Amós 7:3 - La'qaatqa ñi qota'olec Qota'olec & Qota'olec Novita Na Qomyipi

³ Ca na'le, ca' ñi qara'gaxala' qaca'guit nqai'en dá'maq sham 'ne'tegue, ca 'naac: —¡'E', dajo sqai 'neeta ma'le!

Amós 7:3 Iomraidhean Croise

Génesis 6:7

Ca 'naaco': Sapalaxat ná'maq ỹo'ueenatec qom quena 'laua, chaqai ná'ogue ná'maq nelo iseripi, chaqai ná'maq nqai'queetegueri', chaqai na ỹoipi. Ỹaatqajam 'xoic da ñitogotaxa, ma' so'ueeto' na'le.

Salmos 90:13

¡Qami' qara'gaxala', rapillitalo qomi'! ¿Chi' laquio', ca novichi'? ¡Ñaq rqouaquiteguelo qomi', qomi' relaataxahi'!

Jeremías 26:19

Ca' so nashi Ezequías chaqai sá'ogue so qomyipi quena Judá, ¿'uo' ca 'ne'tegue na'le so Miqueas? 'E', ta'ta'a quiyim so nashi 'ue da lqolonaxa quiñi qara'gaxala', ca' rashiilaxan quiyim qanqouaguegue so qomyipi. Ca' ñi qara'gaxala' se nela' só'maq ỹahotaque taalec nqai'en. Ca' ¿qomi' sahoqotaco' quiyim ñiỹoxosqalta' queda chalego lecaic nasauaxaset?

Jeremías 42:10

No'm qamiri viitaque sqai dahi quenajo 'laua, ca' ỹim so'uet quiyim 'ue nqaiyi caqamiri; se ñopoxoỹaxajñi qamiri, ta'ta'a quiyim sañiñi qamiri, ca se ñapogue' qamiri, ma' 'ue da ñitogotaxa quiyim ñila' da re'xoriguii.

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Joel 2:13

¡Pilliu'a qamiri ñi qara'gaxala', ñí'maq qota'olec caqamiri, ỹaatqajam 'chiichiguiñi nqai'ñii ca netacochaxahi cañi re'taxanatahi, qam se nasectaxachiỹa'ahi naua qatoohi! Ma' ñi qara'gaxala' sotaxaraic da lo'ueenataxanaxac chaqai qouagaxanqachaqaic, hualaxauaic chaqai imaañi da le'xorenataxanaxa, 'eco' se nqo'ta quiyim 'ue ca ỹa'ue ca nouaxanaxaset.

Joel 2:14

Sqoue se ỹa'ue ca nouaxanaxasete' qamiri, ca nela' ca lqouagaxa caqamiri. Ca ỹa'ue ca lqouagaxanaxat nanecsec ala chaqai na lataxa, ca qaiyi 'ue ca rachitaxanataxanaxachii quiñi qara'gaxala', ñí'maq qota'olec caqamiri.

Amós 5:15

¡Se rqo'chiỹa na se no'uen! ¡Ca rqo'chiỹa ná'maq no'uen! 'Chiichiguiñi nqai'ñii quiyim ỹo'uet na ỹa'maqachiguiñi ná'maq leraxanaxaqui na nimiitaxanaq quena nasauaxaset; ca' sqoue quiyim ñi qara'gaxala' ñí'maq qota'olec sqaica lqalanec 'ue ca lqouagaxa quená'maq ca'laaxaiquipi quena Israel. (16-20 So Amós rashiilaxantac quiyim netogot so qomyipi.)

Amós 7:6

Ca na'le, ca' ñi qara'gaxala' nallaa quedá'maq sham 'ne'tegue, ca 'naac: —¡Qai'neeta dajo sqai 'neeta ma'le!

Jonás 3:10

Ca' ñi qota'a iuana dá'maq 'neetari' yi qomyipi quiyi Nínive quiyim ỹaxañiñi naua loico se no'viiñi. Ca' ñi'maxare se ipaguigui nqai'en da la'qaatec quiyim 'naac nopoxoỹaxajñi yi Nínive.

Santiago 5:16

Ca' vichiguiño' queca 'óna caqamiri ra'qaataxanem ca liỹa queca lasauaxaset, chaqai quiñi 'óna nqouagaxaintalec ca liỹa, qaiyi qaỹomaterec qamiri. Da nqouagaxainaxac ca huagaxaraic ỹale ỹaatqajam 'xoic lquesaxanaxa.