Amós 8:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca ñi qara'gaxala' i'taxajñi da la'qaatec, 'naac: Naate' naua na'xata', Ca quenaua'maxare, ca so'uet ca nqopaaxa quena 'laua; mesqai ca nqopaaxa queca pan chaqai neueetaxanaxa queca niquip quiyim qaica ca huaxaỹaq, ta'ta'a quiyim 'ec qopat ỹahotaque 'xaỹalo naua qota'olec la'qaatqa.

Amós 8:11 Iomraidhean Croise

Salmos 74:9

Ca' tot seuanaxa na nqalanec qaremaqateteripi; chaqai qaica ca taqairougui quena qom, chaqai vire'ta se sa'deenaq chi' laquio' ime dajo.

Isaías 5:6

se seloxoỹa'a, qaiyi se qanichaxauec ana lasote chaqai se qanaqat ana peue, qaiyi 'xoic laqalachi chaqai ana le. Chaqai shinapega na naueguelec quiyim sqai taalec nqai'en ca ỹaxat yi'maxare.

Miqueas 3:6

“Tot qaica ma' 'ue quet liỹa caqamiri ca reuanaxanaxaguii quiyi pe, chaqai sqai 'xachitac cá'maq naata quena napalaxa.” Añi ra'aasa inoxonñi quecajo netaxaỹaxaquiripi, chaqai yi na'xa'a napalaxa ma'le queca'maxare.

Mateo 9:36

Ca na' iuana so qomyipi, ca 'ue da le'xorenataxanaxa queso'maxare. Ma' 'ue da le'xoric chaqai qaica ca la'ñaxac, 'ec ana qagreta qaica ca reloxoỹa'a.

1 Samuel 28:15

Ca' so Samuel 'naaco' queso'maxare: —¿Chi'negue ma' yitaxañi'sac, vi'saque quiyim ñoviro? Ca' so Saúl 'naaco': —Sai'c, 'xoic da ỹachitachic, ma' se yayaxanac na filisteoipi, chaqai ñi qota'olec mashic yalat, tot ỹa'ue ca ỹa'xaỹaxac chicqochigui nqai'en na letaxaỹaxaquiripi, loqo'm ca ne'guemataxac. Vichiguiño' soỹaxane qami', qaiyi choxochi' cá'maq shinta'gue ca so'uet.

1 Samuel 28:6

Co'na'le, ca inato' ñi qara'gaxala', qam ñi qara'gaxala' sqai saachiguit so'maxare quiyim chicqochigui nqai'en ca le'guemataxac, loqo'm so nenatec qa'oqui' Urim, loqo'm quena letaxaỹaxaquiripi ñi'maxare.

1 Samuel 3:1

Ca' so ne'nec Samuel queetalec da lo'ueenataxanaxac quiñi qara'gaxala' hueeta'ñoto naua lelaataxanaxaco so Elí. Ca' quesauajo na'xata' ỹaatqajam qaica ca qom qoỹaanem ca la'qaatec quiñi qara'gaxala', chaqai ỹaatqajam 'ue da lovic ca qom qaỹa'ue ca leuanaxanaxac.