Apocalipsis 10:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca na' ime, ca' lotqai qohinapiguiỹa': —Qami' lotqai liỹa pilliralec 'xachi' dá'maq 'naac ñi qota'a taỹaugui na ỹoreta'oguit qomyipi ỹoreta'oguit na la'qaatec, chaqai ná'ogue na ỹoreta'oguit nashillipi.

Apocalipsis 10:11 Iomraidhean Croise

Ezequiel 37:4

Ca na'le, ca' ñi qara'gaxala' 'naac caỹim: Taqaita, quiichigui nqai'ñi' da ỹeenaxat, ca 'ñirac: Qamiri pi'naqaipi rashivita, na'xaỹaxañiỹa da la'qaatec ñi qara'gaxala'.

Ezequiel 37:9

Ca na'le, ca' ñi qara'gaxala' 'naac caỹim: 'Xachi' da ỹeenaxat quiyim nac ca nacat ỹo'uet ca nca'laxa, ca' 'ñirapega: Da la'qaatec ñi qara'gaxala' 'neetasa': Nacat 'viichi' ca nca'laxa, ñaqai naqui' chicqote'ogalo da rapiguim, 'guiñi, lqodoigue, chaqai da lauashiguim, ca 'viichi' quiyim nca'leuec najo qomyipi loshicmaxa ileu.

Apocalipsis 10:10

Ca na'le, ca' secona aso lliyo'lli' lo'qoota'a so nelaatec, ca' sa'ic. Ca' quena ỹap chalego lo'daxa 'ec na rapic li'i. Qam na' ỹoviriñi, ca' chimigui nqai'en ana yacoom.

Apocalipsis 11:1

Ca na'le, ca' qanañaañim aso 'ec noqola late'e naloqojnaxanaxat. Ca' qohinapiguiỹa': —Ne'laxachirishiguim, ca naloqochiñi' da ladoqueta ñi lo'ueenaxanaxaqui ñi qota'a chaqai añi ncopatoxonaxalate. Chaqai naloqochiñi' ỹote' cá'maq hueetaugui imaqachintac ñi'maxare.

Apocalipsis 11:9

Ca quesaua tres na'xata' chaqai so lahi so liỹa na'xa'a qaỹa'ajanta'pe saua loshicma' saua'maxare quená'ogue na ỹoreta'oguit qomyipi ỹoreta'oguit na la'qaatec, chaqai se qaỹasene' quiyim qaishiñiñi saua'maxare.

Apocalipsis 14:6

Ime na'le, ca' seuane'ta so liỹa nelaatec piguim le'ec, ỹoota quena lavinñi na piguim, i'xateta da na'qaatec sqaica lqodoc chicqaugui da nca'laxa, ỹahotaque ỹa'xatem ná'maq hueetalec ana 'laua, ná'ogue ná'maq ỹoreta'oguit na la'qaatec qomyipi.

Apocalipsis 17:10

Chaqai qai'neeta saua siete lqahigo' ñiguilo saua siete nashil. Cinco sauá'maq mashic nachiñi. Quesauajo nashil 'oonoqui' ñí'maq ñaq relaataxantac nagui quesaua'maxare. Chaqai cá'maq liỹa saqa' novi'. Qam ma' novi' cá'maq co'uaataxanaxaic quenaua'maxare, ca' sqaỹaloq imeuo.

Apocalipsis 17:12

Sauá'maq huañitalo diez lasote, saua'maxare diez nashillipi, qam saqa' taañi relaataxan. Qam ỹaconchiguit quiyim nashil, relaataxane' ma'le caso 'óna hora, chaqai qai'neeta relaataxan so isecỹac lodegaxat.

Apocalipsis 17:15

Qai'neeta 'naac caỹim so nelaatec piguim le'ec: —Só'maq huañita huaaxaipi só'maq nqa'xantalec aso nedequenaxai, na'maxare chaqaina ná'ogue na qomyipi ỹoreta'oguit na la'qaatec.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.