Amós 7:2 - La'qaatqa ñi qota'olec Qota'olec & Qota'olec Novita Na Qomyipi

² Ca' seuana na' aso piñai ichiquetac, sham qo'oc ná'ogue aná'maq nanecse, ca' shinac: —¡Qami' ỹa'gaxala', totaxan quirapeguema qomi'! ¿Negue' quet cá'maq 'neeta quiyim qa'vi'ra'gue naua sqo vite' llaalqa so Jacob?

Amós 7:2 Iomraidhean Croise

Éxodo 10:15

Ma' mashic ỹapaguelec aso'maxare, ca' tot re'oq nqai'en na 'laua. Ca' ỹa'ic ná'ogue ana nanecse chaqai ná'ogue ana la ana qo'paq caná'maq no'ueenaxaỹo' na'le na' ime'uegue aso qalachi. Qaica ca no'ueenañi lo'ualaxa quiyá'ogue yi Egipto quena no'ueenaxa chaqai cana qo'paq.

Jeremías 14:7

¡Qami' qara'gaxala', 'eno'm na qarasauaxaseteripi re'qoote' nqai'ne' qomi', qam 'ueenataxañi', ca maqachiñi' da qadeenaxachi'! Ỹaatqajam shi'gom se qaraqamaq caqami', ca' 'ue da qarasauaxaset caqami'.

Jeremías 42:2

so Jeremías, ca' qohinapego': —'Ue da sashiilaxanqaque caqami'; 'neeto' se na'xaỹaxañi': Nqouagaxaiñitot ñi ra'gaxalachi' ñí'maq qota'olec caqami' coqomi' sqo vito'olqai' qaro'ueenañi. Quesom qomi' 'xoic, qam nagui ñaqai 'ajñi' qomi' sqo vito'olqai'.

Ezequiel 9:8

Ca na' saua'maxare ỹo'ueetesac dajo, ca ỹim yo'ueenañi qaỹimeta. Ca ñqa'paxañiguit na 'laua, soviraxatañi na ỹatap quena 'laua. Ca' paguec da nqui'ic caỹim, ca yaualaq, shinac: “Qami' qara'gaxala', ¿ỹaatqajam machiralec da qavilli' na Jerusalén vi'saque quiyim nomachiriñi naua sqo vito'olqai' quena Israel llaalqaipi?

Joel 2:17

Noỹen na netaxaỹaxanqajanqaipi ná'maq ro'ueenataxantacot ñi qara'gaxala', ca ma' viitañiguilo yi lavinñi' quiñi ñigo chaqai cada ncopatoxonaxalate, ca 'ñiỹac: Qami' qara'gaxala' mesqai quirapeguem na ralamaxarichi'ipi; 'neeto' 'xañitegue quiyim 'ue ca i'neetac ná'maq ralamaxarichi'ipi; 'neeto' 'xañitegue quiyim na liỹa ỹoqa'a qomyipi ỹoiquentac na'maxare chaqai quiyim na liỹa qomyipi sqai huelec qami' 'naac: ¿Negue' cá'maq hueeta'gue cá'maq qota'olec caqamiri?

Amós 4:9

Nouaxanaxaset nqaishin na nonot pa'e chaqai ana lase nichigaxanaq, so'uet quiyim nasogoñi naua lanaxanqate' chaqai naua 'uva lomaate', ana piñai ỹa'ic naua 'igo lomaate' chaqai naua oliva lomaate', ¡qam qamiri se rapilliua'! Ñi qara'gaxala' i'taxajñi da la'qaatec.

Amós 7:5

Ca' ỹim shinac: —¡Qovire'e qami' ỹa'gaxala', qouaquiric! ¿Chi'negue queta' qa'vi'ra'gue naua sqo vito'olqai' llaalqa so Jacob?

Zacarías 4:10

“Ca ná'maq mesqai ỹaatqajam i'taxajñi dá'maq 'ec cocho'qui' dá'maq taachi'ñi, ca' nagui, ca netoon ma' iuana ñi Zorobabel ỹomat yí'maq ỹo'ueetetac.” Ca na' ime dajo, ca' so nelaatec lotqai 'naac: Nauajo siete ncoỹeraxanaxaqui' chaqainaua nauá'maq nqote' ñi qara'gaxala', ca ñaua'maxare ỹa'ajansac ná'ogue na 'laua.

Apocalipsis 9:4

Qaila', qam quiyim se na'axat na 'uaqapi, chaqai ana qo'paq, chaqai ná'ogue ana peue ladala hueetalec na 'laua. Ta'ta'a quiyim nodaqajantec ná'maq qom quená'maq sqaca aca letanaxanqate ñi qota'a quena latap.