Apocalipsis 11:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.

Apocalipsis 11:18 Iomraidhean Croise

Salmos 103:11

chalego lecaic dá'maq le'xorenataxanaxa quená'maq imaqachin ñi'maxare, da'maxare 'ec paguec lishicshi'megue quena piguim quena 'laua.

Salmos 110:5

Ñi qara'gaxala' qota'olec hueeta'gue da qatoiqui'; queca na'xa'a ma' ro'o, ca nalauajñi ma'le na nashillipi;

Salmos 2:5

Ime, ca' ro'o, ca qo'ỹoqochit; ca na' ỹaatqajam paguec da lauel, ca 'naac:

Eclesiastés 12:13

Ca' ime da ỹa'qaatqaipi. Ná'ogue shi'gue sa'xat. Maqachiñi' ñi qota'olec chaqai 'viichi' naua lelaataxanaxaco, ma' chaqaida dá'maq 'em quiyim qaỹo'uet na qom.

Daniel 7:26

Qam so nimiitaxanyipi quena nasauaxaset chaqa'ma' ỹa'ue da nouaxanaxaset nqai'en chaqai qarouootaxana'gue ma'le da lquesaxanaxa, ca chaqa'ma' qailliita'anyi, qaỹopoxoỹaxateta.

Mateo 5:12

Ca' ỹaatqajam ra'maxaichiguiñi, netooñitac, ma' qamiri coñiguit ca chalego lecaic nishivichii ma'le queda piguim. Ma' chaqaida qohine'teco' na'le da nocanaxac só'maq 'au letaxaỹaxaquiripi ñi qota'a na' saqa'lecaua qamiri.

Lucas 1:50

Ñi'maxare chaqai 'neetari' 'ue da le'xorenataxanaxa quená'ogue ná'maq ỹaatqajam no'cha'a ñi'maxare.

Hebreos 9:27

Ca' chaqai 'nejem quiyim ná'ogue na qom 'oonoqui' ileu, ime, ca nauaanaque ca na'xa'a quiyim qanimit ná'ogue najo,

Apocalipsis 10:7

Ca ma' ỹovita ca laloqo' quiyim pi'chigui aca lpe'te so co'uaataxanaxaic quesaua siete nelaatqa piguim lase', ca' ỹovita ca laloqo' quiyim imigui da se re'xogui lo'ueenataxanaxac ñi qota'a, dá'maq shi'gue ỹa'xatem na'le so lelaatqaipi letaxaỹaxanqajanqaipi.

Apocalipsis 11:2

Qam se naloqochiñi' yí'maq nasoxoc ñí'maq no'ueenaxanaxaqui, ma' qoỹaanem na ỹoqa'a na chicqa'gue. Ca na'maxare i'naari' ma'le yi chalego lecaic na'a' lalamaxaret ñi qota'a, ỹoviraqterauec saua cuarenta y dos shiriguiri.

Apocalipsis 13:10

Ná'maq coñi' ca liỹa, ca na'maxare qai'neeta qaicoñi'. Chaqai ná'maq ralauataxana ca lecat, na'maxare qai'neeta qaỹalauat qaỹodoota'a ca lecat. Ca' vichiguiño' ná'maq lalamaxareteripi ñi qota'a ỹouen ca leualaxavic chaqai ca lpi'ỹaxac.

Apocalipsis 13:16

Qam sqaidaata dajo. Ma' so'maxare ramaxasoxonlec qai'neeta ná'ogue na ñaaqaipioqui' chaqai ná'maq mashic leta'allipi, nesallaxanqaipi chaqai na 'xoraiquipi, chaqai mese nelaatqaipi chaqai na nelaatqaipi, quiyim qaỹo'uet ca netanec queda lqai'laxat loic, loqo'm quena latap.

Apocalipsis 14:10

ca ca'maxare ni'chigui nqohin dá'maq chalego lecaic nouaxanaxac ma'le chicqo'ot ñi qota'a, dá'maq qaỹa'maxatetañi 'ec hueetagui añi 'taxaqui dá'ogue da lonogoxonaxac ñi qota'a. Ca' qaỹo'uet ma'le ca le'xoric, qaỹodoota'a ca norec chaqai ca quiquiaxaic ỹaviquetaugui, ỹa'ajantac nqohin na lelaatqaipi ñi qota'a chaqai so 'ec qagreta llaalec.

Apocalipsis 15:1

Ca seuane'ta quena piguim aso liỹa chalego lecaic netana ỹo'uet da ne'laxa: Siete saua nelaatqa piguim lase' i'xatete' saua siete pa'aaterec nqa'viico. Ca' quesaua, ca' ỹovita ca lqodoc ca lonogoxonaxac ñi qota'a.

Apocalipsis 15:7

Ca na'le, ca' 'óna quesaua cuatro ise', ca 'óna ỹaanem quiñi 'óna quesaua siete nelaatqa piguim lase' 'óna 'taxaqui 'oro, no'qaachigui quedá'maq chalego lecaic nqa'viic chicqo'ot ñi qota'a, ñí'maq sqaica lqodoc da nachaalataxac quenaua'que naua na'xata'.

Apocalipsis 18:6

Pilaxachilec yi'maxare cá'maq 'nejmo' na'le ca ỹaanem ca liỹa. Ỹapacauec nqai'ñii cá'maq pilaxachilec quecá'maq ỹo'uet. Chaqai lecqajñiỹata' ca 'taxat, ca' ne'taxañigui, paguec lquesaxanaxa nqai'ñii quecá'maq chi ỹalecqajanta' yi'maxare quiyim ne'taxañigui ca liỹa.

Apocalipsis 19:15

Chaqai na lap neetaugui so lecat ỹaatqajam ỹaxaraic, ca' ỹoda'a ná'ogue ná'maq ỹoreta'oguit qomyipi, chaqai ỹoiquentac, 'ec ỹahote'e aca lashilete fierro quiyim relaataxan. So'maxare imit ma'le na nasauaxaset quena qomyipi, 'nejem nqai'en ca nelam na li'i ana 'uva, co'vigui, ỹahota'ahi naua lapiaate'. Ca 'ec lataxa nqai'en ma' ne'taxañigui dá'maq chalego lecaic nouaxanaxaset chicqaugui dá'maq lonogoxonaxac ñi qota'a ñí'maq qaica ca qalanac.

Apocalipsis 19:18

qaiyi a'guii na la'at na nashillipi, chaqai na nouaataxanaq lashillipi, chaqai na 'ñaaxaiquipi, chaqai na la'at na shipiguiripi, chaqai ná'maq qomyipi neetalec, ná'ogue na la'at na qomyipi, nelaatqaipi loqo'm se nelaatqaipi, cocho'qui' loqo'm ná'maq mashic lodegaxat.

Apocalipsis 19:5

Ca' 'ue so sa'xaỹaque nivillaxac 'maqateguelec yi nashi nqa'xanqa', 'naacsa': Maqachiñii ñi qota'olec, qamiá'ogue qamiri ma' mashic 'ueenataxañitacot chaqai ná'maq huelec ñi'maxare, quená'maq collo'olqaipioqui' chaqai ná'maq mashic leta'allipi.

Apocalipsis 20:12

Chaqai seuane'ta na leuaxaiquipi cocho'qui' chaqai na lodegaxat nachaatetañi, reloqoto'ot ñi qota'a. Ca qaỹauachiguilo saua lerel chaqai aso liỹa lere asó'maq lere naneretalec ná'maq qanca'laxatec. Ca ná'maq leuaxaiquipi qaimit, ca' qaishiueten quiñi 'óna quecá'maq ỹo'uet quená'maq qoỹeresalec saua lerel.

Apocalipsis 20:15

Ca' sojo norec qainaxañigui só'maq se naneretalec ca leenaxat aso lere qoỹeretalec ná'maq mashic qanca'laxatec.

Apocalipsis 22:12

—Ajá'a, ỹim sqaỹaloq ñanac. Ca' ñi'xateta cá'maq ishiuetenaxanaxat quiñi 'óna quecá'maq 'neeta ca lo'ueenataxanaxac.