Apocalipsis 1:2 - La'qaatqa ñi qota'olec Qota'olec & Qota'olec Novita Na Qomyipi

² Ca' lliqueta dá'maq ỹa'xat quesá'ogue só'maq iuana, quiyim ỹa'xat na la'qaatqaipi ñi qota'a, dá'maq shi'co' i'taxajñi so Jesucristo.

Apocalipsis 1:2 Iomraidhean Croise

Juan 1:32

Qai'neeta 'naaco' so Juan: —Ỹim seuañi'chiguit so Espíritu Santo na' chicqo'ot na piguim, 'nejem na co'toco', ca' hueetalec so'maxare.

Juan 12:17

Quesó'maq qomyipi liỹaataco' so Jesús co'na' so'maxare roỹaxañi'ña caso lahi' so Lázaro, ca' liỹa nca'laxatec queso nelauaxa, na'maxare qai'neeta ỹa'xatetac dá'maq ỹauanchigui.

Juan 19:35

Só'maq ỹa'xatetac dajo, so'maxare ỹaatqajam iuanchigui dajo, ca dá'maq ỹa'xat ỹaatqajam lliqueta. Ma' so'maxare ỹa'den quiyim ỹaatqajam llic da la'qaatec, qaiyi qamiri qai'neeta viilec.

Juan 21:24

Ca' chaqaiso só'maq napaxaguinatec só'maq ỹa'xatetac dá'ogue dajo, chaqai chaqaiso só'maq ỹiriñi. Ca' qomi' sa'deenaq quiyim ỹaatqajam llic dá'maq 'naac.

Juan 3:11

Ỹaatqajam llic dá'maq sa'xatem qami', ma' qomi' sa'xataq dá'maq sa'deenaq chaqai cá'maq sauanqachigui, qam qamiri sqai viilec dá'maq sa'xataq.

Hechos 22:15

Ma' qami' 'xachi' ma'le dá'maq 'neeta queso'maxare quená'ogue na qomyipi dá'maq huañichirigui chaqai da 'qa'ichirigui.

Hechos 26:16

Qam ne'laxachirishiguim, ca nachaachiriñi, ma' 'ue dá'maq 'em ñachaxana qami'. Sahotaque quiyim qami' ilaatec, chaqai qami' ỹa'qaataxanqajnec quedá'maq nagui huañichirigui, chaqai quecá'maq huañita ma'le caỹim.

Hechos 4:20

Ma' qomi' se seshitaq quiyim saxanaxañi sa'xataq cá'maq sauanqachigui chaqai cá'maq sa'xaiqachigui.

1 Corintios 1:6

Ma' dá'maq na'qaatec queso Cristo mashic re'oq lliqueta quiyim ñaxatouguilo qamiri.

1 Corintios 2:1

Vichiguiño' qamiri ỹaqaỹa', na' sovitalo qamiri, ca sa'qaataxanalo qamiri queda lliqueta na'qaatec chicqo'ot ñi qota'a, qam se souene' naua la'qaatqa na 'ue na ỹa'den, chaqai naua qalaraqa na'qaatqa.

1 Juan 1:1

Seraxañi dajo, ca selataxalo qamiri, dá'maq shi'co' 'ue na' saqa'leca na 'laua, dá'maq qomi' sa'xaiqachigui chaqai seuanqachigui quenaua qanqote', ma' ỹaatqajam sa'ajanqatac chaqai sepotqau'a quenaua qanapoquena. Ca' so'maxare chaqaiso só'maq qohinaco' quen na'qaatec chicqaugui da nca'laxa.

1 Juan 4:14

Chaqai qomi' ỹaatqajam seuanqachigui, ca' sa'xatqatac, quiyim ñi qota'olec nela' so llaalec, ma' ỹahotaque nca'laxatec na qomyipi hueetalec ana 'laua.

3 Juan 1:12

Ná'ogue ỹaatqajam lo'yaxanec da la'qaataxanaxac quena' ỹa'xatetac ca Demetrio, chaqai qai'neeta dá'maq na'qaatec ỹaatqajam llic ỹa'xat dá'maq no'uen no'ueenataxac ca'maxare. Chaqai qomi' qai'neeta sa'xatqatac dajo, chaqai qamiri 'yiiñita quiyim llic dá'maq sa'xatqatac.

Apocalipsis 1:11

Ca 'naac caỹim: —Ỹim ná'maq ỹim 'auaxaic chaqai spa'aatec, shintam aca la'auaxana na nerqaipi, chaqai aca pa'aatec. 'Chirelec maca lere dá'maq huañita. Ime, ca' lachitalo naua siete 'lauari neetalec ná'maq mashic icoñiguit da na'qaatec quiyi 'laua Asia: neralec yi Efeso, Esmirna, Pérgamo, Tiatira, Sardis, Filadelfia, chaqai yi Laodicea.

Apocalipsis 1:19

Ca' 'chiriñi ná'ogue ná'maq huañichirigui, quená'maq 'ue nagui, chaqai quecá'maq 'ue ma'le.

Apocalipsis 1:9

Ỹim Juan, ỹim rqaỹahi, ỹim salequeta'guita quiyim i'xoyaxaua' qamiri, queda lo'ueenataxanaxac ñi qota'a chaqai queda qareualaxavic ỹaanema qomi' so Jesucristo. Ỹim ncoñiiteguesec na'le, senta'ñi ada delec leenaxat Patmos, sasougui quiyim sa'xatetac da la'qaatec ñi qota'a, dá'maq shi'co' i'taxajñi so Jesucristo.

Apocalipsis 12:11

Ma' na qarqaỹaripi loxonec so'maxare, qaỹachigoxochichiguilo saua leuo' so 'ec qagreta llaalec, chaqai quiyim saua'maxare ỹa'xatesac da na'qaatec. Ma' se no'chi' quiyim na'laañi da nachaalataxague', ta'ta'a quiyim qaica ca liỹa ỹahosaque, qaidaata quiyim ileueralec da na'qaatec.

Apocalipsis 12:17

Ca' queda na'le, ca' so isecỹac ỹaatqajam ro'ỹa aso 'aalo. Ca so'maxare quepegue' nco'ỹa'e' ná'maq llaalqaipi no'ueenañi aso 'aalo, quená'maq na'xaỹaxane'talo naua lelaataxanaxaco ñi qota'a, chaqai ỹaatqajam quejlgoto nauá'maq ỹaatqajam lliquete' na'qaatqa ỹa'xate' na'le so Jesucristo.

Apocalipsis 20:4

Ca na' ime, ca seuane'talo saua nashi nqa'xanaxaqui'. Ca' quesaua'maxare nqa'xantañiguilo sauá'maq qoỹaanema quiyim ishite' imite' na nasauaxaset. Qai'neeta seuana na lqui'illipi ná'maq qaichaxaic na lqahic sauaxat ỹa'xatetac da la'qaatec ñi qota'a, dá'maq shi'co' ỹa'xat so Jesús. Saua'maxare chaqaisaua sauá'maq se imaqachine' so isecỹac lodegaxat chaqai so nadenqatec lqui'i, chaqai se ỹa'maxarene' quiyim qaỹa'ue ca netanec quena latap loqo'm quena lqai'laxat. Seuane'ta quiyim liỹa qanca'laxaterec, ca lotaua' so Cristo quiyim nashillipi quecaua mil ñaxari.

Apocalipsis 22:21

Ca' qaidaata quiyim ñi qara'gaxala' Jesucristo no'ueenaxat ca qayicyaxaguii qamiá'ogue. Ajá'a, ca' chaqaida 'neeta dajo.

Apocalipsis 6:9

Ca na' so qagreta llaalec ỹauachigui aso liỹa netanaxanqate, ca seuane'ta na lqui'illipi ná'maq qaỹalauato' na'le sauaxat quiyim ipaquichigui i'taxajñi nqai'en da la'qaatec ñi qota'a. So'maxare hueeta'ñi yi pa'aañi caso ncopatoxonaxalate.