Amós 8:2 - La'qaatqa ñi qota'olec Qota'olec & Qota'olec Novita Na Qomyipi

² Ca ñi qara'gaxala' yinat: —Amós, ¿negue' ná'maq 'ajñisac? Ca shinac: —Nanecse ala ỹiita hueetañigui añi lahi'. Ca 'naac ñi qara'gaxala': —Na Israel mashic ỹovita yi lqodoc, ca' tot qaica ma' liỹa quet yqouaguegue.

Amós 8:2 Iomraidhean Croise

Génesis 6:13

Ca 'naaco' queso Noé: Mashic viichigui na iuel quiyim ime nqaishin ná'ogue na qomyipi, ma' sauaxat na'maxare quiyim 'xoic da neloquiaxac quena 'laua. Ca vichiguiño' sopoxoỹaxachigui na qomyipi chaqai ná'ogue na 'laua.

Ezequiel 3:10

Ime, ca 'naac caỹim: Ỹaatqajam na'xaỹaxañiteta dá'ogue dá'maq shinac caqami' chaqai totaxan 'laxachite.

Ezequiel 3:7

Qam na llaalqaipi so Israel se na'xaỹaxana qami' ma'le, ma' ỹim ná'maq se na'xaỹaxana. Ná'ogue na llaalqaipi so Israel ỹaatqajam hualoxonyipi chaqai ỹa'ñaxachichigui na lqahic.

Ezequiel 8:12

Ca 'naac caỹim: Huañita dá'maq ỹo'ueetetac nañoxotetañi na qo'xoiquipi quena llaalqaipi so Israel, quiñi 'óna neetaugui ñi lauo'oqui' na lashiilec, 'neetapega se seuana chaqai quiyim shique'e na na'laua.

Ezequiel 8:17

Ca na'le, ca ñi qara'gaxala' 'naac caỹim: 'Ajñi', 'eco' se nalogoñi nqai'en dajo na qomyipi quiyi Judá, quiyim ỹo'uet dajo ỹaatqajam se yqo'ta, chaqai no'xataxajlec na 'laua quiyim se ra'maqataxan. Ỹopilaxateta'gue ca ỹo'ueetetac da ỹonogoxonaxac, ca ỹo'ueetetac quiyim na le'ne' ỹoviro'ot na imic.

Ezequiel 8:6

Ime, ca 'naapiguiỹa': 'Ajñi' ná'maq se yqo'ta ỹo'ueetetac na Israel llaalqaipi, chaqaina ná'maq 'em shique'e ñi co'teeta no'ueenaxanaxaqui. Qam qaiyiita 'ue yi liỹa huañita ma'le paguec la'aaxa.

Amós 7:8

Ca' yinat: —Amós, ¿negue' ná'maq 'ajñisac? Ca' shinac: —Sa'ajantac ada 'imec lo'o lalamqataxanqate. Ca na'le, ca 'naac caỹim: —Ca' cadajo lalamqataxanqate ca 'imec lo'o, ca' sa'den ma'le ca lalamaxa ca la'deenataxanaxac na ỹalamaxareteripi Israel llaalqaipi. Ca ma'le, ca' tot qaica ma' liỹa yqouaca'gue quet.

Amós 8:1

Dajo dá'maq ỹachaxañim na'le ñi qara'gaxala' qota'olec: 'Ue ana ỹiita nanecse ala hueetañigui aso lahi'.

Zacarías 5:2

Ca' so nelaatec piguim le'ec yinat: ¿Negue' só'maq reuanachiqui'? Ca' shinac: Seuane'ta aso lere 'vii naua lerqa, ỹaỹoxonta; nueve metro da ladogaxa chaqai cuatro y medio dá'maq leca'gue.