Apocalipsis 1:3 - La'qaatqa ñi qota'olec Qota'olec & Qota'olec Novita Na Qomyipi

³ Chalego la'maxa quecá'maq retaqalec anajo lere, chaqai chalego la'maxa quecá'maq na'xaỹaxantac quiyim qaretaqalec dá'maq na'qaatec chicqo'ot ñi qota'a, chaqai quiyim ỹaatqajam huelec dá'maq qoỹeretalec anajo lere, ma' mashic tot qoỹoqaque ca lqodoc quiyim re'oq ná'ogue najo.

Apocalipsis 1:3 Iomraidhean Croise

Mateo 24:15

So letaxaỹaxanqajnec ñi qota'a leenaxat Daniel 'uo' so lerec taỹaugui ná'maq chicqochigui ca se no'uen chaqai ra'aaqataxan. Ca ma' qamiri huañiỹa ca'maxare hueeta'ñi ca se loma' —ca cá'maq retaqalec anajo, ca no'uen quiyim ỹa'yiinchigui dá'maq leloxoỹaxac—

Lucas 11:28

Qam so'maxare 'naaco': —¡Qam ỹaatqajam chalego loyac cá'maq 'xaỹa da la'qaatec ñi qota'olec chaqai ỹaatqajam ỹo'uet!

Romanos 13:11

Qam quedá'ogue da sa'xatetac, ñaqai 'ajñii' naua na'xata' seuqatauguilo, chaqai ỹovita yi laloqo', ca nalootañi quiyim ñiloxouec. Ma' dá'maq qarca'laxa tot qoỹoqaque, mesqai 'nejem na' ñaqai chita'gue seconaxaguit da na'qaatec.

Romanos 13:12

Ma' nagui, ca 'eco' mashic ỹoxo'ogue na pe, ca tot qoỹoxoguit ca na'xa'a. Ca vichiguiño' 'maxaraic saxanqaiñi naua qaỹo'ueeteta'pe quen quena napalaxa, ca sanqaiñi naua qaro'goxonqate', shinqata ca neetaho quena nouaataxanaq queetagui yi na'xa'a.

1 Pedro 4:7

Ca tot qoỹoqaque ca lqodoc ná'ogue nanchaqaina. Ca vichiguiño' sqai qamiri que'guenataxanaxaiqa. Ta'ta'a quiyim ỹaatqajam coñiỹa da nqouagaxainaxaguii.

2 Pedro 3:8

Qam qamiri ỹaqaỹa', 'neeto' lotqai couahitaque quiyim quiñi qara'gaxala' 'ec 'oonoqui' na'xa'a caua mil ñaxari, chaqai caua mil ñaxari 'ec 'oonoqui' na'xa'a.

Apocalipsis 22:10

Chaqai qai'neeta 'naac caỹim: —Sqai 'xochiriñi da la'qaatec ñi qota'a naneretañi canajo lere. Ma' mashic tot qaỹaloq ỹovita yi laloqo' quiyim imiguilo.

Apocalipsis 22:12

—Ajá'a, ỹim sqaỹaloq ñanac. Ca' ñi'xateta cá'maq ishiuetenaxanaxat quiñi 'óna quecá'maq 'neeta ca lo'ueenataxanaxac.

Apocalipsis 22:20

Ca só'maq ichoxote' nauajo 'naac: —Ajá'a, sqaỹaloq ñanac. Ajá'a, ca' chaqaida 'neeta dajo, nanaqui' qami' qara'gaxala' Jesús.

Apocalipsis 3:11

Sqaỹaloq ñovi'. Lo'qo'ichiriñi ná'maq mashic hueeto'ot aqami', qaiyi qaica ca rouootaxana'gue ma'le ca raviguiqui'.