Amós 7:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ñi qara'gaxala' qai'neeta ỹachaxañim dajo: Ñi'maxare hueeto'ot so nquepaqataxanaxat, ca lo'qoota'a aso lalamqataxanqate na 'imec lo'o.

Amós 7:7 Iomraidhean Croise

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

2 Reyes 21:13

Ca' ñaloqochin na Jerusalén, shine'tegue da ỹaloqojnaxanaxac quiyi Samaria chaqai quena llaalqaipi so nashi Acab na' sa'ue ca nouaxanaxaset, ca' sco'taxateta 'ec nqaishin ca peguet quena' qaiquiỹogui, ca' qanqa'paxanaxanñi.

Isaías 28:17

Ca' quecajo qano'xonshiguim quiyim ỹalamqachiguiñi nqaishin sahote'e da 'maxaraic no'ueenataxanaxac, chaqai quiyim qanaloqojonta' sahote'e da 'maxataxaric. Ca cá'maq 'xachitac nañoxochiugui, daañitaque nañoxochiugui da na'maachic qaỹopoxoỹaxachigui ma'le caca qalachi, ca' ca huaxaỹaq i'paxanlec nqai'en ca re'guenqari.

Amós 7:6

Ca na'le, ca' ñi qara'gaxala' nallaa quedá'maq sham 'ne'tegue, ca 'naac: —¡Qai'neeta dajo sqai 'neeta ma'le!

Amós 7:8

Ca' yinat: —Amós, ¿negue' ná'maq 'ajñisac? Ca' shinac: —Sa'ajantac ada 'imec lo'o lalamqataxanqate. Ca na'le, ca 'naac caỹim: —Ca' cadajo lalamqataxanqate ca 'imec lo'o, ca' sa'den ma'le ca lalamaxa ca la'deenataxanaxac na ỹalamaxareteripi Israel llaalqaipi. Ca ma'le, ca' tot qaica ma' liỹa yqouaca'gue quet.

Zacarías 4:10

“Ca ná'maq mesqai ỹaatqajam i'taxajñi dá'maq 'ec cocho'qui' dá'maq taachi'ñi, ca' nagui, ca netoon ma' iuana ñi Zorobabel ỹomat yí'maq ỹo'ueetetac.” Ca na' ime dajo, ca' so nelaatec lotqai 'naac: Nauajo siete ncoỹeraxanaxaqui' chaqainaua nauá'maq nqote' ñi qara'gaxala', ca ñaua'maxare ỹa'ajansac ná'ogue na 'laua.

Apocalipsis 11:1

Ca na'le, ca' qanañaañim aso 'ec noqola late'e naloqojnaxanaxat. Ca' qohinapiguiỹa': —Ne'laxachirishiguim, ca naloqochiñi' da ladoqueta ñi lo'ueenaxanaxaqui ñi qota'a chaqai añi ncopatoxonaxalate. Chaqai naloqochiñi' ỹote' cá'maq hueetaugui imaqachintac ñi'maxare.

Apocalipsis 21:15

Ca só'maq nelaatec piguim le'ec só'maq yitaxaỹaxantac quen, 'ue so lo'qoota'a naloqojnaxanaxat 'oro quiyim qanaloqochin yi na'a', saua lasomi', chaqai so lquepaqataxanaxat.