Apocalipsis 11:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca no'm 'ue cá'maq sham 'ue ca 'ne'tegue se no'uen, ca na'maxare chicqaugui na lap nqai'en na norec. Ca' ỹavicañi nqai'en ca npa'guenaxaua. Ca' chaqaida 'neeta nqohin ca lelauaxa cá'maq sham se no'uen cá'maq 'ne'tegue na'maxare.

Apocalipsis 11:5 Iomraidhean Croise

Isaías 11:4

Ỹaqamaxateta da nimiitaxac na qaica ca yí chaqai qoshiilec na 'xoraiquipi quena 'laua quiyim ỹahotaque ca la'maxa. Naua la'qaatqa 'ec ca qo'paq nouaxanaxanaxat quiyim qaỹouaxan ca se ra'maqataxan, chaqai ỹahote'e na lacat quiyim ỹouaxan ca hualoxonaq.

Jeremías 1:10

Sellaugui na qadapi' naua ỹa'qaatqa. Nagui, ca' saañiraxarom da nquesaxanaxa napacalec na nashillipi chaqai na ỹoreta'oguit qomyipi, qaiyi pogoxoñi' chaqai maqairiñi, poxoỹaxachirigui chaqai huagaxachirac, chaqai qai'neeta quiyim no'xoñirishiguim chaqai danaxañi'.

Ezequiel 43:3

Da iuanaxanaxac 'nejem na' ñi qara'gaxala' novi' quiyim nopoxoỹaxajñi yi Jerusalén chaqai 'nejem só'maq na' seueto'ot na lahi aso lachiugue Quebar. Ca' ñqai'guiñi, soviraxata'guit na ỹatap na 'laua.

Oseas 6:5

Vichiguiño' seuagaxateta'pe qamiri, chicqochigui nqaishin so itaxaỹaxaquiripi; chicqochiguilo nqaishin saua ỹa'qaatqa, ca' salauate' qamiri. Da la'maqa' naua ỹa'qaatqa ñaxat 'ec na lauaq.

Zacarías 2:8

Ñi qara'gaxala' sqaica lqalanec yila', yilarelec da la'qaatec quiyim npa'guene'e' ná'ogue ná'maq ỹoreta'oguit qomyipi quená'maq rouootaxana'gue ca rouenaxahipi, 'naac: Canchaqaica se ỹa'maxata'gue na ỹalamaxareteripi, se ỹa'maxata'gue ná'maq ỹauochaqateripi. Vichiguiño', ca' ỹim ñco'ỹa'e' ná'ogue ná'maq ỹoreta'oguit qomyipi, ca so'uet quiyim ná'maq chi la'aquipi rouootaxana'gue na louenqaipi. Ca' chaqaida 'neeta ma' ỹachaxan ma'le da lauaq ñí'maq qara'gaxala' sqaica lqalanec, qaiyi qamiri 'yiiñii ma'le quiyim chaqaiñi ñí'maq yila'. (2.10-13 Qaiuana da lca'laqataxanaxac ñi qota'olec.)

Apocalipsis 13:13

Qai'neeta ỹo'ueete' naua chalego lecaigue' netanqa, vire'ta quiyim chicqo'ot nqai'en na piguim ca norec, ca' taalec ana 'laua. Iuanchigui nqai'en ná'ogue na qomyipi.

Apocalipsis 9:17

Ca' chaqaida dá'maq 'neeta na'le queso iuanaxanaxac na' seuana so shipiguiripi chaqai só'maq neetalec. So'maxare hueetalec ana lotogue na lquepaqataxanaxat quena no'goxonaxat, 'ue na toc, icolaq, chaqai na qoñi na lashic. Chaqai na shipiguiripi na lqahic 'nejem na sauaxaic leta'a lqahic. Chaqai naua laapi' naquetapougui na norec, nesalaxaripi, chaqai na 'ec quiquiaxaic.