Amós 4:9 - La'qaatqa ñi qota'olec Qota'olec & Qota'olec Novita Na Qomyipi

⁹ Nouaxanaxaset nqaishin na nonot pa'e chaqai ana lase nichigaxanaq, so'uet quiyim nasogoñi naua lanaxanqate' chaqai naua 'uva lomaate', ana piñai ỹa'ic naua 'igo lomaate' chaqai naua oliva lomaate', ¡qam qamiri se rapilliua'! Ñi qara'gaxala' i'taxajñi da la'qaatec.

Amós 4:9 Iomraidhean Croise

Isaías 1:5

Qamiri viitaque ypa'guiñitac, qam quena roshicmaxahi tot qaica ca no'ueenta. Ná'ogue na rqahiguii coñirqata, chaqai na'laañi cá'ogue ca rquesaxanaxahi.

Jeremías 3:10

Na' ime dá'ogue dajo añi nedequenaxai Judá qai'neeta se rapilliua' cañá'ogue añi le'taxanata, ta'ta'a quiyim yayin. Ỹim na'gaxala', se'taxajñi da ỹa'qaatec. (3.11-25 Ñi qara'gaxala' 'naapega quiyim netogot. Dá'maq 'naac so llaalqaipi so Israel quiñi qara'gaxala'.)

Oseas 11:5

Qam yi'maxare se ỹa'maxaren rapilliua'. Vichiguiño' pila ma'le nqaishin yi Egipto, chaqai qoỹoiquentac ma'le quiyi Asiria.

Joel 1:4

Sá'ogue qaiqo'queeta caso piñai, ca só'maq no'ueenañi caso 'auaxai, ca novi' aso liỹa, ca' qo'queeta.

Joel 1:7

Ỹaatqajam qo'quiichi'ñiguit na qodanec 'uva loma', qo'queeta ana laue ana 'igo lashi; ỹaatqajam ỹoselaxate'tegue ná'ogue mashic ỹalagre'teguelo nqai'ne' naua lasote.

Joel 2:25

Ỹim sopilaxatema qamiri ma'le saua'que saua ñaxari na'lerañi sauaxat na'le aso piñai 'ec ca nouaataxanaq nopoxoiqataxanaq selatalo na'le qamiri quiyim na'laxatañi so qadañiguii.

Amós 4:6

Ca 'eno'm ỹim so'uet quiyim ỹoviro'oto qamiri ca nqopaaxa quenaua'que naua na'aate'; chaqai ỹim so'uet quiyim qaica ca qanoxohi quenaua'que naua ra'aachiri, ¡qam qamiri se rapilliua'! Ñi qara'gaxala' i'taxajñi da la'qaatec.

Amós 4:8

na qomyipi queetagui na na'aateripi, idaantaque na huaxaỹaq, qam se nalogoñi ná'maq huaxaỹaq lanataxat, ma' se nomat na laquip, ¡qam qamiri se rapilliua'! Ñi qara'gaxala' i'taxajñi da la'qaatec.

Hageo 2:17

Ỹim ñopoxoỹaxajñi ná'ogue ná'maq chicqaugui dá'maq na'ñaaqataxaguii, sahote'e na nichigaxanaq chaqai ana qalachi, qam se rapilliỹa aỹim. Ỹim na'gaxala', se'taxajñi da ỹa'qaatec.

Malaquías 3:11

Ca' mesqai saxanegue quiyim na nichigaxanaq nichiguiñi na qadañicshiguii ala chaqai naua qadanaxahi 'uva lomaate'.