiri se rapilliua'! Ñi qara'gaxala' i'taxajñi da la'qaatec.

Mateo 10:15

Ca ỹaatqajam llic da shinac caqamiri quecajo pa'aatec na'xa'a ma' ñi qota'olec imit ná'ogue najo, ca' ca nouaxanaxaset cajo na'a' paguec lecaic ma'le ca nouaxanaxaset queso qomyipi na'ñi na'le yi Sodoma chaqai yi Gomorra.

Hechos 9:4

Ca najño' so Saulo. Ca co'na' hueetañi quiyi 'laua, ca' 'xaỹaque so na'qaatec 'naaco': —Saulo, Saulo, ¿chi'negue ma' yocañi'sac?

Hebreos 13:12

Ma' qai'neeto' na'le so Jesús co'na' qaỹalauat pa'aatauec quiyi na'a' lodegaxat Jerusalén, qaiyi ishit quiỹouec na lasauaxaset na qomyipi, quiỹoxonalo sauá'maq chi leuo'.

Hebreos 6:6

ca najo qomyipi, no'm liỹa pilac inoxonec, ca' tot ishit liỹa netogochigui lauel nqohin, ma' chaqaina ná'maq liỹa patentapego so llaalec ñi qota'a chaqai nachaxanta quiyim i'neetac.

2 Pedro 2:6

Ñi qota'a qai'neeta ỹa'ue da nouaxanaxasete' saua dos na'aate' Sodoma chaqai Gomorra, copata'alo nasoochiriñi nqai'ne', vire'ta quiyim sá'ogue lo nqai'en. Ma' ỹahotaque laloqojnaxanaxat quená'maq qomyipi hualoxonyipi quená'maq no'ueenalec ma'le na 'laua.

Judas 1:7

Qai'neeta so qomyipi na'ñi yi Sodoma chaqai yi Gomorra chaqai saua na'aate' sqoỹoqapigui, ca 'nejem só'maq nelaatqaipi piguim laseripi ma' nañaanguit da se no'uen lamaanaxanqachic na loshicmaxa, ca' que'uegue dá'maq leualaxainataxanaxac dá'maq se nachiñiguit quet dá'maq ỹaatqajam no'ueenataxac ca qom. Ca' qainaxañigui so'maxare ca norec sqaica lqodoc, ca' dajo naqataxac 'ec no'ueenaugui ná'ogue na qomyipi nagui.

Apocalipsis 11:13

Ca na'le 'ue so ỹaatqajam quesaxanaxaic le'loxolaxa na 'laua, ca' quecaua diez 'imqa, 'óna ca 'guiñi quiyi 'imqaipi quiyá'ogue yi na'a'. Ca siete mil só'maq qom ileuo' na'le na' i'loxol na 'laua. Ca ná'maq no'ueenañi qom paguelec da lqolonaxa, ca imaqachintac ñi qota'a neetashiguim queda piguim.

Apocalipsis 11:9

Ca quesaua tres na'xata' chaqai so lahi so liỹa na'xa'a qaỹa'ajanta'pe saua loshicma' saua'maxare quená'ogue na ỹoreta'oguit qomyipi ỹoreta'oguit na la'qaatec, chaqai se qaỹasene' quiyim qaishiñiñi saua'maxare.

Apocalipsis 14:20

Aso 'uva qanelam na li'i, qam pa'aatauec nqohin quiyi na'a' lodegaxat. Ca' quiñi lapoonaxaqui nenoxonec na neuo', ca na'maxare ỹoviro'oto naua la'gaqa na shipgaq. Ca' da lecaguiñi so leuoripi ỹovi' trescientos kilómetros.

Apocalipsis 14:8

Ca co'uaataxan so liỹa nelaatec, ca 'naac: —Mashic huaañi noxona yi chalego lecaic na'a' leenaxat Babilonia, ma' quiñiuguet nqai'en ná'ogue na qomyipi, quiñiuguichigui da nedequenaxac.

Apocalipsis 16:19

Só'maq chalego lecaic na'a' secta'chi, tres lahil nqohin. Chaqai ná'ogue na na'a' quena 'laua ná'ogue 'guiñi. Ca' ñi qota'a ỹo'leenta'a so chalego lecaic na'a' Babilonia quiyim 'ec ne'taxañigui ca nouaxanaxaset cá'maq nelata na'le ñi'maxare na' ro'o.

Apocalipsis 17:1

Na'le, ca' naari' so 'óna quesaua siete nelaatqa piguim lase' só'maq no'qoota'alo saua siete 'taxaqui'. Ca 'naapiguiỹa': —Ỹala'e' na'itquena, sachaxanem aqami' dá'maq nouaxanaxaset añí'maq 'aalo ỹaatqajam nedequenaxai, añi'maxare nqa'xantalec na huaaxaipi.

Apocalipsis 17:18

Ca só'maq 'aalo huañita na'le chaqaso asó'maq chalego lecaic na'a' só'maq ỹoiquentac ná'ogue na nashillipi quena 'laua.

Apocalipsis 17:5

Chaqai qoỹeretalec na latap so neenaxat se re'oq ca leloxoỹaxac. 'Neetasa': “Ana chalego lecaic Babilonia, late'e aná'maq nedequenaxaipi chaqai ná'ogue ná'maq qanaqaica'a quena 'laua.”

Apocalipsis 18:10

Qoỹorete'ogalo ma'le saua'maxare, ma' no'chita ma'le da nouaxanaxac. Chaqai 'nerac: —¡'Agai! ¡'Xoraỹole qami', ma' qami' ná'maq chalego lecaic Babilonia, yí'maq chalego lquesaxanaxa na'a'! Ma' ne'laqataxanto da nouaxanaxaset.

Apocalipsis 18:18

Ca na' iuane'ta so lesalaxaripi na' qaicopata'a yi na'a' lodegaxat, ca' ỹaualqagui, 'naac: —¿Negue' queto' aca liỹa na'a' 'nejem anajo chalego lecaic na'a'?

Apocalipsis 18:2

Ca' ỹaatqajam nelamaxaren ỹaualqatac, 'naacsa': —Mashic huaañi, noxona aso chalego lecaic na'a' leenaxat Babilonia. Ca' nagui, ca loma' na se no'uen lelaatqaipi so na'ỹaapec, chaqai nqañoqotqa' ná'ogue ná'maq se re'xogui lecmaxaiquipi, chaqai lco'vichaqa' ná'ogue ná'maq isecỹac ỹo, napio'o chaqai qanaqaica'a.

Apocalipsis 18:21

Ca na'le, ca' so nelaatec piguim le'ec quesaxanaxaic nanojshiguim so qa' 'ec ná'maq chalego lecaic qa' nopoxoiqataxanaxat quena trigo. Ca' inaxañigui aso huaaxai, ca 'naac: —'Eda qohine'tegue ma'le ma' qanenaxañi yi chalego lecaic na'a' Babilonia, ca' tot qaica ma' liỹa quet qaiuana.

Apocalipsis 18:24

Ma' quiyijo na'a' lodegaxat qaiuanalo naua leuo' ná'maq ỹa'xateta'pe naua la'qaatqa ñi qota'a, chaqai ná'maq lalamaxareteripi ñi'maxare, chaqai ná'ogue ná'maq qaỹalauat quena 'laua.