Amós 4:8 - La'qaatqa ñi qota'olec Qota'olec & Qota'olec Novita Na Qomyipi

⁸ na qomyipi queetagui na na'aateripi, idaantaque na huaxaỹaq, qam se nalogoñi ná'maq huaxaỹaq lanataxat, ma' se nomat na laquip, ¡qam qamiri se rapilliua'! Ñi qara'gaxala' i'taxajñi da la'qaatec.

Amós 4:8 Iomraidhean Croise

1 Reyes 18:5

Ca' so Acab 'naaco' queso Abdías: —Qolaq, souoxonaq na qana'laua, sa'ajnaq ná'ogue na ñaachipi chaqai na lachiuguellipi, sha'apiguito' 'ue ca qaranataxat 'uaqapi, qaiyi ñaqai queeta nca'leetauec na shipiguiripi chaqai na que'laipi. No'me', ca' nilliviñi ná'ogue na qoloipi.

Jeremías 3:7

Ca' sa'deenataxantac quiyim ma' ime dá'ogue dá'maq ỹo'ueetetac, ca ishit rapila aỹim; qam se rapil. Aso lqaỹa, asó'maq se ỹaqamaq Judá, iuana dajo;

Oseas 11:5

Qam yi'maxare se ỹa'maxaren rapilliua'. Vichiguiño' pila ma'le nqaishin yi Egipto, chaqai qoỹoiquentac ma'le quiyi Asiria.

Amós 4:6

Ca 'eno'm ỹim so'uet quiyim ỹoviro'oto qamiri ca nqopaaxa quenaua'que naua na'aate'; chaqai ỹim so'uet quiyim qaica ca qanoxohi quenaua'que naua ra'aachiri, ¡qam qamiri se rapilliua'! Ñi qara'gaxala' i'taxajñi da la'qaatec.

Hageo 1:6

Qamiri 'xoic ná'maq qadañicshiquii, qam sqa lo ná'maq naqachii ala na'maxare; qui'iitac, qam se rquemari; ni'chiitac, qam se neme na raquipii; ñiiñi naua pa'iichiguilo qatoohi, qam se npa'eeuec na roshicmaxahi; chaqai ná'maq ro'ueenataxanaxaguii laseue' lliỹa'ñigui ana qachoxoguii huacnaxa.

Hageo 2:17

Ỹim ñopoxoỹaxajñi ná'ogue ná'maq chicqaugui dá'maq na'ñaaqataxaguii, sahote'e na nichigaxanaq chaqai ana qalachi, qam se rapilliỹa aỹim. Ỹim na'gaxala', se'taxajñi da ỹa'qaatec.