Amós 5:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca 'neetasa' da la'qaatec ñi qara'gaxala' na' retaqaugui so Israel llaalqaipi: Naguipegue' aỹim, qaiyi rca'lliiuec.

Amós 5:4 Iomraidhean Croise

2 Reyes 20:3

—Ỹim sashiila'e' qami' ỹa'gaxala', quiyim o'lliinchira'a quiyim ỹim qamaxaraic quena' so'uet cá'maq 'maxariñite'. Ca' ỹaatqajam noỹen.

Salmos 14:2

Ñi qara'gaxala' qota'olec na'iitañi queda piguim, ỹa'ajantac na qomyipi, sha'apiguito' 'ue ca 'deenataxanaxai ca' idaanaque ñi'maxare.

Salmos 22:26

Qui'ii, qamiri 'xoraiquipi, chi ỹovireta'a quiyim rquemarii; qamiri ma' daañitaque ñi qara'gaxala', ca' maqachiñii, ca 'xoic ca ñaxaripi rca'lliitauec.

Salmos 27:8

Añi i'taxanata 'naac caỹim: Daañiraque quiyim huañita ñi qara'gaxala'. Ca' ỹim sahotaque quiyim seuañiraxaua', qami' ỹa'gaxala'.

Isaías 31:1

¡Chalego le'xoric ná'maq ỹahotaque qaỹotauan, ca' taigue da Egipto, quená'maq 'ue da lpi'ỹaxac quena shipiguiripi, ná'maq pi'ỹa'a ná'maq 'xoic ana lahoglena chaqai quená'maq ỹaatqajam 'xoic na lalo shipiguiripi, ca' tot nqovilga ñí'maq co'teeta qota'olec quiyi Israel, se idaanaque ñi qara'gaxala'!

Isaías 55:3

Naguipegue' aỹim, ca' na'xaỹaxañii, ỹaatqajam na'xaỹaxañii'ta aỹim, ca' rca'lliiuec. Ca sa'ue ma'le da ña'deenaxac caqamiri sqaica lqodoc, ca ipaquichiguilo ma'le naua sachaxanta'pe na'le queda i'xorenataxanaxa queso David.

Jeremías 38:20

Ca' so Jeremías 'naaco': —Qam qami' ỹashi se qaraqachiriñi ma'le. Na'xaỹaxañi' qouaquiric, qami' ỹashi, queda la'qaatec ñi qara'gaxala' dá'maq sa'xatem qami', ca' qaicanqaida caqami' ma'le chaqai rca'llirec.

Ezequiel 18:9

ca'maxare ipaquichiguilo nqai'ne' naua ilaataxanaxaco chaqai naua ỹaqataxaco. Cajo ỹale chaqaica cá'maq ỹaatqajam na'maxateta, vichiguiño' nca'leuec ma'le. Ỹim na'gaxala', se'taxajñi da ỹa'qaatec.

Amós 5:6

'Guiñiỹot ñi qara'gaxala', qaiyi rca'lliiuec; ma' no'me', ñi'maxare nela' ma'le ca norec, taalec nqai'en ma'le ná'ogue ná'maq Israel, ca' qaica ca ishit ỹo'mat ma'le quena Betel. (7-13 So Amós rashiilaxantac quiyim netogot so qomyipi.)

Mateo 7:8

Ma' cá'maq rashiilaxan, ca' icoñiguit ca rashiilaxanaque; chaqai cá'maq idaanaque, ca ỹanata; chaqai cá'maq ỹotogoxouo ñi lasom, ca' qaỹauate'oga.