Amós 4:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca 'eno'm ỹim so'uet quiyim ỹoviro'oto qamiri ca nqopaaxa quenaua'que naua na'aate'; chaqai ỹim so'uet quiyim qaica ca qanoxohi quenaua'que naua ra'aachiri, ¡qam qamiri se rapilliua'! Ñi qara'gaxala' i'taxajñi da la'qaatec.

Amós 4:6 Iomraidhean Croise

1 Reyes 17:1

So letaxaỹaxaqui ñi qota'olec leenaxat Elías, na'ñi yi na'a' Tisbe, huaugui yi 'laua Galaad, 'naaco' queso nashi Acab: —¡Ñallitalta' quiñi qara'gaxala', ñí'maq qota'olec queso Israel, ñí'maq so'ueenataxantacot, quiyim quenauajo ñaxari sqaica ca ỹaxat chaqai aca 'ỹa', toco' ma' ỹovita quiyim 'ue ca sa'xat!

1 Reyes 18:2

Ca' so Elías eec, quepegue' so Acab. Quiyi Samaria ỹaatqajam 'xoico' so nqopaaxa.

Ezequiel 16:27

Ca na'le, ca' ñanojshiguim da iqai'laxat, ma' sahotaque souaxañi'. Ca' sa'ue da re'xoriqui', tot sa'ue cá'maq viñisaque. Ca' saanougui qami' yi qomyipi filisteoipi, yi'maxare se nqo'ta qami' sauaxat dá'maq 'ñi'sari', qami' nayiloxo lahi'.

Oseas 11:5

Qam yi'maxare se ỹa'maxaren rapilliua'. Vichiguiño' pila ma'le nqaishin yi Egipto, chaqai qoỹoiquentac ma'le quiyi Asiria.

Oseas 5:15

Ca ma'le, ca' yapila na ỹoma', chi ỹovireto'o' ma' yi'maxare no'uenegue da lasauaxaset, ca' nanac idaanaque aỹim. ¡Ma' ỹovira'a da le'xoric, ca' idaanaque aỹim!

Joel 1:16

Ỹaatqajam seuanqachigui quiyim qarouootaxana'gue so qonoq, ca' imeuo da naỹaac quiñi no'ueenaxanaxaqui quiñi qota'olec.

Hageo 2:17

Ỹim ñopoxoỹaxajñi ná'ogue ná'maq chicqaugui dá'maq na'ñaaqataxaguii, sahote'e na nichigaxanaq chaqai ana qalachi, qam se rapilliỹa aỹim. Ỹim na'gaxala', se'taxajñi da ỹa'qaatec.

Apocalipsis 2:21

Ca' ỹim mashic sa'ue so ledaaqa' quiyim netogochigui na lauel, ca' ỹaxanñi da no'ueenataxac. Qam se netogot, ca' sqai ỹaxanñi da nedequenaxac.

Rut 1:1

Quesaua ñaxari co'na' so llaalqaipi so Israel qareloqota'a quena nashillipi quená'maq ishit imit ca nasauaxaset, ca 'uo' so na'xa'a quiyim 'uo' so nqopaaxa lodegaxat quesá'ogue so qoyintalec 'laua. Ca 'uo' so ỹale na'ñi yi Belén, yi'maxare huaugui yi 'laua Judá. So ỹale leenaxato' Elimelec, (loqo'm ñi qota'olec caỹim, nashi), so'maxare quepegue' quiyim cocho'qui' na'ñi yi liỹa 'laua leenaxat Moab, liỹaaterec aso loua Noemí (loqo'm maqachaqai) chaqai saua dos llaalqa Mahlón (loqo'm ne'ne') chaqai so Quelión (loqo'm ralolaxauaic). Ca saua'que nera'ñi yi Efrata, da liỹa leenaxat Belén. Ỹovijta yi Moab, ca' chaqaiyi nera'ñi.