Amós 7:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ So Amasías, só'maq netaxaỹaxanqajnec quena' qaretaxaỹa'pegue' ñi qota'olec quiyi na'a' Betel, so'maxare ilata da la'qaatec so nashi quiyi 'laua Israel leenaxat Jeroboam, ca 'naac: So Amós queetegueñigui na qomyipi quena Israel, ỹa'xatetac na se no'uen caqami'. Ca' ná'ogue na senqatalec 'laua tot nalo'guit quiyim queetalec da letaxaỹaxac.

Amós 7:10 Iomraidhean Croise

Génesis 37:8

Ca' saua lqaỹa' 'neraco': —¡Ca' quedajo, ca 'ñirac quiyim qami' qarashi ma'le, ca' 'viiquiñisa'pe qomi' ma'le! Ca co'na'le, ca' paguec qanoquii'a queso le'guemataxac chaqai quedá'maq 'neeto' na' ỹa'xat.

1 Reyes 18:17

Ca co'na' iuana, ca 'naaco': —Ca ¿qami'o' ná'maq vi'saque da leuogoxo na Israel?

Jeremías 36:16

Ca', chi retaqalec, ca no'chata' na' 'xaỹa, ca' queda lqolonaxa, ca retaxaỹata' 'nerecta': —Sahoqe la'xaỹaxac ñi qarashi quedá'ogue dajo.

Jeremías 38:4

Co'na'le, ca' so na'gaxalateripi 'nerapega so nashi: —'Maxaraic qaỹalauat ñijo ỹale, ma' naua la'qaatqa neualñi nqai'en na qanalliripi ná'maq ñaqai hueeta'ñi najo na'a' lodegaxat chaqai ná'ogue na qomyipi. Ñi ỹale se idaantaque ca lo'yaxanec quena qomyipi, ta'ta'a dá'maq se no'uen.

Amós 1:1

Dajo dá'maq la'qaatec na'le so Amós. So'maxare icoñiguit chicqo'ot ñi qota'olec quedá'maq 'neeta yi Israel, na' saqa'lecaua dos ñaxari quiyim novi' so quiyim i'loxol na 'laua, na' ñaqai neetaho quiyim nashi so Uzías quiyi 'laua Judá, chaqai so llaalec so Joás, leenaxat Jeroboam, nashi quiyi 'laua Israel.

Amós 5:5

Sqai quiipegue' yi Betel quiyim nqouagaxaiñii, chaqai sqai 'iigue da Gilgal, chaqai sqai quiipegue' yi Beerseba, ma' yi Gilgal qaica ca nañitqa' quiyim ỹoqa'a ca 'laua qainaxague, chaqai yi Betel qanopoxoỹaxajñi ma'le.

Amós 7:11

Ma' 'neetasa' da letaxaỹaxac: Ñi Jeroboam qaỹalauat ma'le, qaỹodoota'a na lecat, chaqai ná'ogue na qomyipi quena Israel qai'xategue ma'le ca ỹoqa'a 'laua.

Mateo 21:23

Co'na'le, ca' so Jesús inoxonougui ñi no'ueenaxanaxaqui lodegaxat. Ca co'na' ñaqai hueete'eyi, ca qanqo'neu'a quesaua la'gaxalate' na qomyipi quena' qaretaxaỹa'pegue' ñi qota'a chaqai saua lqo'xonqaipi na judioipi. Ca' qainatetac, qohinaco': —¿Negue' cá'maq chigoxochira'gue quiyim 'viichi' dajo? ¿Negue' cá'maq ỹamaqairaxalec quiyim 'viichi' dajo?

Lucas 23:2

Ca' quiyi, ca qaỹa'uo' na qaimaxalec, qohinac quiyim lasauaxaset, ca qohinac: —Qomi' seuanqajlec dajo ỹale quiyim ỹaatqajam se i'maxañi nqai'en na qouo' laseripi. Chaqai 'neetapega quiyim se seshiuetenaq ñi lashi na nashillipi neeta'ñi yi Roma, chaqai 'naac quiyim chaqaida dá'maq nashi nca'laxaqui.

Hechos 24:5

Ma' qomi' sa'deenqata quiyim dajo ỹale ỹaatqajam se ralamqataxan quenaua'que naua lahil na 'laua. Ma' 'ue yi na'xa'a ỹora'chi nqai'en na qomyipi, ma' da'maxare lashi na na'deetau'a so Nazaret le'ec.

Hechos 5:28

—Qomi' sqaica ma' sa'maxarenaq quet quiyim paxaguinataxañita'pegue da leenaxat so Jesús. Qam ¿negue' dá'maq 'viichitac? Mashic no'xataxachiigui ná'ogue na Jerusalén quedá'maq rapaxaguinataxanaxaguii qamiri, chaqai viitaque pataxailgoto qomi' quiyim qarasauaxaset da lelauaxa so ỹale.

Hechos 7:54

Ca co'na' 'xaỹa dajo so nashillipi, ca' ỹaatqajam ro'o, ca mashic ỹa'que'ta na laqa', paguelec na lauel queso Esteban.