Apocalipsis 11:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca na'le, ca' saua dos na'qaataxanqajanqa 'xairaque so ỹaatqajam lam nivillaxac 'maxashiguim quena piguim, 'naapegalo: —Nochishiguim quenajo pa'aashiguim. Ca' tarishiguim queda piguim queesaugui so naueguelec, ca' so npa'guenaxauaripi ra'iitashi'meguelo.

Apocalipsis 11:12 Iomraidhean Croise

2 Reyes 2:1

Ca co'na' ỹovita ca laloqo' quiyim ñi qara'gaxala' ỹahotaque i'xategue da piguim so Elías queetougui nqai'en aso la'taxanaxa. Ca' so Elías chaqai so Eliseo que', quere'e yi Gilgal.

2 Reyes 2:11

Ca saua'maxare ñaqai queete', retaqatecta'. Ca' chi re'laqataxanta quiyim qaiuañi'chiguit aso nahoglena ỹaviquetaugui, ca' saua lo'ol shipga' qai'neeta ỹaviquetauguilo, ca iuagaxachiguilo saua ỹale'. Ca' so Elías taashiguim queda piguim, queetougui aso la'taxanaxa.

2 Reyes 2:5

Qam so netaxaỹaxaquiripi na'ñi yi Jericó naxata'guit so Eliseo. Ca qohinaco' queso'maxare: —¿Mashic 'yiiñi'o' quiyim ñi qara'gaxala' quena na'xa'a ỹahotaque ỹaconsop so napaxaguinatqochi'? —Ajá'a, shi'gue sa'den —'naaco' so Eliseo—, qam qamiri qaico' ca 'ñiỹac.

2 Reyes 2:7

Qam cincuenta so netaxaỹaxaquiripi eec, co'uajlgoto saua'maxare. Qam ñaqai ỹoxalom saua'maxare, ca' hua'e so qomyipi quiyi nalootere'oga. Ca' so Elías chaqai so Eliseo huere'e, hueeso'ot na lqodoc aso lachiugue Jordán.

Salmos 15:1

Qami' qara'gaxala', ¿negue' cá'maq ishit hueetaugui ca qauochi'?, ¿negue' cá'maq ishit neetalec ada ralamaxarichi'i' co'teeta quemaralec qa' ladocai?

Salmos 24:3

Ca ¿negue' ca ishit quishi'megue añi quemaralec qa' ladocai lalamaxarete ñi qota'olec? ¿Negue' ca ishit shi'gom hueetaugui añi co'teeta qouagaxainaxaqui quiñi'maxare?

Éxodo 14:25

Ca' na'aa ana lasaxalona ana lahoglena, ca' sham tot ishit quiyim eec. Ca co'na'le, ca 'naaco' na Egipto laseripi: —Seetqapeguem na Israel llaalqaipi, ma' ñi la'gaxala' ro'ootaxanlec na'maxare, ca npa'xañiguita qomi' quiyim nco'ỹa'to.

Isaías 14:13

'Neetapigui quen qavilli': Sovirashiguim ma'le quena piguim; so'uet ma'le ca ñqa'xanqa' quiyim ỹim nashi, sellaalec ana neuaqajñi ñi qota'olec; sa'ue ñqa'xanqa' ma'le queda rapiguim cada qa' ladocai lapooqo' na 'naac qota'olqaipi.

Isaías 40:31

qam ná'maq pi'ỹa'a ñi qara'gaxala' se neme da lquesaxanaxa chaqai ishit ỹo 'ec ca chirálo; ishit ne'guenta, qam se nco'teuec, chaqai 'xoic da louoxoc, qam se isot.

Isaías 60:8

¿Negue' ná'maq ỹootajlec 'ec na naueguelec, 'ec na coviguiñiguiripi quepegue' ca lco'viichaqa'?

Lucas 16:23

Ca co'na' so nesallaxanec ỹaatqajam 'xoic da le'xoric queca hueeta'ñi lapooqo' na lqui'i na leuaxaiquipi. Ca' quiyi, ca' ra'ishiguim, ca iuane'ta so Abraham ỹaatqajam qoỹoqoshi'ma, chaqai so Lázaro huaqate'e' so'maxare.

Hechos 1:9

Ca co'na' ime ỹa'xat dajo so Jesús, ca qananojshiguim, ca qai'xategue da piguim. Ca' saua reloqota'guita, ca chi ra'iishire'megue. Ca naco' so naueguelec, ca 'eco' homougui, ca tot qaiuanegue.

1 Tesalonicenses 4:17

Ime, ca lotqai qoqomi' ma' ñaq qarca'leetauec, ca qai'xate' qomi' salecqatougui so'maxare quena naueguelec quiyim ñauanaxaguit so qara'gaxala' Jesús queda pa'aashiguim. Ca' quiyi, ca qaica lqodoc quiyim qariỹaatac so'maxare.

Apocalipsis 12:5

Ca' aso 'aalo ne'qaañi so llaalec ỹale, só'maq qaỹahotaque nashi ma'le, ca' ỹoiquentac ná'ogue na ỹoreta'oguit qomyipi, 'ec ỹahote'e aca lelaataxanqate fierro lo'qoota'a. Qam na'le, ca' qarouootaxana'gue so llaalec aso 'aalo, ca' qaỹodo'ñi yi nqa'xanqa' ñi qota'a.

Apocalipsis 3:21

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.

Apocalipsis 4:1

Ca' ỹim Juan, ca na' ime dajo, ca' ñidaanashiguim, ca' seuane'ta so lasom nauatetagui queda piguim. Qam sojo nivillaxac 'ec aca npe'te só'maq 'au netaxaỹa'ña aỹim, ca 'naapiguiỹa': —Nochirishiguim quenajo. Ca' sachaxañiraxarom dá'maq 'neeta ma'le najo.