Amós 8:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qamiri nauá'maq 'ñiỹaiquen: ¿Laquio' chaqai ime'uegue na nemaqachic quena dalaxaic shiraigo, qaiyi liỹa semeenaq na trigo? ¿Laquio' chi ime na na'xa'a co'mataxaqui, qaiyi semeenaq na nanecsec ala, qoỹoqota'a nqaishinaq chaqai sahoqe ca shinqa'tegue ana qaresallaqataxanaxaqui, rocachi nqaishinaq?

Amós 8:5 Iomraidhean Croise

2 Reyes 4:23

—¿Chi'negue ma' quirepegue' nagui? —renataxano' so loua—. Ma' sqai dalaxaic ñi shiraigo chaqai se co'mataxaqui najo na'xa'a. —Qaica huapigui qavilli' —'naaco' aso'maxare.

Isaías 1:13

Totaxan nodohiuo ca rachitaxanataxanaxachii qaica ca 'negue; yamaqa'gue na lesalaxaripi na'maxare. Qamiri ỹaxañiu'oga quen na qomyipi quiyim ỹa'ue ca lemaqachic quiyi dalaxaic shiraigo chaqai yi na'xa'a co'mataxaqui, qam ỹim ỹaatqajam se yqo'ta na lemaqachic na qom ỹo'ueetetac na se no'uen.

Levítico 19:36

Ta'ta'a quiyim viñii aca 'maxarai nesallaqataxanaxaqui, naloochiguiñi ca lesallaqatec, chaqai naloochiguiñi ca ladogaxa ca laloqojnec. Ỹim ná'maq ra'gaxalari qota'olec. Ỹim ñaqata'alo qamiri na'le quiyi Egipto.

Zacarías 5:6

Ca' senat, shinac: ¿Negue' ñi'maxare? Ca so'maxare 'naac caỹim: Ñi'maxare naloqojnaxanaxaqui, ñí'maq naloqojnaxaqui na lasauaxaset ná'maq neetalec najo 'laua.

Zacarías 5:8

Ca 'naac caỹim só'maq nelaatec piguim le'ec: “Ñijo 'aalo, ñi'maxare chaqaina ná'maq se no'uen.” Ca' pataxañigui asó'maq naloqojnaxanaxaqui, ca ỹapoñigui caso lapooquete quiguiñi.

Malaquías 1:13

Ca' qamiri 'ñiỹac: ¡Qomi' mashic qarco'teuec quedá'ogue dajo! Ca chaqa'ma' se rqo'chiiua'. Chaqai 'neetapigui qavillii quiyim 'ue ca ñitoonaxac quena' nodohiuo ca rachitaxanataxanaxachii, qam rocataxachii, loqo'm aca huaca 'iirai, loqo'm ralolaxai.

Colosenses 2:16

Ca' vichiguiño' caqamiri qaica quet cá'maq qoyiqueteguelec caqamiri quecá'maq qanoxohi chaqai quecá'maq ni'chiigui, loqo'm quecá'maq nemaqachic na'xa'a, loqo'm queca dalaxaic shiraigo, loqo'm queca na'xa'a co'mataxaqui.

1 Samuel 20:5

Ca' so David 'naaco': —'Ajñi', ma' nete'e nemaqachic, ma' dalaxaic ñi shiraigo. Ca' ỹim ñqa'xañi'ñi' ñi qarashi Saúl ma' squi'ỹaq. Qam yayaxañirac quiyim ñañoxojñi quiyi no'ueenaxa, toco' ma' nete'e liỹa ma' lavit.