Apocalipsis 10:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca na' ime, ca so nelaatec piguim le'ec só'maq co'ueetalec ana huaaxai chaqai na 'laua ỹachaxanshiguim da lqai'laxat loic quena piguim.

Apocalipsis 10:5 Iomraidhean Croise

Génesis 14:22

Qam so Abram 'naaco': —Ỹaatqajam saanot da ỹa'qaatec ñi ỹa'gaxala' ñí'maq qaica 'nejem qota'olec, lo'ueenatec na 'laua chaqai na piguim,

Salmos 146:5

Chalego loyac quecá'maq qom qaỹotauan quiñi nqota'olec so Jacob, cá'maq ỹomato'ot da naquitaxac quiñí'maq qara'gaxala' qota'olec.

Éxodo 20:11

Ma' ỹim ra'gaxalari quecaua seis na'xata', ca so'uet na'le na piguim, na 'laua, ana huaaxai, chaqai ná'ogue nanchaqaina 'ue quena'maxare. Ca ñco'matec na' ime' saua seis na'xata'. Vichiguiño' lloyagaxat da ỹa'qaatec quesojo na'xa'a ñco'mataxaqui, ca soỹoote'oga quiyim sauaaque qayimaqachin quesojo na'xa'a.

Hechos 14:15

—¡Qamiri ỹalliripi! ¿Chi'neco' ma' 'viichitac dajo? Ma' qom qomi', shinqata maqamiri. Ma' chaqaida dá'maq 'em ñoviraq quiyim shinqapegalo qamiri quiyim 'xañiñi na se no'uen qaica ca 'negue, ca' quiilec ñi qota'olec nca'leetauec, ma' ñí ỹo'uet na piguim chaqai na 'laua chaqai ana huaaxai, chaqai ná'ogue ná'maq nanchaqaina.

Hechos 17:23

Ma' ỹim na' souoxontac, sa'ajantac na huera'ñi naua qouagaxainqate'. Ca' 'ue na seuanejlec qouagaxainqa' 'ue yi naneretañi na'qaatec 'naac: “Najo qouagaxainqa' quiyim qanqouagaxainot ca qota'a se qaiuanapega.” Ca' cajo qota'a cá'maq nqouagaxaiñitacot, qam sqa huañiỹapega, chaqaica ca qota'olec sa'xatetac nagui caqamiri.

Romanos 1:20

Ma' dá'maq se re'xogui quiñi qota'a ishit qaỹa'den chicqochigui ná'maq re'qoochigui lo'ueenatqaipi ñi'maxare, ma' re'qoochigui shi'gue na' chi qaỹo'ueeteta na 'laua quiyim chaqaiñi ñi'maxare ñí'maq qota'olec, chaqai quiyim da lquesaxanaxa sqaica lqodoc. Ca vichiguiño' na'maxare sqaica quet cá'maq 'neeta quiyim sqaica quet cá'maq lasauaxaset.

Hebreos 6:13

Ma' ñi qota'a na' 'ue da ỹachaxan queso Abraham, quiyim i'taxajñi, ca' ñi'maxare chi nanecalta', ma' qaica quet cá'maq liỹa paguec lecaic quiyim ỹiga quet.

Apocalipsis 1:18

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.

Apocalipsis 10:2

Lo'qoota'a aso lliyo'lli' nauatetagui. Ca' da lichi loic co'uelec nqai'en ana huaaxai, chaqai da nemaq co'uelec nqai'en na 'laua.

Apocalipsis 14:7

Ca nelamaxaren quena' retaqa, 'naacsa': —Ỹaatqajam 'ue nqai 'negue nqai'ñii ñi qota'a, 'ỹaañiỹot da remaqajnataxanaxahi, ma' mashic ỹovita yi laloqo' quiyim ñi'maxare imit na nasauaxaset. Maqachiñii ñí'maq lo'ueenatec na piguim chaqai na 'laua, ana huaaxai chaqai na ne'paxantashiguim na le'ec huaxaỹaq.

Apocalipsis 16:17

Ca' eec só'maq pa'aatec quesaua siete nelaatqa piguim lase', ca ỹocorelec na nonot, ca quiñí'maq no'ueenaxanaxaqui queda piguim chicqotougui so ỹaatqajam lam na'qaatec, 'naacsa': —Ca mashic ime.

Apocalipsis 4:11

Qami' qara'gaxala' qota'olec, ỹaatqajam 'chichiguiñi quiyim coñichiguit da nauaq, da necaic, chaqai da nquesaxanaxa; ma' qami' ro'ueenachiqui' ná'ogue nanchaqaina, ma' chaqaida dá'maq vi'saque, ca' 'ue, ca' re'oq ná'ogue na'maxare.

Apocalipsis 4:9

Chaqai quena' sauajo ise' nca'leesauec imaqachine' da lecaic chaqai ỹaanot da na'aachicyaxac só'maq nqa'xantañigui aso qa'xanaxaqui só'maq sqaica lqodoc da nachaalataxac,