Amós 8:3 - La'qaatqa ñi qota'olec Qota'olec & Qota'olec Novita Na Qomyipi

³ Ca ỹovita ma'le cajo na'xa'a quiyim na no'ueenec quiñi 'imec lodegaxat ñigui ma'le ca ỹenaxac. 'Xoic ca qom ileu ma'le, ca' chi nachicochiguiñi, ma' qainaxe'oguiyi na leuaxaiquipi. Ñi qara'gaxala' i'taxajñi da la'qaatec.

Amós 8:3 Iomraidhean Croise

Jeremías 22:18

Ñi qara'gaxala' qota'olec 'naac da la'qaatec quiñi Joacim, llaalec so Josías, ñí'maq nashi quiyi Judá: Qaica ca noỹen ma' ileu. Ỹaatqajam qaica ca noỹen chaqai quiyim 'naac: ¡'Xoraicolec yi ỹaqaỹa! ¡'Xoraiỹole ayi ỹaqaỹa! ¡'Xoraicolec yi ỹa'gaxala'! ¡'Xoraicolec yi ỹashi!

Joel 1:11

Ca' qamiri nauá'maq 'ueenataxañitac quena no'ueenaxa chaqai quena 'uva loma', noỹiñii queda rachicoxohi, ma' na'laañi ná'ogue na nanecseripi, se qanaqat na trigo chaqai ana cebada.

Joel 1:13

Qamiri netaxaỹaxanqajanqaipi daañiteguelec ada ncopatoxonaxalate, ñiiñi caua noho nachicoxoqui', chaqai noỹiñii queda nqui'ic, ma' ñi no'ueenaxanaxaqui quiñi qota'olec tot qaica ca nanecsec ala chaqai ca lataxa quiyim nachitaxanataxanaxat.

Joel 1:5

¡Qamiri ne'taaxairipi, nelohiuec! ¡Noỹiñii, ne'taaxairipi quena lataxa, ma' vire'ta na li'i ana 'uva qarouootaxana'gue ma'le!

Amós 4:10

Selata na'le so ne'ne' qamiri 'ec cá'maq selata na'le yi Egipto; so'uet quiyim ileu so ne'naqaipi caqamiri quiyi no'ueenaxa lauatqa', chaqai so'uet quiyim so npa'guenaxauaripi rouootaxana'gue so laloipi shipiguiripi chaqai ñcoỹaxanaxaneguelo qamiri na lahita so leuaxaiquipi quiyi nco'matqari, ¡qam qamiri se rapilliua'! Ñi qara'gaxala' i'taxajñi da la'qaatec.

Amós 5:23

¡Ỹoxe'oga nqai'ñii caỹim da lelamaxa na ro'viiñigui! ¡Se yqo'ta sa'xaỹa na riviiguillipi!

Amós 6:4

Saxaitalec ná'maq chalego loyac qa'xanaxala' no'ueetaxat ana loue ana ladoco loue, 'ec npaloochitac quenaua remaqachigohi, qui'iitac quena qagreta llaalec chaqai na huaqui llaalec 'uegaxasaq.

Amós 6:5

Pi'chiigui ana npe'te sqa ỹaataxa'uegue ca liviigaxanaxac, denaxachitac so David chi lo'ueenatec na liviiguellipi.

Amós 8:10

Na remaqachiguipi ñigui nqaishin ca ỹenaxac sauaxat na leuaxaiquipi, chaqai na ro'ueenaxanaxaguipi ñigui nqaishin ca ỹenaxac quena' 'ue yi qaishinñi; so'uet quiyim qamiri ñiiñi caua noho nachicoxoqui', chaqai selaxachilgoto naua rqahigori netanec nqai'ñii caqamiri quiyim 'xoic da nqui'ic. Ca' noỹiñii ma'le 'ec cá'maq qom na'laañi ca 'oonoqui' llaalec, ca ma' ime dajo, qam no'ueenashiguim ca 'xoic nachicoxo.