Apocalipsis 11:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca noma' ỹomate' dá'maq ỹo'ueetesac, ca' nenoxonshiguim so isecỹac lodegaxat chicqa'ña yi lapooqo' na lqui'i na leuaxaiquipi. Ca reloquia'to saua dos, ca loxonqa ma'le, ca' ỹalauate'.

Apocalipsis 11:7 Iomraidhean Croise

Daniel 7:25

So'maxare queu'a ma'le ñi qota'olec qaica nqai 'nejem, chi ỹovireta'a ma'le quiyim ỹa'llaxat na lalamaxareteripi ñi'maxare; ỹahotaque ỹadalaxat ma'le da lelaataxanaxac ñi qota'olec chaqai naua lemaqachico quiyim qaimaqachin ñi'maxare, chaqai ná'maq lalamaxareteripi ñi qota'olec qoỹoiquentac ma'le queso'maxare quesaua tres ñaxari chaqai seis shiriguiri.

Lucas 13:32

Qam so'maxare 'naaco': —Mohi, 'qaataxañim ma'le cataq co'ỹaxaraic: “Nagui chaqai nete'e so'da'oguiyi na ne'ec lecmaxaiquipi, chaqai somatec na ralolaxaic, ca' nete'e liỹa, ca' yime.”

Lucas 8:31

Ca' sojo ne'ec lecmaxaiquipi ne'xoresene'tot so Jesús quiyim se ilari'ña ca nqa'viinqa' na sauaqhuaiquipi.

Juan 17:4

Ma' ỹaatqajam semaqachintac qami' nagui quiyim seuetalec na 'laua, chaqai mashic somat dá'maq yilachirelec.

Juan 19:30

Ca' so Jesús ni'chigui so lataxa lochiviaxaic. Ime, ca 'naaco': —Ca nagui ná'ogue imigui. Co'na'le, ca nanaqañi na lqahic, ca' ileu.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

2 Timoteo 4:7

Ma' mashic somat quiyim ñco'uaateguelec da ỹo'ueenataxanaxac, chaqai somat da ñalliquinaxac. Ỹaatqajam llo'qoochiguiñi da npi'ỹaxac.

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.

Apocalipsis 12:17

Ca' queda na'le, ca' so isecỹac ỹaatqajam ro'ỹa aso 'aalo. Ca so'maxare quepegue' nco'ỹa'e' ná'maq llaalqaipi no'ueenañi aso 'aalo, quená'maq na'xaỹaxane'talo naua lelaataxanaxaco ñi qota'a, chaqai ỹaatqajam quejlgoto nauá'maq ỹaatqajam lliquete' na'qaatqa ỹa'xate' na'le so Jesucristo.

Apocalipsis 13:11

Ca na' ime, ca' seuane'ta so liỹa isecỹac lodegaxat chicqotougui na 'laua, dos saua lasote 'nejem na qagreta llaalec. Qam da lavillaxac quena' retaqa 'ec ca isecỹac 'ec naanoc.

Apocalipsis 13:7

Chaqai qai'neeta qoỹaanem so isecỹac quiyim nalauate'e' ná'maq lalamaxareteripi ñi qota'a, vire'ta quiyim loxonqaipi; chaqai qoỹaanem quiyim ila', ỹoiquentac ná'ogue na qomyipi ỹoreta'oguit na la'qaatec.