Apocalipsis 11:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.

Apocalipsis 11:10 Iomraidhean Croise

1 Reyes 18:17

Ca co'na' iuana, ca 'naaco': —Ca ¿qami'o' ná'maq vi'saque da leuogoxo na Israel?

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

1 Reyes 22:18

Ca so Acab 'naaco' queso Josafat: —¡Cha'ma' shi'gue shinac caqami' quiyim dajo ỹale se ỹauana lo'yaxanec ca ỹa'xat coqomi', ta'ta'a na se no'uen!

1 Reyes 22:8

Ca' so nashi quiyi Israel 'naaco' queso Josafat: —Ajá'a, ñaqa 'ue ñi 'oonoqui', 'maxaraic quiyim senataq quecá'maq 'naac ñi qara'gaxala'. Ñi'maxare leenaxat Micaías, llaalec so Imla. Qam ỹoquiiaxat ñi'maxare, ma' se ỹauanapega quet quiyim no'uen ca taalec nqai'en aỹim, ta'ta'a na se no'uen. Qam so Josafat 'naaco': —Sqai 'ñirac dajo.

Proverbios 24:17

Mesqai netooñitegue chaqai 'xoic lemaqachic nqai'ñi' quiyim repoxolaxan chaqai quiyim huaañi ca npa'guenaxaua'e',

Jeremías 38:4

Co'na'le, ca' so na'gaxalateripi 'nerapega so nashi: —'Maxaraic qaỹalauat ñijo ỹale, ma' naua la'qaatqa neualñi nqai'en na qanalliripi ná'maq ñaqai hueeta'ñi najo na'a' lodegaxat chaqai ná'ogue na qomyipi. Ñi ỹale se idaantaque ca lo'yaxanec quena qomyipi, ta'ta'a dá'maq se no'uen.

Mateo 10:22

Ná'ogue na qomyipi noquii'alo qamiri ma'le ma' 'xachitac da ỹeenaxat. Qam cá'maq na'ñaxachichiguiñi, chi ỹovireta'a ca lqodoc aca lqauaxaqui, ca' chaqaica cá'maq qanca'laxatec.

Juan 16:20

Ỹaatqajam llic da shinac caqamiri, quiyim qamiri noỹiñii ma'le chaqai chigoita, qam na qomyipi hueetalec na 'laua netoon ma'le. Qam 'eno'm chigoita qamiri ma'le, da rachicoxohi ñigui ma'le ca netoonaxaguii.

Juan 7:7

Quená'maq qomyipi hueetalec na 'laua se ishit quiyim noquii'alo quet qamiri. Qam aỹim qanoquii'a, ma' ỹim ỹaatqajam sechoxote'tem quiyim dá'maq ỹo'ueetetac se no'uen.

Hechos 5:33

Ca co'na' 'xaỹa dajo so nashillipi, ca ỹaatqajam ro'o, ca' ỹahosaque qaỹalauate' saua'maxare.

1 Corintios 13:6

Se netoongue ca lasauaxaset ca liỹa, qaidaata dá'maq lliqueta netoongue.

Apocalipsis 12:13

Ca co'na' so isecỹac 'ec naanoc ỹa'den quiyim qanenaxañi quena 'laua, ca' ỹocanac asó'maq 'aalo 'uo' so llaalec.

Apocalipsis 13:14

Ca' chicqochigui na netanqaipi ỹo'uet da ne'laxa, ca' qaỹasene'tem quiyim ỹo'uet iuanchigui nqohin só'maq 'auaxaic isecỹac, ca' rayinaxana quená'ogue ná'maq hueetalec ana 'laua. Ca relaataxanlec quiyim qaỹo'uet so nadenqatec lqui'i so isecỹac, só'maq 'uo' na'le so lcoñiraxa lecat lliguiñi, qam qaiyiita nca'leuec.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 16:10

Ca' so liỹa nelaatec piguim le'ec co'taxachigui aso 'taxaqui, ỹocorelec yi nqa'xanqa' quiyim nashi so isecỹac lodegaxat, ca ná'maq loiquenatec so'maxare hueetaugui na napalaxa. Ca' na qomyipi chi ỹa'que'ta na laqa' quena nqui'ic.

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.