Amós 6:6 - La'qaatqa ñi qota'olec Qota'olec & Qota'olec Novita Na Qomyipi

⁶ Late'ogue' ana ne'taxaguii quena' ni'chi quena lataxa, viñitac ná'maq no'uen coraxat lo'daxaraic lahita, ¡chaqai 'ec qaica nqai'negue nqai'ñii dá'maq qohinta'gue quiyim qanopoxoỹaxajñi na na'lauahi!

Amós 6:6 Iomraidhean Croise

Génesis 49:22

Ca' da José 'neetari' ma'le aca qo'paq neeto'ot na lahi ca huaxaỹaq, ỹaatqajam 'xoic ana la chaqai naua lasotee nqai'guerelec na napoxonaxat.

Ester 3:15

Ca' so lere lo'ollipi chaqa'ma' taate'ogalo ma' chi la'qaatec so nashi. Ca' so na'qaatec chicqochi'ñi yi Susa na' qaỹa'xat. Ca' so nashi chaqai so Amán co'na' ñaq nqa'aamsañi ne'teeta'pe, ca ná'maq neeta'ñi yi Susa ỹaatqajam se ỹa'den ca 'neeta.

Isaías 5:12

Nodaachiguiñi na niviigue 'ue lequet, nouaxana chaqai ana npe'te, chaqai 'xoic na lataxa quenaua nqui'ỹaxaco; qam se nqovilga dá'maq ỹo'ueetetac ñi qara'gaxala', se ỹa'deena'a ná'maq ỹo'ueetetac.

Ezequiel 9:4

Ca 'naapega: Quirougui na na'a' lodegaxat Jerusalén, ca' vite ca retanqui' quena latap cá'maq 'ue ca lachicoxo chaqai da nqui'ic quená'ogue ná'maq qanaqaica'a qaỹo'ueetetac quiyi'maxare.

Oseas 3:1

Ca ñi qara'gaxala' liỹa 'naac caỹim: Mo'e', ca rqo'chita ma'le aca 'aalo nqo'itqate queca nauochaxaua chaqai nanatqa lo'o'. Ca' chaqaida 'neeta da iqo'iichi quena Israel laseripi, 'eno'm que'uegue na ỹoqa'a qota'olqaipi chaqai ỹa'ic ana naqaulata qoỹaanot na'maxare.

Amós 2:8

Na'maxare ipiguinñi na ỹoqa'a nooỹac nillicseripi, ca' nenanlec, ỹalequetau'a na nqui'ỹaxaquipi quena' qaimaqachin na nashiilec nqolaquipi; rishiuetenaxana quena lataxa ana lam lachoxonataxanqate, ca' ne'et quena lataxa quenaua lauooto' na lashiilqaipi nqolaquipi.

Amós 4:1

Na'xaỹaxañiỹa dajo, qamiri 'aallipi 'deenaxanqachaqaipi nesallaxanaipi, aná'maq paguec loyac quiyi Samaria, aná'maq pataxañi na 'xoraic chaqai se ỹaqamaxat ná'maq 'ue na louenaxanaxa, aná'maq ila' na louaaripi quiyim idaanaque ca ne'taxat lataxa.

Juan 12:3

Ca' aso María nodouo aso coraxat lahi' 'uo' ca medio litro quena coraxat leenaxat nardo. So'maxare 'xoic lesega'a. Ca ỹocorelgoto naua lapiaate' so Jesús. Ca na' ime, ca ỹashiviaxate' ỹahote'e so laue. Ca' sá'ogue so 'imec pilougui so lahita so coraxat.

Romanos 12:15

Netoonaxauahi cá'maq netoontac, chaqai noỹenaxauahi cá'maq noỹentac.

1 Corintios 12:26

Ca no'm 'ue ca hua'ñi quena nouenqaipi ca qaiuet, ca ná'ogue na liỹaripi 'ue da le'xoric. Chaqai no'm 'ue ca pa'ỹa'gue quena nouenqaipi ỹaatqajam qaiquelola, ca' ná'ogue na liỹaripi netoon.

1 Timoteo 5:23

Ma' chaqai 'neetari' quen quiyim vichisapigui na qavilli', ca' nagui, ca se nodaqajanchiriñi na huaxaỹaq ni'chiisapigui, vito' ca ni'chirigui quena lataxa, qam sqai 'xoic.