Amós 7:4 - La'qaatqa ñi qota'olec Qota'olec & Qota'olec Novita Na Qomyipi

⁴ Dajo dá'maq ỹachaxañim ñi qara'gaxala': Seuana quiyim nela' so 'ec norec navicqataxanaq quiyim rouaxanaxana, ca rashivigui nqai'en aso qoỹoqochi'ñigui huaaxai late'ogue' chaqai sham nomachiñi qai'neete' naua no'ueenaxari.

Amós 7:4 Iomraidhean Croise

Joel 1:19

¡Yaualqot qami', qami' ỹa'gaxala', ma' so norec ỹavigaxat na 'uaqapi quiyi 'laua qaica qom chaqai naua qo'pa' quiyi no'ueenaxa!

Joel 2:30

sa'ue ca sachaxan ma'le quena piguim chaqai quena 'laua cá'maq chalego lecaic nqai'en ca ne'laxa, chaqai neuoripi, norec chaqai na nesalaxaripi 'ec naueguelec.

Amós 1:4

Vichiguiño' sillaugui ma'le ca norec ñi lauo' so nashi Hazael, ca' sojo norec nopoxoỹaxajñi ma'le yi lauootoripi leta'allipi so nashi Ben-adad.

Amós 1:7

Vichiguiño' scopata'alo ma'le naua lquepaqataxanqate' yi Gaza, ca' cajo norec nopoxoỹaxajñi na nashi lauootoripi.

Amós 2:5

Vichiguiño' scopata'a ma'le yi 'laua Judá, ca' sojo norec nopoxoỹaxajñi yi nashi lauootoripi quiyi na'a' Jerusalén.

Amós 4:11

Ỹaatqajam chalego da re'xoriguii na' ñopoxoỹaxachiñi qamiri, 'nejem só'maq selata na'le yi Sodoma chaqai yi Gomorra; ỹaatqajam chaqai 'nejme' qamiri ana poqo quena' chita'gue qanaqajta queca norec, ¡qam qamiri se rapilliua'! Ñi qara'gaxala' i'taxajñi da la'qaatec.

Amós 5:6

'Guiñiỹot ñi qara'gaxala', qaiyi rca'lliiuec; ma' no'me', ñi'maxare nela' ma'le ca norec, taalec nqai'en ma'le ná'ogue ná'maq Israel, ca' qaica ca ishit ỹo'mat ma'le quena Betel. (7-13 So Amós rashiilaxantac quiyim netogot so qomyipi.)

Amós 7:1

Dajo dá'maq ỹachaxañim na'le ñi qara'gaxala': Na' ñaqai chita'gue ñaxatetac na nanecsec co'uaataxanaxaic, ná'maq qaỹo'uet quena' ime'uegue quiyim raqataxan ñi nashi, ca seuane'ta ñi qara'gaxala' ỹo'ueetetac ana piñai.

Amós 7:7

Ñi qara'gaxala' qai'neeta ỹachaxañim dajo: Ñi'maxare hueeto'ot so nquepaqataxanaxat, ca lo'qoota'a aso lalamqataxanqate na 'imec lo'o.

Miqueas 1:4

Cá'maq ta'ñi da lapia' quiyim co'viiñi, ca' quiguiñi nqai'en ana qa', 'ec nqai'en ana lapa quena' qaillaañigui na norec, chaqai naua ca'meguelo, ca ropoxoỹa'que nqai'ne', 'ec dá'maq quena' na huaxaỹaq 'ue ca itagoxotauec queda lquesaxanaxa.

Hebreos 1:7

Qam dá'maq 'neeto' na'le quena piguim laseripi, ca' ñi qota'a 'naaco': Ñi'maxare ỹo'uet na lelaatqaipi piguim laseripi 'ec nqai'en na nonot, chaqai na lo'ueenataxanqajanqaipi 'ec nqai'en na norec lauaq.

Apocalipsis 4:1

Ca' ỹim Juan, ca na' ime dajo, ca' ñidaanashiguim, ca' seuane'ta so lasom nauatetagui queda piguim. Qam sojo nivillaxac 'ec aca npe'te só'maq 'au netaxaỹa'ña aỹim, ca 'naapiguiỹa': —Nochirishiguim quenajo. Ca' sachaxañiraxarom dá'maq 'neeta ma'le najo.