Apocalipsis 11:2 - La'qaatqa ñi qota'olec Qota'olec & Qota'olec Novita Na Qomyipi

² Qam se naloqochiñi' yí'maq nasoxoc ñí'maq no'ueenaxanaxaqui, ma' qoỹaanem na ỹoqa'a na chicqa'gue. Ca na'maxare i'naari' ma'le yi chalego lecaic na'a' lalamaxaret ñi qota'a, ỹoviraqterauec saua cuarenta y dos shiriguiri.

Apocalipsis 11:2 Iomraidhean Croise

Isaías 5:5

Hua', ca' nagui sahotaque sa'xat cá'maq sahotaque shine'tegue ma'le yi ỹanaxanqa': ñaqat ma'le so lquepaxaset, qaiyi qanaqaguijñi; ropoxoỹa'gue nqaishin so lapoxonaxat, qaiyi qaico'uelec;

Ezequiel 4:6

Ca ma' ime' saua na'xata', ca' naqalcqoiriñi queda qatoiqui', ca' pa'a'irelec da lasauaxaset na qomyipi quiyi Judá quesaua cuarenta na'xata'. 'Óna na'xa'a ñigui ca 'óna ñaaxa queca lasauaxaset.

Daniel 7:19

Ca' ỹim 'ue da ipagaxallic quiyim ỹaatqajam sa'deenta cá'maq 'neeta so co'uaataxanaxaic isecỹac lodegaxat, ma' ỹoqa'a da no'ueenataxac quesaua liỹa', ma' da no'ueenataxac ỹaatqajam chaqaic. Naua louee imerañi fierro chaqai naua lenachi' bronce; chaqai ná'ogue ỹalauat, ỹopoxoỹaxatañi chaqai co'vigui ná'maq no'ueenauec.

Daniel 7:25

So'maxare queu'a ma'le ñi qota'olec qaica nqai 'nejem, chi ỹovireta'a ma'le quiyim ỹa'llaxat na lalamaxareteripi ñi'maxare; ỹahotaque ỹadalaxat ma'le da lelaataxanaxac ñi qota'olec chaqai naua lemaqachico quiyim qaimaqachin ñi'maxare, chaqai ná'maq lalamaxareteripi ñi qota'olec qoỹoiquentac ma'le queso'maxare quesaua tres ñaxari chaqai seis shiriguiri.

Números 14:34

Qamiri 'ajñitac yi 'laua quesaua cuarenta na'xata', ca' qai'neeta cuarenta ñaxari shivichiñitac da nouaxanaxashichii: 'oonoqui' na'xa'a ñigui ca 'óna ñaaxa, qaiyi 'yiiñii cá'maq 'neeta quiyim npa'guiñi'e' aỹim.

Mateo 27:53

Ca co'na' ime liỹa nca'leuec so Jesús, ca' so qomyipi nenoxonshiguim cana lahi'. Ca' taugui yi Jerusalén yí'maq hua'ñi quena' qanqouagaxainot ñi qota'olec. Ca' yí hua'ño' na' 'xoic na qomyipi iuanchigui.

Mateo 4:5

Co'na'le, ca' so na'ỹaapec ỹauega yi lalamaxaret ñi qota'a na'a' lodegaxat Jerusalén. Ca' ỹavicshi'megue da lelaq añi no'ueenaxanaxaqui late'ogue'.

Mateo 5:13

Qamiri 'ec qamiri o'ue louenec ná'maq neetalec ana 'laua. Qam ca o'ue no'm tot qaica ca lochiviaxa, ¿negue' quet cá'maq 'neeta quiyim liỹa 'ue ca lochiviaxa? Ma' tot qaica ca taiguit. Ta'ta'a quiyim qainaxauec, ca' qaico'vigui quena qomyipi.

Lucas 21:24

Ca 'uo' ma'le ca ileuaugui ca lauataq, chaqai ca liỹa noxonec, ime, ca' qaỹauegue'galo naua liỹa' 'lauari. Chaqai na chicqauec qomyipi ỹaatqajam co'ueeteguelec na na'a' lodegaxat Jerusalén, toco' ma' ỹovitalo caua naloqojonqa na'xata' quiyim qoỹaanem 'neeta'gue dajo.

Hebreos 10:29

Ca ¡huose'quet sqai hueetapigui qavillii quiyim paguec lecaic ca nouaxanaxaset cá'maq 'eco' co'ueetapigui so llaalec ñi qota'a, chaqai liỹoqa'piguita saua leuo', chaqai quiyim ishiuentac so ne'Espíritu ñi qota'a ñí'maq re'xorenataxantac! Sauajo neuo' chaqaisaua sauá'maq i'taxachiriñi da 'maqataxac, chaqai chicqochiguilo quiyim co'teete' nqohine' saua'maxare.

Apocalipsis 11:11

Qam na' ime' saua tres na'xata' chaqai so lahi so liỹa na'xa'a, ca' ñi qota'a liỹa nca'laxaterec. Ca' lotqai liỹa ne'laxachishiguim. Ca ná'ogue ná'maq iuanchiguilo saua'maxare, ca' ỹaatqajam chalego da lqolonaxa.

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.

Apocalipsis 12:6

Ca' asó'maq 'aalo 'eet, quepegue' yi 'laua qaica qom, yí'maq hua'ño' ca loma' qaỹa'maxatetañi quiñi qota'a. Ca' chi qaiqui'ỹaxantac quecaua mil doscientos sesenta na'xata'.

Apocalipsis 21:10

Ca quedá'maq iuanaxanaxac ỹachaxañim so Espíritu Santo, ca' so nelaatec piguim le'ec yavicshi'megue aso quemaralec qa' ladocai, ca' ỹachaxañim so chalego lecaic na'a' Jerusalén, ỹaatqajam co'teeta, chicqashiguim queda piguim, chicqo'ot ñi qota'a.

Apocalipsis 21:2

Ca' ỹim Juan seuañi'chiguit so na'a' lodegaxat dalaxai Jerusalén, ỹaatqajam co'teeta, chicqashiguim queda piguim, ỹaatqajam chicqo'tot ñi qota'olec, ỹaatqajam qaỹa'maxachichiguiñi, 'ec nqohin da na'maqataxac aca nequetegaxai quiyim ỹovita o'ñiguit ca nauonaxaua.

Apocalipsis 22:19

Chaqai no'm 'ue ca 'ue ca naqata'a quenauá'maq naneresañi la'qaatqa ñi qota'olec canajo lere, ca' ñi qota'olec rouootaxana'gue cá'maq qaỹaqatqajantari' taalec ca'maxare cayi lere chicqaugui da nca'laxa chaqai quiyí'maq na'a' ỹaatqajam co'teeta, yí'maq 'em qoỹerelec anajo lere.