Amós 5:22 - La'qaatqa ñi qota'olec Qota'olec & Qota'olec Novita Na Qomyipi

²² Se sa'maxaren ná'maq 'ỹaañiuo quiyim qaicopata'a quiyim yimaqachiñii, vire'ta ana 'ỹaañiuo nanecsec ala; se secoñiguit ná'maq huaqui llaalec 'uegaxasaq rachitaxanataxanaxachii quiyim pilliỹot aỹim.

Amós 5:22 Iomraidhean Croise

Salmos 50:23

cá'maq ỹaantacot aỹim ca na'aachicyaxac, ca' yimaqachin. ¡Ỹim ñca'laxatec cá'maq se neme queetalec da ñayicyaxac!

Salmos 40:6

Qami' se rqo'chita na qaỹavigaxat nachitaxanataxanaxat chaqai ana la aca nanecse qoỹaantapego; chaqai sqai vi'saque quiyim 'ue ca qaicopata'a chaqai aca nachitaxanataxanqate quiyim qaỹapalaxat ca nasauaxaset. Qam qami' huachiriguilo naua ique'laa lauaco.

Isaías 1:11

Ñi qara'gaxala' qota'olec 'naac: ¿Chi'negue ma' 'xoic na nodohitapego rachitaxanataxanaxachii? Mashic yamaqa'gue ná'maq name qagreta loua' chaqai ana lo'ỹo na huaqui llaalec 'uegaxasaq; yamaqa'gue na leuoripi na tooro, qagreta loua' chaqai na quetaq llaalec.

Jeremías 14:10

Ñi qara'gaxala' 'neetasa' da la'qaatec, taỹaugui na llaalqaipi so Israel: Najo qomyipi nemeeten quena taaguilo. Vichiguiño' se yqo'ta. Nagui, ca ño'uenegue na lasauaxaseteripi, ca' so'uet ca nouaxanaxaset na'maxare.

Amós 5:23

¡Ỹoxe'oga nqai'ñii caỹim da lelamaxa na ro'viiñigui! ¡Se yqo'ta sa'xaỹa na riviiguillipi!

Malaquías 1:9

Ca' qamiri shiilahi nagui ñi qota'olec quiyim nqouagoxoric. Qam no'm chaqaidaata 'neetari' nqai'ñii ca rachitaxanataxanaxachii, ca 'neeto' 'neetapigui qavillii quiyim ỹa'maqachigui lauel ñi qota'olec huaqui'chiguita qamiri. Ñi qara'gaxala' sqaica lqalanec 'neetasa' da la'qaatec:

1 Samuel 15:22

Ca' so Samuel 'naaco' queso'maxare: Ñi qara'gaxala' paguec nqo'ta quiyim qana'xaỹaxane'ta ñi'maxare, ca' sqai 'nejem quiyim qoỹaanot aca nachitaxanataxanaxat chaqai qaỹavigaxat; paguec la'maxa quiyim qana'xaỹaxane'ta quecá'maq 'naac, ca' chaqaida sqai 'nejem quiyim qoỹaanot ñi'maxare ca nachitaxanataxanaxat qaỹavigaxat chaqai aca lo'ỹo ca qagreta loua'.