Amós 7:13 - La'qaatqa ñi qota'olec Qota'olec & Qota'olec Novita Na Qomyipi

¹³ qam totaxan liỹa taxahi' quena Betel, ma' na'maxare nqouagaxainqa' ñi qarashi, chaqai najo na'ñi na lo'ueenaxanaxaqui ná'ogue na neetalec na 'laua Israel.

Amós 7:13 Iomraidhean Croise

1 Reyes 12:29

Ca co'na'le, ca 'óna so ỹana'ñi yi Betel chaqai so liỹa ỹana'ñi yi Dan.

1 Reyes 12:32

Chaqai qai'neeta ỹa'ue so laloqojnec quiyim ỹo'uet so lemaqachic, ca' viichigui nqai'en so na'xa'a quince quena' ime'ueque saua siete shiriguiri queso ñaaxa. Ca' so nemaqachic qaỹo'ueeto' quen quiyi Judá. Ca chaqaiso so'maxare ỹavigaxat so lachitaxanataxanaxat huaalec aso ncopatoxonaxalate. Ca na' ỹo'uet dajo hua'ñi nqai'en yi Betel quiyim ỹaanot so lachitaxanataxanaxat só'maq huaqui llaalec chi lo'ueenatec. Ca' na netaxaỹaxanqajanqaipi idaanlec nqai'en da nemaqajnataxanaxac quiyim qanqouagaxainot na nqolaquipi no'xonshiguim.

Isaías 30:10

Ná'maq 'ue na leuanaxanaxac 'naapega: “Liyi, le'en na reuanaxanaxaqui',” chaqai ná'maq letaxaỹaxaqui ñi qota'olec 'naapega: “Sqai 'xachitema qomi' ca reuanaxanaxaqui' lliqueta; ta'ta'a quiyim isotete' caua ra'qaataxahi' coqomi'; sqai palaxachi' dá'maq hueetapigui qouel.

Jeremías 26:9

¿Chi negue' cá'maq 'neetapiguio' qavilli' quiyim queda leenaxat ñi qara'gaxala', ca' najo no'ueenaxanaxaqui 'nejem ma'le so na'ñi yi Silo, chaqai najo na'a' lodegaxat qanopoxoỹaxajñi chaqai qaica ca qom na'ñi? Ca' sá'ogue so qomyipi npataxata' lapoỹau'a so Jeremías.

Amós 2:12

Qam qamiri 'xoic da repagaxalliguii quiyim ne'taxañigui na lataxa na nazareo ná'maq nallitalta' quiyim se ne'et, chaqai sqai 'maxariñii quiyim na itaxaỹaxaquiripi ỹa'xate' naua ỹa'qaatqa.

Amós 5:5

Sqai quiipegue' yi Betel quiyim nqouagaxaiñii, chaqai sqai 'iigue da Gilgal, chaqai sqai quiipegue' yi Beerseba, ma' yi Gilgal qaica ca nañitqa' quiyim ỹoqa'a ca 'laua qainaxague, chaqai yi Betel qanopoxoỹaxajñi ma'le.

Amós 7:16

Ca vichiguiño' nagui, ca na'xaỹaxañita da la'qaatec ñi qara'gaxala'. Dajo dá'maq 'ñirac qami': Totaxan 'ue ca 'xachi' quenaua la'qaatqa ñi qota'olec ỹadentalec na Israel chaqai qaica ca 'ñirac quiyim qaỹadentalec na llaalqaipi so Isaac.

Amós 7:9

Naua nqouagaxainqate' na llaalqaipi so Isaac qanopoxoỹaxajñi ma'le, chaqai naua no'ueenaxanaxaqui' quena llaalqaipi so Israel 'guiñi nqohin ma'le. ¡Ñanojshiguim ma'le ca llicat, ñalauate'e', ca ñomajñi ma'le na llaalqaipi ñi nashi Jeroboam!

Hechos 5:28

—Qomi' sqaica ma' sa'maxarenaq quet quiyim paxaguinataxañita'pegue da leenaxat so Jesús. Qam ¿negue' dá'maq 'viichitac? Mashic no'xataxachiigui ná'ogue na Jerusalén quedá'maq rapaxaguinataxanaxaguii qamiri, chaqai viitaque pataxailgoto qomi' quiyim qarasauaxaset da lelauaxa so ỹale.

Hechos 5:40

Ca sá'ogue so qomyipi chaqaida nqai'en da la'qaatec so Gamaliel. Ca qaroỹaxane'ogalo saua Jesús lelaatqa, ca qaỹouaxane', ca' qaỹaqatalo quiyim tot liỹa ỹa'xate' da leenaxat so Jesús. Ime, ca' qoỹaxandec.