Amós 7:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ qam ñi qara'gaxala' naqata'a aỹim quiyim seloqota'a ana qagreta. Ca 'naac caỹim: Mo'e', 'xachi' da ỹa'qaatec quiyi qomyipi quiyi Israel.

Amós 7:15 Iomraidhean Croise

2 Samuel 7:8

Ca' vichiguiño' nagui 'ñirapega ñi ilaatec David quiyim ỹim, ỹim na'gaxala' qaica lqalanec, shinacsa': Ỹim ñaqata'a qami' na'le, sachigoxotau'a aso nelo qagretaipi, chaqai sollaapeguem qami' quiyim loqoisa'a aso'maxare, ma' sahotaque quiyim qami' la'gaxala' ná'maq ỹalamaxareteripi llaalqaipi so Israel.

1 Reyes 19:19

Ca' so Elías eec, ca iuanejlco' so Eliseo rasaugaxantac, ỹa'queetalec so veinticuatro ñii'lolaipi, ca' chaqaiso so'maxare ỹashaxantac sauá'maq co'uaataxante'. Ca' so Elías ỹalamaxateta'a so Eliseo, ca' ipeguenlec so lapo'.

Jeremías 1:7

Qam ñi qara'gaxala' 'naac caỹim: Totaxan 'ñirac quiyim qami' ne'necoqui'. Qami' qui', 'itegue cá'maq selachitegue, chaqai 'xachi' cá'maq selachirelec quiyim 'ñirac.

Jeremías 26:12

Ca' so Jeremías 'naaco' queso nashillipi chaqai queso qomyipi: —Ñi qara'gaxala', ñí'maq yila' setaqa quiyim npa'guene'e' najo no'ueenaxanaxaqui chaqai na na'a' lodegaxat dá'ogue dá'maq 'xahichigui qamiri.

Amós 3:8

¿Negue' ca se i'loxol quena lqolonaxa quiyim 'xaỹaque ronoqo ca sauaxaic leta'a? ¿Negue' ca se ỹa'xat da la'qaatec ñi qara'gaxala', no'm qailarelec quiñi'maxare?

Mateo 9:9

Ca so Jesús co'na' eec, ca iuane'ta so ỹale leenaxat Mateo nqa'xantañi, neetaugui so lo'ueenataxanaxaqui quiyim icona'piguit ana nishiuete so nashi quiyi Roma. Ca 'naaco': —Quitegue aỹim. Ca' so Mateo ne'laxashiguim, ca' quegue so Jesús.

Hechos 1:8

Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

Hechos 4:20

Ma' qomi' se seshitaq quiyim saxanaxañi sa'xataq cá'maq sauanqachigui chaqai cá'maq sa'xaiqachigui.

Hechos 5:20

—Mohi, nachaachiñi cañi no'ueenaxanaxaqui quena Jerusalén, ca' 'qaataxañii quiyi qomyipi queda nca'laxa dalaxaic.

1 Samuel 10:11

Qam ná'oco' ná'maq shi'gue lauanatec so'maxare, co'na' iuane'ta quiyim ỹalequetaugui so letaxaỹaxaquiripi ñi qota'olec, ca' chi retaqatecta', 'naaco': —¿Nega'ỹo' ca 'neeta da llaalec ñi Cis? ¿Peeta'a qai'neeta da Saúl letaxaỹaxaqui ñi qota'olec?