Amós 8:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ñi qara'gaxala' i'taxajñi da la'qaatec quiyim quecajo na'xa'a, ca' polec nqai'en añi ra'aasa queca na'xa'a lavinñi, ca' quecajo ma'le, ca' ỹaatqajam na'xa'a, qam 'xoic ca napalaxa ma'le quena 'laua.

Amós 8:9 Iomraidhean Croise

Amós 4:13

Ñi qara'gaxala' ñí'maq ỹo'uet ana qa' ladocai chaqai na nonot, ñi'maxare ỹa'deenaxanaxaneguelo naua na'deenaxaco na qom, ñí'maq ñigui pe nqai'en yi na'xa'a, ñí'maq quelgoto nauá'maq paguec qoỹoqoshi'meguelo quena 'laua, ñi qara'gaxala', ñi'maxare qota'olec sqaica lqalanec, ca' chaqaida dá'maq dajo leenaxat.

Miqueas 3:6

“Tot qaica ma' 'ue quet liỹa caqamiri ca reuanaxanaxaguii quiyi pe, chaqai sqai 'xachitac cá'maq naata quena napalaxa.” Añi ra'aasa inoxonñi quecajo netaxaỹaxaquiripi, chaqai yi na'xa'a napalaxa ma'le queca'maxare.

Zacarías 14:7

Qaicaata cajo na'xa'a qaỹa'deenta ma'le quiñi qota'olec. Ca queca'maxare ma'le, ca sqa ỹaataq ma'le ca na'xa'a chaqai ca pe, ma' cá'ogue ca pe ma'le richiichiguiñi.

Mateo 24:29

Ca co'na' ỹovirerec saua na'xata' ne'xoyaxaqui', ca' añi ra'aasa 'om, chaqai ñi shiraigo qaica ca lauaq, chaqai ana huaqajñi najñi quena piguim, vire'ta i'loxol na nquesaxanaxa hueeto'ot na piguim.

Mateo 27:45

Ca co'na' na'xa'a lavinñi, chi ỹovireta'a lavitari', 'xoico' so napalaxa quená'ogue na 'laua.

Marcos 15:33

Ca co'na' mashic na'xa'a lavinñi, ca 'ue so napalaxa quená'ogue na 'laua chi ỹovireta'a rashiiñi aso ra'aasa.

Lucas 23:44

Ca 'uo' ca mashic na'xa'a lavinñi. Ca ná'ogue na 'laua hueetalec na napalaxa, chi ỹovireta'a rashiiñi aso ra'aasa.

Apocalipsis 6:12

Ca na' só'maq qagreta llaalec ỹauachigui aso liỹa netanaxanqate, ca ya'ỹa'a, ca' 'ue so nalataxa idaxanac na 'laua. Ca naue' añi ra'aasa 'ec na nooỹac laueraxaic. Ca ñá'ogue ñi shiraigo toc, 'ec leuoripi.

Apocalipsis 8:12

Ca' so liỹa nelaatec piguim le'ec pi'chigui aso lpe'te, ca 'om nalahi añi ra'aasa chaqai ñi shiraigo. Chaqai quecaua tres, 'óna añi 'om caná'ogue ana huaqajñi, ca sham lavinñi yi na'xa'a chaqai yi pe 'ue so napalaxa.