Amós 6:2 - La'qaatqa ñi qota'olec Qota'olec & Qota'olec Novita Na Qomyipi

² Quiipegue' yi na'a' Calne, ca 'ajñii, ca' quiyi, ca 'iỹa'oga yi na'a' lodegaxat Hamat, ca' naiỹalec yi na'a' Gat na'ñi yi filisteoipi. ¿Peeta'a 'ñiitapega quiyim paguec remaqachiguii qamiri quiyauajo 'lauari? Ná'maq 'laua ñiitalec qamiri ¿'ñiitapega paguec loyac quiyaua'maxare?

Amós 6:2 Iomraidhean Croise

Génesis 10:10

Só'maq 'auaxaic na'aateripi reloqota'a so Nimrod: leenaxat Babel, Erec, Acad chaqai Calne hueetaugui yi 'laua leenaxat Sinar.

1 Reyes 8:65

Ca' quesojo na'xa'a, ca' so Salomón chaqai sá'ogue so llaalqaipi so Israel só'maq ỹaatqajam 'xoic qomyipi chicqochi'ñi yi ñigo quiyi Hamat queda rapiguim chaqai ỹovira'a aso ñaachi queda 'guiñi quiyi Egipto, ca' qaỹo'uet so nemaqachic quiyim qoyinauguilo naua 'imqolqai' na'derañi quena' qaimaqachin ñi qara'gaxala' qota'olec, chaqai saua liỹa' siete na'xata', ca' ỹovi' catorce na'xata' so nemaqachic.

2 Reyes 17:24

Ca' so nashi quiyi Asiria naqata'a so qomyipi quiyi Babilonia, Cuta, Ava, Hamat chaqai Sefarvaim, ca' ỹanalec na na'aateripi quiyi Samaria, yí'maq la'a' na llaalqaipi so Israel. Ca' chaqaida 'neeta, ca' naalec yi Samaria, ca' naugui na na'aateripi.

2 Reyes 17:30

Ca' so Babilonia laseripi ỹo'ueeto' so ladenqatec lqui'i so lashiilec Sucot-benot, chaqai so chicqa'ñi yi Cuta ỹo'uet so ladenqatec lqui'i so lashiilec Nergal, chaqai so chicqa'ñi yi Hamat, ca ỹo'uet so ladenqatec lqui'i so lashiilec Asima.

2 Reyes 18:34

¿Negue' cá'maq hueeta'gue ca nashiilec quiyi Hamat chaqai quiyi Arfad? Chaqai ¿negue' ca hueesa'gue caua nashiilqa quiyaua Sefarvaim, Hena chaqai yi Iva? ¿Peeta'a ishite'o' quiyim ca'laqataxane' queda lquesaxanaxa yi Asiria quena Samaria?

2 Reyes 19:13

¿Negue' cá'maq hueeta'gue ca nashillipi quiyi Hamat, yi Arfad, yi Sefarvaim, yi Hena chaqai yi Iva?

1 Samuel 17:23

Ca co'na' ñaq retaqatecto saua'maxare, ca' so nalauataxai filisteo, leenaxat Goliat, na'ñi yi na'a' Gat, ta'oguiyi, chicqotougui so filisteoipi, ca' lotqai liỹa queu'a so Israel llaalqaipi dá'maq chaqai 'neetari'o' quen. Ca' so David 'xaỹa.

1 Samuel 17:4

Ca na'le, ca' chicqotougui so filisteoipi so ỹale nalauataxai. So'maxare ỹovi' tres metros yi ladogaxa; so'maxare leenaxat Goliat, na'ñi yi na'a' Gat.