Amós 7:12 - La'qaatqa ñi qota'olec Qota'olec & Qota'olec Novita Na Qomyipi

¹² Na' ime, ca' so Amasías 'naac queso Amós: —¡'Ire'oguiyi, qami' netaxaỹaxaqui! No'm vi'saque quiyim qui'i'sapigui dá'maq quiyim qami' netaxaỹaxaqui, ca mo'e', 'itegue da Judá;

Amós 7:12 Iomraidhean Croise

Isaías 30:10

Ná'maq 'ue na leuanaxanaxac 'naapega: “Liyi, le'en na reuanaxanaxaqui',” chaqai ná'maq letaxaỹaxaqui ñi qota'olec 'naapega: “Sqai 'xachitema qomi' ca reuanaxanaxaqui' lliqueta; ta'ta'a quiyim isotete' caua ra'qaataxahi' coqomi'; sqai palaxachi' dá'maq hueetapigui qouel.

Amós 2:12

Qam qamiri 'xoic da repagaxalliguii quiyim ne'taxañigui na lataxa na nazareo ná'maq nallitalta' quiyim se ne'et, chaqai sqai 'maxariñii quiyim na itaxaỹaxaquiripi ỹa'xate' naua ỹa'qaatqa.

Amós 7:11

Ma' 'neetasa' da letaxaỹaxac: Ñi Jeroboam qaỹalauat ma'le, qaỹodoota'a na lecat, chaqai ná'ogue na qomyipi quena Israel qai'xategue ma'le ca ỹoqa'a 'laua.

Malaquías 1:10

¡Saxanchi' 'ue cá, caqamiri ishit ỹapoguilo naua lasomi' ñi no'ueenaxanaxaqui, qaiyi totqai liỹa qaicopata'a ca norec cañi ncopatoxonaxalate, qam qaica ca 'negue! Ma' tot ñitoonta'guelo qamiri, chaqai tot secoñiguit ná'maq rachitaxanataxanaxachii.

Mateo 8:34

Ca sá'ogue so qomyipi na'ñi yi na'a' nacpegue' yi hueete'e so Jesús. Ca co'na' ỹovita, ca ne'xoresene'tot quiyim ca'e yi la'a' so'maxare.

Lucas 13:31

Ca' chaqaiso so na'xa'a, ca novirero saua chicqoraugui na fariseoipi. Ca' qara'qaataxanem so'maxare, qohinac: —Oquire'e najo, ma' ñi nashi Herodes ỹahotaque ralauachi'.

Hechos 16:39

Ca' saua'maxare querepegueto saua Pablo chaqai so Silas, rashiilaxane' quiyim qai'xorene', ma' 'uo' da lasauaxasete'. Ca co'na' ime, ca qaỹosoorec so Pablo chaqai so Silas, qam qohinapegalo quiyim quere'e yi na'a'.

Romanos 16:18

Ma' cauajo qomi' se ro'ueenataxansacot so qara'gaxala' Jesucristo, qaidaata dá'maq chi lishoxo. Chaqai ỹayintac ana le'taxanata na qomyipi qaica ca ỹa'den, isotete' nqai'ne' naua la'qaatqa, chaqai lo'daxaraqa.

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.

1 Pedro 5:2

Ỹaatqajam quelolliỹa 'maxachii'tegue ná'maq mashic icoñiguit da na'qaatec ná'maq mashic qaỹauaaque reloxoiqachicshii quiñi qota'a, 'ñiitari' ca neloxoỹaq cana qagreta. Ỹaatqajam rasapchii'ta, 'viichitac dá'maq ỹahotaque ñi qota'a. Mese repaguitaque quiyim qanetenteguelgoto qamiri qarelaritac chaqai se naquichite'e aca plata. Ta'ta'a quiyim rasapchii'ta ca ro'ueenataxanaxaguii.

1 Samuel 9:9

(Nallaaqo' co'quena' 'ue ñi quena Israel llaalqaipi ỹahotaque retaxaỹa'pegue' ñi qota'olec, ca 'naaco' quen: “Qolaxapegue' ñí'maq 'ue na ra'ỹaauec.” Ca' chaqaina ná'maq nagui qohinac letaxaỹaxaqui ñi qota'olec, qam quesom quena' qaroỹaxana, ca' qohinac: Ra'ỹaauec nanchaqaina.)